طرائف زوجيه

موضوع: طرائف زوجيه الأربعاء مايو 11, 2011 9:58 pm

طرائف زوجية
> >
> > ذهب رجل إلى قسم الشرطة وهو يريد أن يتحدث مع اللص الذي اقتحم
منزله أمس ليلا والشرطة أمسكته ... فقال له الضابط سوف تأخذ فرصتك في
الكلام معه أمام النيابة ... فرد الرجل لأ إني أريد أن أسأله سؤال واحد ...
كيف استطاع دخول المنزل بدون أن تستيقظ زوجتي إنني أحاول فعل ذلك منذ
سنوات ودائما أفشل

بينما كان الرجل وزوجته يتجولون في مول تجاري ضخم ... تاهت عنه زوجته ولم
يستطيع أن يجدها وسط الزحام ... وفجأة رأى إمرأة جميلة فتقدم منها وقال لها
... هل تسمحين لي بالحديث معك ولو دقيقة واحدة ... فقالت له لماذا ... فرد
عليها لأني بمجرد أن أتحدث إلى أي إمرأة جميلة أجد زوجتي أمامي ولا أعلم
من أين تأتي

خلال حفل زواج ... سأل طفل صغير أمه ... لماذا تلبس العروس فستانا أبيض؟
فردت عليه الأم ... لأن اليوم هو أجمل يوم في حياتها ... فأخذ الصغير يفكر
قليلا ثم سألها ... ولماذا إذن يرتدي العريس بدلة سوداء؟؟؟

> >
> > § استيقظت إمرأة ذات يوم وهي تقول لزوجها اليوم عيد الحب وقد
حلمت بأنك أهديتني قلادة ذهبية مرصعة بالماس ... ما معنى هذا الحلم؟ فقال
لها زوجها في المساء سوف تعرفين ... وعندما أتى المساء وجدت زوجها يحمل
علبة أنيقة وأعطاها لها بمناسبة عيد الحب وعندما فتحتها وجدت كتاب مكتوب
عليه .... تفسير الأحلام

> > بعض الناس ممن لم يوفقوا الى الزوجة التى فى مخيلتهم لا يجدون
طريقة الى التنفيس عن نفسهم غير الطريقة التالية

اللهم صلي على سيدنا محمد عدد ما في علم الله صلاة دائمة بدوام ملك الله
> >
> > إلهي أنت ذو فضل ومنّ وإني ذو خطايا فأعف عني وظني فيك يا رب
جميل فحقق يا إلهي حسن ظني

والله جميل جدا جدا ياعبقرينوا كفى من السياسه والحكم وروحوا القلوب ساعه جميل يا أبو حسام أنا فضلت أضحك بصوت عالى الحمد لله المدام مش موجوده كانت لقت علاى فرصه

مرة واحدة بتقول للثانية:انا جوزى نساى اوى كل مرة يقول لى اين مفتاح السيارة اين مفتاح المنزل.الثانية قالت لها: يا بختك انا جوزى يقول لى:انا شوفتك فين قبل ذلك.

مرة زوج متزوج وحدة غبية قال لامراتة : هانعمل جمعية كل يوم اديكى جنية وبوسة جا اخر الشهر لقى معاها تسعين جنية قالها ازاى دا ياولية قالت لة: ..اسكت ...مش ابو محمد جارنا دخل بسهمين

واحد بيقول لصاحبه : شايف الست اللى واقفة هناك دى
؟بتضرب كل يوم جوزها
بالجزمة !! .قال له : و عرفت ازاى ؟؟رد : اصلها مراتى

واحد بيقول لصاحبه : انتهت على ايه الخناقة بينك و بين
مراتك امبارح؟؟
رد : هه ...دى جت لغاية عندى و ركعت قدامى !!قال له يا
سلام و قالت لك ايه ؟
قال له : قالت لى : "اطلع من تحت السرير يا جبان
مره واحده رايحه تشتكي لأمها: يا ماما يا ماما الحقيني..؟ الام: مالك في ايه؟؟! فقالت: كل ما اعمل الاكل لجوزي ياخده ويرميه للكلب!!! الام: يا حرام والكلب ذنبه ايه بس؟؟!!!

