الراجل ابو جلابيه بتاع الزمالك

زى ما انتم عارفين الشعب المصرى ميسيبش حاجه تعدى الا لما يتريق عليها

حتى لو كان مغلوب ومقهور منها يطلع الكبت والقهر فى شكل نكت وسخرية

بعد اللى حصل بالأمس فى موضوع مباراة الزمالك ونزول الجماهير للملعب

تركوا كل الناس وركزوا على الراجل ابو جلبية ...تعالوا نشوف التعليقات

من وحي الراجل أبو جلابية : يا ابو جلابية طوبي والله اشتقت يا محبوبي شدتلك ماراسيل

ارفع جلابيتك فوق انت زملكاوي المصدر.

الراجل مش بس بكلمته .. الراجل بصندله و شومته و جلابيته

عــاجل: الراجل اللي لابس جلابية في ماتش الزمالك طلع بتاع الشاي و العجوة اللي في المدرجات ونزل يجري ورا الجمهور يلم منهم الحساب المصدر

قرر صاحب الجلبية بتكوين حزب سياسي أطلق عليه لن أعيش في جلباب الزمالك المصدر :

عاجل:الراجل ابو جلابية طلع واحد ضايع منه جمله من يوم الموقعة وبيدور عليه

فى كل استـــــــــا د فى بلادى صـــــوت الجلابيه بينـــــــــا دى

-

للأسف الشديد سابوا كل حاجه ومسكوا فى ابوجلابيه

هو ابوجلابيه ده مش مصرى ولا جاى لهم من بره ولا

ملهوش حق يشجع .للأسف الشديد التقسيمات بين

طوائف الشعب المصرى هى ازمتنا الحقيقيه .شكرا

ام شروق على الموضوع

طيب ايه رايكم لوضفنا ابو جلبية مثلا

مين الراجل اللى ورى عمر سليمان

ومين الست اللى ورى القذافى

ومين الراجل ابو جلبية

شكرا زهرة تقبلى تحياتى

متزعلش يا سعيد

مجابوش سيرة الشاب اللى قلع فانلته

وجابوا سيرة الجلابيه احنا كده

عملوها يا استاذ محمد

وقالوا الراجل اللى ورا عمر سليمان بعت برقية شكر

للراجل ابو جلبيه علشان خلصه من تريقة الناس

حذيفة طالب أزهري وحافظ القرآن.
http://youm7.com/News.asp?NewsID=383862

يا آمنه هما كده

سابو كل الناس وزركزوا على المسكين ده

بس اهم عملوا له شهره

شكرا آمنه

انا عندي سؤال واحد فقط بصفتي زملكاوي
الراجل ابو جلبيه كان ماسك علم والمصحف ما هو علم الزمالك ولا حتي الاهلي
انا نفسي اعرف دا علم مين ؟

انا اعرف منين

انت لك عين تتكلم يا زملكاوى اتوكسوا بقى فضحتونا

احلي شيء في شعبنا المصري خفة دمة

وبالنسبة للراجل ابو جلابية دة علي نياتة نزل الملعب

ولقيها فرصة علشان نفسة من زمان يسلم علي الاعبين سواء مصريين ام توانسة

وهذا من واقع تصريحاتة للصحافة وهو رجل ازهري وحافظ كتاب الله

اهم شيء مسكين طلع من المطب وملبسوهش العمة ؟

يااخوانا الموضوع يخصنا احنا الصعايده بالذات

اشمعنا الراجل ابو جلابيه بالذات الى شال الليله كلها زى مابيقولو وعملوه نكته وسخريه

وليه هو بالذات من وسط المئات بل الالاف الى نزلوا الملعب

هل لانه لابس جلابيه وايه يعنى هى الجلابيه بقيت دلوقتى عيب وموضع سخريه

هوا انا لما احب اتفرج على ماتش لازم البس كجوال يعنى

هما الصعايده دول مش مصرين ليه الجلابيه بالذات

الموضوع فعلا خد اكتر من حجمه

وبعدين الراجل لا ضرب حد ولا نزل ماسك سنجه ولا مطوه ولا تسبب فى اذى احد

بل كان يحمل علم وكان امنيه حياته ان يسلم على البهوات بتوع الزمالك

وكان بيجرى بعلم النادى الى كان بيشجعه هو كان رافع علم اسرائيل يعنى

ليه الاصوات بتطالب بالبحث عنه بالذات وكانه يمتلك مفتاح اللغز والمؤامره

فعلا حاجه تثير الضحك والغرابه

ماتدورو الاول على البلطجيه الذين تسببو فى اهدار كرامه مصر على الهواء مباشره

الراجل كل غلطته انه نزل الملعب بس

رفقا بصعايده مصر فقد فاض بنا الكيل ولم نعد نتحمل سخريتكم على شخص الصعيدى اخرى

شكرا زهره الجنوب على اثارتك للموضوع

وانا بصدد عمل جروب على الفيس بعنوان ارفعو ايديكم عن الراجل ابو جلابيه

عندك حق يا مصطفى

ما انا بقول سابوا كل الناس ومسكوا فى ابو جلابية

طيب ما يركزوا على اللى قلع هدومه دا ومتشنج مكلنا شفناه

ابو جلابيه كان نازل بعلم مش بقنابل

وانا سمعت انه اتعمل 50 جروب باسم الراجل ابو جلابية

ايه الجنان ده

مش كده برضه ياام شروق وعلى فكره عملو اكثر من مئتات جروب بخصوصه

حاجه قمه فى الغربه والاستخفاف

ربنا يهديهم ويصلح حالهم

» فلى \بتاع الدود
» الراجل ده هيجنني !
» يا عم يا بتاع البطاطين
» الراجل ده..هيجنني!!
» الراجل ده .. هيجنني