يشرب عصير قصب ولا يركب الاتوبيس ؟؟؟

[color=blue]صعيدي كان معاه ربع حنيه..

ففكر يعمل ايه بيه..

يشرب بيه عصير قصب
ولا يركب بيه الاتوبيس..

فقال؟

انا لو ركبت الاتوبيس هيبقي في حل من
الاثنين:

ياما هيقعد جانبي راجل او هتقعد ست..

لو قعد الراجل مفيش
مشكلة..

لكن لو قعدت الست هيبقي في حل من الاثنين:

ياما هنعجب ببعض
او مش هنعجب ببعض..

لو ما اعجبناش ببعض مفيش مشكلة..

لكن لو اعجبنا
بعض هيبقي في حل من الاثنين:

ياما هنتجوز ياما مش هنتجوز..

لو
ماتجوزناش مفيش مشكلة..

لكن لو اتجوزنا هيبقي في حل من الاثنين:

ياما
هنخلف ياما مش هنخلف..

لو ماخلفناش مفيش مشكلة..

لكن لو خلفنا هيبقي
في حل من الاثنين:

ياما نخلف ولد او نخلف بنت..

لو خلفنا بنت مفيش
مشكلة..

لكن لو خلفنا ولد هيبقي في حلمن الاثنين:

ياما هيستقيم او
هينحرف..

لو استقام مفيش مشكلة..

[color:e97f="rgb(255, 0, 255)"]لكن لو
انحرف هيبقي في حل من الاثنين:

ياما يدمن او مش هدمن..

لو مأدمانش
مفيش مشكلة..

لكن لو ادمن هيبقي في حل من الاثنين:

ياما هيبقي معاه
فلوس او مش معهوش..

لو كان معاه فلوس مفيش مشكلة..

لكن لو مش معاه
فلوس هيبقي في حل من الاثنين:

ياما هيسرقني او هيقتلني..

.....
يقتلني؟؟؟!!

لا ياعم انا اشرب عصير قصب احسن

م ن ق و ل

كل ده هيحصل علشان هيركب الاتوبيس لا العصير افضل صح

اهو شرب العصير ملهوش توابع ولا جواز ولا اولاد .شكرا

ام شروق على الموضوع واصحاب العقول فى راحة

وفى الاخر شرب عصير

ولا الربع جنيه ضاع منه

ام شروق تقبلى تحياتى

هههههههههههههههه

لا حلوه

ده الحمد لله الواحد لو فكر مثله

كان رمى الربع جنيه بعيد

افضل من المصائب التى ستخلفه

شكرا ام شروق

سعيدالعارف الضبع كتب:: كل ده هيحصل علشان هيركب الاتوبيس لا العصير افضل صح

اهو شرب العصير ملهوش توابع ولا جواز ولا اولاد .شكرا

ام شروق على الموضوع واصحاب العقول فى راحة

دا انا دوخت من كتر اللفه بتاعته دى

يا اخى شالله ما عنه ركب اتوبيسات

شكرا سعيد

محمد ابوالعبادى كتب:: وفى الاخر شرب عصير

ولا الربع جنيه ضاع منه

ام شروق تقبلى تحياتى

والله لو وقع منه الربع جنيه يريحنا يا استاذ محمد

شكرا لك

احمد ابو عاصم كتب:: هههههههههههههههه

لا حلوه

ده الحمد لله الواحد لو فكر مثله

كان رمى الربع جنيه بعيد

افضل من المصائب التى ستخلفه

شكرا ام شروق

لا قول الحمد لله انه معاه ربع جنيه واحد

محدش عارف لو كان معاه اكتر كان فكر فى ايه

شكرا ابو مرح