الاجمل هو تشريفك لنا في الموضوع
والاجمل منه ان ربنا ستر والحكومه مش موجوده في البيت ههههههه

رائعه يازهورة انتي هههههه
شكرا لاضافاتك الجميله

دا إيه التجليات دى النهارده يا زهره ويا عبقرينو جميله الطرفه بتاعة الجمعيه خالص كلهم ألذ من بعض النهارده فى تجلى يذكر الحقيقه

دا بس علشان انت موجود ياعمنا ومنورنا
احنا كدا عادتنا بس الظروف هي اللي مأخرا زهرة وبتغيب بأستمرار هههههه
الكلام ليكي ياجاره طبعاً واللي علي راسه بطحه بقي ياشيخ احمد

ايوه صح انا بغيب كتير قوى ظروف الشغل بقى

والبناء والتعمير ادينا شغالين فى البلد بالمسطرة والقلم

ربنا يسهل واقدر انتظم معاكم ومغيبش تانى

مش عارف اعمل معاكي تاني
كل فترة غياب غياب
وبعدين الاخر معاكي ايه بس
اشهدوا بقي عليها يا اهل السها

جميل خالص ابو حسام ,طرائف لذيذة وتروح عن القلب غعلا

جميل جدا يا ابوحسام العروسة بتلبس ابيض علشان

ده هو اجمل يوم فى حياتها .طيب العريس بيلبس

اسود ليه ؟ اكيد علشان اسوء يوم فى حياته .شكرا

ابوحسام على الموضوع الطريف والجميل

اسعدني تشريفك للموضوع اختنا صفيه
وجعل الله ايامكم كلها بهجه
وسعاده وتقبلي وافر التحيه

حبيب القلب سعيد
ربنا يجعل ايامك كلها فرح يارب
ونصيحه مني اوعي تلبس بدله سودا هههههه

اقتباس :: استيقظت إمرأة ذات يوم وهي تقول لزوجها اليوم عيد الحب وقد
حلمت بأنك أهديتني قلادة ذهبية مرصعة بالماس ... ما معنى هذا الحلم؟ فقال
لها زوجها في المساء سوف تعرفين ... وعندما أتى المساء وجدت زوجها يحمل
علبة أنيقة وأعطاها لها بمناسبة عيد الحب وعندما فتحتها وجدت كتاب مكتوب
عليه .... تفسير الأحلام

ياربي بعض الرجال ما تعرف عليهم تياسه ولا خباثه << تصرفه يجيب الجلطه

شكرا يا ابو حسام طلعتنا من الملل للضحك تسلم.

الله يخليكي اختنا امنه
وربنا يفرجها وكل اللي مخنوقه من جوزها
هي حره بقي تكمل الدعوه بنفسها ... هههههه
وربك يعدلها واللي مراته محيراه يارب يبدلها

انت تقصد ايه يا سعيد إزاى عريس ويومه أسود عاوز أفهم

ههه ابسط ياسعيد الشيخ احمد كمان هيتبرع ويدعيلك

مش انا اللى بقول يا شيخ احمد ده الموضوع

اللى جايبه ابوحسام بيقول يعنى السؤال مش لى

انا لأبوحسام انا الحمد لله لسة عالبر للحقت ابيض

ولا اسود .يعنى سؤالك ده لأبوحسام مش لى .واحنا

بنهدى النفوس مش اكتر .

ألف سلامه ياآمنه عليك من الجلطه دا نكته بنضحك بيها معقول اتأثرتى

مهي امنه بتضحك برضو ياشيخ احمد
ربنا يسعدكم جميعا
الا قولولي انتوا بقالكم قد ايه مضحكتوش ؟؟
علشان اقدر المده واقدر اعمل موضوعات ضحك علي قد المده ؟
ههههه

بس هو الراجل سابها مغطايه ولا انت بتتغشش من اللون الأسودولا خايف ولا ايه ياسعيد عموما ربنا يكرمك بالزوجه الصالحه وتكون ليلتك بيضاء إن شاء الله وادعى لأبو حسام انهارده مش هيخلينا ننام من كتر الضحك أنا راجل عريس مالياش 5شهور بس الحمد لله البدله ف السوره كلكم شايفين لونها أسود بس الحمد لله الليله كانت بيضاء ربنا يرزق الجميع إن شاء الله شكرا سعيد أتمنى لك التوفيق

أنا عضو جديد ف المنتدى يا أبو حسام وأول مره أمزح معاكم وأحبكم جميعا ف الله وربنا مايحرمنا منك ولا منهم تعيش وتضحكنا يا غالى

شكرا ياشيخ احمد ربنا يتقبل منك ان شاء الله

ويجعل ايامنا كلها بيضا ان شاء الله ويرزقنا بالذرية

الصالحة .دعواتك معانا ياشيخ احمد

لا يا شيخنا انا طبعا كنت اضحك على النكت مش اكثر
بس لو فيه مثله في الحقيقه كان بالفعل يجب الجلطه لمرته

ابو حسام انا عن نفسي دايما اتجنب جو النكد واحب الضحك
يعني آخر مره ممكن تكون قبل شوي << عادي جداً
تسلم و ننتظر جديدك ..

