عفريت ميرى

موضوع: *عفريت ميرى* السبت مايو 07, 2011 9:47 pm

انا كنت ماشى فى يوم لقيت فانوس سحرى
فضلت ادعك يومين فى صوابعى انا بهرى
وبقول ماتطلع ياعم باين عليك فقرى
عفريت دا ايه ياناس اللى وراه بجرى
هبدت الفانوس فى الارض ودورت ليه ضهرى
ومشيت وحالى غم وبقول اكون فقرى
وانا ماشى حتته ازاز جت عورت رجلى
يعنى ناس من فانوس فى يوم تتغنى دوغرى
وانا الاقى الفانوس اقوم تتعرج رجلى
قعدت قلعت الشراب وبشوف دماء تسرى
فجاءه طلعلى مارد صايع كمان عجرى
وقالى ايه اللى جابك تقلق منامى بدرى
وقالى شوفلى سيجارة خدها وراح قافل
بصيت لباب الفانوس لقيته ايه بياكل
ماسك فى ايدو رغيف فيه جبنه و فلافل
وقولت يلعن ابوه عفريت ثقيل سافل
وجيت اقوم امشى راح منادينى
وقالى على فين ياعم ونط فى يمينى
وقالى اكتب طلب وامر تلاقينى
بس ماتنساش انك تراضينى
اراضيك بايه يا عم وانت حاتغنينى
قالى دا فانوس ميرى والراتب مش مكفينى
اديته خمسه جنيه ومسحت دموع عينى

م ن ق و ل

موضوع: رد: *عفريت ميرى* الأحد مايو 15, 2011 12:29 am

زمان كانوا بيقولوا لوفاتك الميرى اتمرمغ فى ترابه دلوقتى الميرى مابقيش

بيأكل عيش حاف والكل بيهرب منه .ياترى الايام الجاية هيرجع الميرى

لمكانته الطبيعية ولا سيظل حبيس الفانوس كعفريت ميرى؟ شكرا ام شروق

على الموضوع الفكاهى والجميل

موضوع: رد: *عفريت ميرى* الأحد مايو 15, 2011 12:32 am

لااعتقد ياسعيد انه هيرجع تاني
او علي الاقل دلوقتي
لانها بالنسبه ليهم كسرة نفس ياريس
بس والله فيهم ناس غلابه جدا انا اعرف ناس منهم محترمين
بس تقول ايه بقي الحسنه بتخص والسيئه بتعم
اهم علي الاقثل لما كانوا مرزوعين كنا حاسين بالامان برغم افعالهم
لكن لما اتنيلوا وغاروا وكمشوا حسين بقيمتهم
مبقيتش تطلع في الشارع وحد يقولك فين رخصتك واهرش علشان تعدي
هههههههه وحشونا ولاد الايه دول تخيل ؟

موضوع: رد: *عفريت ميرى* الأحد مايو 15, 2011 12:36 am

ارجع يا ريس

احنا كنا بنهزر معاك

ارجعوا كلكم يا سجناء طره مش عارفين بصراحه نعيش من غيركم

كنتم منشفين ريقنا وكاسرين نفسنا وواكلين قوتنا ياللا بقى ارجعوا

موضوع: رد: *عفريت ميرى* الأحد مايو 15, 2011 12:57 am

في نكته سمعتها من كام يوم
بتقول ايه
واحده اتجوزت وربنا اكرمها بالخلفه
المهم ابنها وصل سن ال6 شهور وكان بيريل يازهرة
واخده بالك المهم غلبت بيه لف علي الدكاترة
وراحت لناس كتير
وناس ولاد حلال زي حلاتي كده دلوها علي شيخ
راحتله عملها حجاب وقلها متقلعيش الواد الحجاب دا خالص
المهم الوليه راحت البيت وايدها كلتها فضلت تفك وتلعب في الحجاب
لحد ما فتحته لقيت فيه صورة مبارك
راحت للشيخ قالتله انت ضحكت عليا وانا هبلغ عنك اقولك اعملي حجاب تحطلي صورة مبارك .
قالها ياستي يعني الراجل كان منفش ريق 80 مليون مش هيقدر ينشف ريق ابنك واللي جابه كمان

موضوع: رد: *عفريت ميرى* الأحد مايو 15, 2011 10:07 am

جديدة النكته دى يا عبقر

حقه يريل الولد كتر خيره

» مصر على كف عفريت
» الفيلم الكوميدي عفريت مراتي
» فيلم عفريت عم عبده ///اسماعيل يس ناااادر
» نجع الجامع اللى اتبنى على راس عفريت فى السمطا \دا تقرير من الاهرام

*عفريت ميرى*

عفريت ميرى