منقول من مطبخ Ria
سويت الجالاكسي
الكيك المفتت (أي كيك كاكاو تختارينه... انا استخدمت باوند كيك جاهز... ممكن تسوين كيك كاكاو وتفتتينه)...
الطبقة الثانية (كوب بسكويت مطحون + واحد قشطة + 4 حبات جبن كيري. نضربهم بالخلاط
ونصبه على الكيك)...
الطبقة الثالثة (نذوب كاكاو جالاكسي او اي كاكاو تختارينه في حمام مائي مع نص قشطة. نحطه
على الطبقة الثانية)...
التزيين (اختياري... انا حطيت حبات كاكاو الماليتيزرز)...
صوره اقرب...
صوره جماعية
صوره من الطرف...
----------------------------------
سويت لونين
اول طبقة (اول شئ حطيت بسكوت مغمس في حليب وحطيت علية الكريمة. مثل ما قلت قبل الكريمة
اختياري... انا حطيت دريم ويب وحليب سائل وقشطة وجبن فلادلفيا او كيري حسب الموجود....
قسمت الخليط 3 اقسام... خليت واحد ابيض... والثاني حطيت عليه كاكاو... والثالث حطيت عليه
كريم كراميل.. اي لون موجود يناسب)...
ثاني طبقة (بديت احط الطبقة الثانية.. شوي من هذا اللون وشوي من اللون الثاني)
صوره اقرب
التزيين (اختياري... انا حطيت نصه فليك والنص الثاني حبات كاكاو الماليتيزرز)...
صوره جماعية
----------------------------------
سويت الرمان
كيك السويسرول (مقطع شرائح. نحط قطعة وحده)...
الطبقة الثانية والرمان (طيقة الكريمة انتي اختاري اللي تحبينه.. انا حطيت دريم ويب وقشطة
وحليب سائل وشوي جبن فيلادلفيا وخلطهم مع بعض وقبل ما اصبهم في الكاسات حطيت فيهم رمان.
ونثرت باقي الرمان فوق)...
صوره من الطرف...
صوره اقرب...
---------------------------------------------
سويت الجلي الاحمر
اول طبقة (حطيت بسكويت وبعدين سويت جلي احمر وحطيت عليه... ممكن اي لون جلي ...)...
من طرف (البسكويت مبين)...
الطبقة الثانية (كريم دريم ويب وقشطة وحليب سائل)...
صوره أقرب...
التزيين (ما كان عندي شئ ازين فيه.. شويه سكر ولونته بلون الاكل الاخضر ونثرته على الكريمة...
انتي زيني باللي تحبينه)...
صوره اقرب...
----------------------------------------
سويت النيدو المحمص
اول طبقة ( اول طيقة بسكويت مغمس في حليب... بعدين تحمصي كوب حليب بودرة وشيليه من
النار ضيفي عليه واحد قشطة ونص فنجان ماء وفنجان سكر وقطعة زبدة صغير واخلطيهم وحطيهم
في الكاسات على البسكويت)...
ثاني طبقة (حطيت كوب وربع ماء و4 ملاعق حليب بودرة وواحد كريم كراميل وواحد قشطة.
خليتهم على النار لين غلى وصبيته في الكاسات)...
صوره اقرب (ممكن تزينين السويت باللي تحبينه. احسن شئ بيكون فليك بس ما ادري ليش ما زينته...
رغم ان عندي فليك )...
صوره جماعية
بالهنا والعافية .. وكل الشكر ل ريا .