موضوع: رد: طرائف زوجيه الخميس مايو 12, 2011 12:03 am

بس انا هجيب تراجيدى

انا شايفه انكم خدتم جرعه كافيه من الضحك

ولازم نحقق العدالة وانكد عليكم شويه

موضوع: رد: طرائف زوجيه الخميس مايو 12, 2011 12:08 am

انت ناوى تعمينا ولا ايه

كبر الخط يا عبقر

موضوع: رد: طرائف زوجيه الخميس مايو 12, 2011 12:10 am

صعيدي ماسك ثلجة..وقال :بس أموت واعرف بتنقط منين؟؟!!
---------------

صعيدي سافر امريكا شرب من حنفية اوتوماتيك ما عرفش يقفلها
قام رجع باول طيارة لمصر..
قام سالوا
صاحبو :ازاى امريكا؟
قام قال
:اسكت زمانها غرقت يا بوووي..

---------------

صعيدي دخل الجيش..صنفوه ضمن كتيبة القصف العشوائي..!!!

------------ --------- --------- --------- ---

-مرة واحد صعيدى حب يقوم بدرى حط قنبلة تحت المخدة

------------ --------- --------- -----

-واحد منهم راح يكشف عند دكتور ..الدكتور قاله انزل اعمل
(اشاعة)

نزل الشارع وفضل بعلو صوته (الهرم وقع ) (الهرم وقع).

------------ --------- --------- --------- ----

مقاول جاب مجموعة من الصعايدة لبناء كنيسة وطبعاً عارفين
الصعايدة بيحبوا

الغناء اثناء العمل قعدوا يغنوا " هيلا هيلا صلوا عا النبي "
المقاول سمعهم

قالهم هاتخربوا بيتي مش معقول تبنوا كنيسة وتغنوا " صلوا عا
النبي " غنوا

اي حاجة تانية ، في اليوم التالي سمعهم بيغنوا " هيلا هيلا
بص عا الحيطة " بص

للحائط لقاه مكتوب عليه " صلوا عا النبي "

------------ --------- --------- --------- -------

واحد صعيدي شغال في السعودية بعت لى أمه كيلو شيكولاته
فاتصلت عليه وقالتله

الصابون اللي بعته بيوسخ الهدوم

------------ --------- --------- --------- ---------
--------- ------

صعيدي بيشتغل راعي غنم في السعودية، سألوه أهله: بتشتغل إيه ؟
قال : بفسح المعيز

------------ --------- --------- --------- --------- ---

مرة صعيدي بلع ريقه إتسمم

------------ --------- --------- --------- ---------
--------

صعيدي يسألوه .. إزاي الإجازة بأستراليا ؟ قال : من كثر
مزارعها نفسك تبقى خروف

------------ --------- --------- --------- --------- --

صعيدى حب يروح حفلة تنكريه راح قطع دراعه

------------ --------- --------- ----

اتنين صعايدة عاوزين يشربو سجاير ومش معاهم قالو ندخل ميتم
بيوزعو سجاير هناك ،

دخلو قعدو جمب واحد فى الصيوان بيدخن

قال الاول : انفاس معدودة

وقال التانى : كلنا لها

رد الراجل : محدش واخد منها حاجة

------------ --------- ---

ثلاثة صعايدة قرروا يعملوا مزرعة كتاكيت فحفروا حفرة ورموا
فيها الكتاكيت

وقفلوا الحفرة وأستنوا يوم وماطلعتش شجرة الكتاكيت وأعادو
المحاولة عدة

مرات ولم تنجح فقررو أن يكلموا أخوهم الذي يدرس في أمريكا و
يحضر الدراسات

العليا فقال لهم ابعتوا لي بعض العينات من التربة

------------ --------- -------

صعيدي صغير بيسأل ابوه : هو ليه ربنا خلق لينا الودان ؟؟ فرد
الاب : علشان

نعرف العمه (العمامة) بتاعتنا هاتقف لحد فين

------------ --------- --------- --------- ---------
--------- -------

صعيدي واقف ينقط ماء ..! ليه ؟؟؟؟

اسمه حنفي؟؟

------------ -

صعايدة صنعوا باص بالعرض ليه؟

عشان يركبون كلهم قدام

------------ -------

واحد صعيدي اخد ابنه للدكتور فلما ابنه دخل يكشف طلع الدكتور
يقول لبلدياتنا ان

ابنه مات فطلع الولد يقول لابوه انا ممتش يابا فرد ابوه يقول
له انكتم ياله

انت هتفهم احسن من الدكتور ؟؟؟

------------ --------- --------- -----

الموساد قرر أنه يشغل جاسوس صعيدى عنده بعد طول بحث أستقروا
على هريدى

راحوا لهريدى و أخدوه تل أبيب و قعدوا يدربوه 6 شهور و بعدها
قالو ليه أنه

كدة جاهز للمهمة بتاعته

هريدى : يعنى حارجع مصر

مدرب الموساد : أيوة .. تروح و تنفذ كل التعليمات اللى
قلنالك عليها

هريدى : طب ازاى حاتصل بيكم

مدرب الموساد : لا لا .. انت ماتتصلش .. احنا لما نحب نتصل
بيك حانبعتلك مندوب

يقوللك ازايك و ازاى امك .. تعرف أنه تبعنا .. ماشى يا هريدى

هريدى : تحت أمرك يا فندم

و بالفعل رجع هريدى مصر .. و بعد شهرين أحس الموساد انه لازم
يتصل بهريدى ..

فراحوا باعتينله مندوب

المندوب لبواب العمارة بتاعت هريدى : هو هريدى ساكن فى أنهى
شقة

البواب : أنهى هريدى يا بيه .. العمارة فيها 4 هريدى

المندوب خاف لحسن العملية تنكشف : قولى شقة أى واحد فيهم

البواب : عندك واحد ساكن فى الدور الأول

طلع المندوب و خبط على الشقة اللى فى الدور الأول

المندوب : أنت هريدى .. ازايك و ازاى أمك

هريدى : أنت عايز هريدى الداسوس .. هو ساكن فى الدور الرابع

------------ --------- --------- --------

صعيدى فى طيارة

المضيفة سالت اللى جنبو

تشرب ايه يا بيه؟

رد الراكب : اشرب عصير برتقال يا برتقالة انتى

ثم سالت الصعيدى : وانت ... تشرب ايه يا اخويا

رد الصعيدى : لبن يا جاموسى انتي

------------ --------- ----

سئلوا صعيدى : ليه قتلت أبوك

الصعيدى : كانوا عاملين رحلة للأيتام , كنت عايز اروحها

المحققين : طب ليه قتلت عمك ؟

الصعيدى : كنت عايز ابن عمى يسافر معايا

المحققين : طب ليه كنت عايز تنتحر

الصعيدى : أصلهم لغوا الرحلة

------------ ---------

الابن: بتعمل اية يابا؟؟

الاب: بكتب جواب لعمك

الابن: هو انت بتعرف تكتب؟؟

الاب: يعني هو عمك اللي بيعرف يقرا يا فالح

موضوع: رد: طرائف زوجيه الخميس مايو 12, 2011 12:19 am

شوية عدودات على ما قسم

قالوا شقيَّه قُلتْ من يومي
قَسَّمُوا النَّوَايب طِلِعْ الكبير كومي

يا مَرْت أبويا يا عُقْدة اللِّحْلاحْ
ميتى تموتي وأمسك المفتاحْ

موضوع: رد: طرائف زوجيه الخميس مايو 12, 2011 12:21 am

طيب ليه الصعيدى لما بيدخل الحمام بيسيب الباب مفتوح يلا جاوب يا عبقرينو أكيد عارف الإجابه

موضوع: رد: طرائف زوجيه الخميس مايو 12, 2011 12:23 am

طبعاً بلا جواب يامولانا هههههه
الصعايده اجدع ناس ياريس

موضوع: رد: طرائف زوجيه الخميس مايو 12, 2011 12:26 am

لا لسا بدرى يازهره هاتى ما عندك

موضوع: رد: طرائف زوجيه الخميس مايو 12, 2011 12:29 am

لا يا عبقرينو معرفتهاش عشان محدش يبص عليه من الخرم(بضم الخاء أى فتحة الباب) شكرا عبقرينو طابت ليلتك

موضوع: رد: طرائف زوجيه الخميس مايو 12, 2011 12:32 am

شكرا مولانا اسعد الله صباحك

موضوع: رد: طرائف زوجيه الخميس مايو 12, 2011 12:49 am

موضوع: رد: طرائف زوجيه الخميس مايو 12, 2011 12:54 am

الله يسعدك يا بو حسام على كمية الضحك اللي ضحكتها .. تعجبني النكت السريعة واللي على الطاير

موضوع: رد: طرائف زوجيه الخميس مايو 12, 2011 12:55 am

شكرا للاضافات الجميله يازهرتنا الغاليه

موضوع: رد: طرائف زوجيه الخميس مايو 12, 2011 12:56 am

اختنا الغاليه امنه
اضحك الله سنك دائماً
ادخلي موضوع الصعايده اجدع ناس
هتضحكي بجد
تقبلي تحياتي
وتمنياتي بالسعاده الدائمة لكي وللاسره الكريمه
اختنا الغاليه

موضوع: رد: طرائف زوجيه الأحد مايو 15, 2011 12:45 am

عرف ان جاره هو وزير الداخليه فعزل بسرعه قالولو ليه عزلت ؟!؟!
قالهم ياعم بكره تقوم ثوره عليه ويحاكموني معاه .
قالولو وانت مالك. قالهم
انتو مشفتوش العادلي لما حاكموه كتبو في الجرايد القضاء يحاكم العادلي وجرانه

موضوع: رد: طرائف زوجيه الأحد مايو 15, 2011 12:53 am

ههههههههههههههههههههههههههههههههههههههه
جميله جدا اجمل ما في الكون انه في ظل غياب الشرطه وامن الدوله المنحل
الكل خد براحه كدا والواحد بقي يعرف يقول اي حاجه هو عاوزه هههه
وميخافش من البعبع بتاع زمااااااااان يعني في حريه في التعبير والضحك الله يخر بيت ابوهم
كانوا كاتمين علي نفسنا ولاد الحلال ههههههههه
هاتي ما عندك من هذا القبيل كمان زيدينا زادهم الله عذاب هههههه

موضوع: رد: طرائف زوجيه الأحد مايو 15, 2011 1:03 am

انت تؤمر يا عبقرينووو

افتح ودنك خد الشويه دول

حسني مبارك “آسف على الازعاج” انت عملت أكبر “مطب صناعي” في تاريخ مصر والله إنت “وش إجرام” وطول عمرك “دبور” ودلوقتي معاك “زهايمر” باختصار إنت ” محترم إلا ربع” كل الشعب بقى ينادي “جعلتني مجرمًا” وعملت الحلو “عسل إسود” ومن السجون “العيال هربت” سرقت من عيونا ” الفرح” إنت فاكر مصر “كباريه” وعامل فيها “الزعيم” وكنا نقول يا عم عديها “حين ميسـره… ” “ليه.. يا دنيا” “هي فوضى” باختصار حسني مبارك . “طير إنت

اختفت القلل القناوي من السوق لحظة اعلان تنحي حسني مبارك من السلطة ويشاع ان ثمن القلة وصل الي مائة جنيه للقلة النظيفة ومائة وخمسين للقلة الغير نظيفة

الرئيس اتصل بعمر سليمان بعد التنحية بيقولةاخبار الدنيا عندك اية … قالة الدنيا زى ماهى يا رئيس العيال فى الميدانوالارض بعنها والفلوس هربنتها .. فالرئيس قالة طيب ودى المسيحين على امريكا… والمسلمين على السعودية واقفل البلد على العيال وتعالى ))))))
الجيش مسك واحد ماشي في الشارع بعد حظر التجول وسألوه: انت ليه انتهكت حظر التجول؟..قال لهم: اصل انا عندي تجول لا ارادي

قامت اليوم مظاهرات حاشدة فى جميع انهاء الجمهورية من أفراد وظابط الشرطة .. وقد قامت اللجان الشعبية بالقاء قنابل بمب وصواريخ رمضان لتفريق المتظاهرين وقمع المظاهرات ..

أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين “يسقط يسقط حسني مبارك”

موضوع: رد: طرائف زوجيه الأحد مايو 15, 2011 1:08 am

أبليس
شاف 3 ملايين بيصلوا في ميدان التحرير راح مصوت وقال الله يخرب بيتك يا
مبارك بقالي 30 سنة أضلل فيهم وأنت بعماليك السودا دي تخليهم يتجمعوا
ويصلوا ؟ وهتف مع المتظاهرين “يسقط يسقط حسني مبارك”

ههههههه عجبتني دي قوي قوي
اصل حسام فالقني طول النهار كل يوم
الشعب يريد خمسه جنيه رصيد

افتكرتها

موضوع: رد: طرائف زوجيه الأحد مايو 15, 2011 1:11 am

نفذ طلبات الشعب قبل ما تلاقى نفسك مخلوع

واحده بتقول . . أتخانقت أنا وجوزى وقمت متعصبه وزعلانه وطلعت من الغرفه بسرعه وحسيت أن جوزى شدنى من كمى
قولتله أبعد عنى سبنى وقعدت أصرخ مش هسمع كلامك تانى أبعد مش هقعدلك فى البيت ده من أنهارده وبتلف علشان تبعد اديه عنها

لقت كمها متعلق فى الباب وجوزها فى مكانه ميت من الضحك عليها

موضوع: رد: طرائف زوجيه الأحد مايو 15, 2011 1:16 am

اكيد صاحبتنا هبله او هبله
هو هيقوم يجري وراها ليه ما يكلها قطر حتي
الدنيا اتغيرت بعد الثورة

موضوع: رد: طرائف زوجيه الأحد مايو 15, 2011 1:25 am

اتغيرت لصالحنا يا باشمهندس

ماما سوزان اسست محكمة الاسرة

وحقوق المرأة وحاجات كتير

لسه موجوده

اى نعم لغوا لنا كوتة المرأة ...لكن ربنا ميرضاش بالظلم

موضوع: رد: طرائف زوجيه الأحد مايو 15, 2011 1:37 am

ههههه اقولك انا هقوم انام احسن تعبتيني معاكي وعندي شغل بدري
سلام ياباشا وسلامي للاخوه جميعا

موضوع: رد: طرائف زوجيه الإثنين مايو 16, 2011 9:01 pm

رة حرامى دخل على واحد مسطول البيت قالو هات فلوسك و الا هقتل

مراتك قام الرجل قعد يضحححححححك.......الحرامى قتل مراته

وقاله هات الفلوس قبل م اقتل ابنك الرجعل قعد يضحححححححك........

الحرامى قتل ابنه و هكذا لغايه لما خلص عالعيله و بيقول للمسطول ايه يا

عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر

كان فيه بير مسحور، لو حد دخل راسه فيه و رمى فلوس و أتمنى أي حاجه، أمنيته

تتحقق على طول.

فيه واحدة ست سمعت عنه، فصممت تاخد جوزها على هناك مع انه مش مقتنع.

الراجل وطى الأول، و رمى القرشين صاغ وأتمنى أمنيه واحدة، و طلع راسه

بسرعة، الهانم وطت هي كمان و قعدت ترص فى لستة طويلة من الأمانى،

داخت فراحت واقعة فى البير! الراجل قعد يزعق زى المجنون: ده بجد، ده

بجد، البتاع ده بيحقق الأماني بجد!!

مرة واحد واقف قدام التلاجة بيفتح الباب بتاعها براحةويقفلة تانى جة صاحبة

وقالة لية كدة قالة اموت واعرف مين بيطفى النور من جوة

موضوع: رد: طرائف زوجيه الإثنين مايو 16, 2011 9:05 pm

رسالة من زوجة تحب زوجها !

زوجي العزيز:

اردت فقط ان اخبرك بحادث بسيط اثناء عودتي من السوبر ماركت .

لا تقلق انا لم اصب باي اذي وما حدث انه اثناء عودتي ضغطت بالخطأ علي دواسة البنزين بدلا من الضغط علي دواسة الفرامل اثناء محاولتي ادخال السيارة الي الكراج ...

نتج عن ذلك انني قفزت بسيارتي فوق سيارتك الموجودة بالكراج انا اسفة جدا لما حدث واعلم بانك بقلبك الكبير سوف تسامحني عن هذا الخطأ الغير مقصود وانت تعلم انني اعشقك وانني حبيبة قلبك .. فأنت دائما تقول لي اني اغلى من حياتك وان كنوز الدنيا لا تساوي شيء مقابل وجودي ..

وبدلا من الوصف فقد التقطت هذه الصورة بالاسفل لتوضيح التلفيات الناتجة عن الحادث البسيط

التوقيع

زوجتك المحبة
v
v
v
v
v

طرائف زوجيه 71

موضوع: رد: طرائف زوجيه الإثنين مايو 16, 2011 9:14 pm

واحد متزاعل من مرته اتصل ..

سألها: شو طبختي للعشى ؟ قالت له : سم!
قال : حلو .. تعشي ونامي لأني راح أتأخر

» طرائف ........
» طرائف فى الحج
» من طرائف الإنتخابات
» من طرائف العرب
» من طرائف المصلين