الراجل الغلبان وعجينة الحرامية

الراجل الغلبان وعجينة الحرامية

الرئيس أوباما وهو في مصر قابل واحد غلبان بيقوله: لله يا بيه

فلما وصل أمريكا أفتكر... الراجل الغلبان فأرسل له مليون دولار وقال لحسني أديهم للراجل الغلبان

حسني نادي على نظيف وقاله أدي "النص مليون"دول للراجل الغلبان

نظيف اتصل بصفوت وقاله أدي "المتين وخمسين ألف جنيه" دول للراجل الغلبان

صفوت أتصل بزكريا وقاله "الخمسين ألف جنيه" دي أديها للراجل الغلبان

زكريا أتصل بالمحافظ وقاله "العشرين ألف جنيه" دول أديهم للراجل الغلبان

المحافظ أتصل برئيس الحي وقاله "الألف جنيه" دول أديهم للراجل الغلبان

رئيس الحي نادي على الراجل الغلبان وقاله
أوباما بيقولك الله يسهلك

الى لقاء بإذن الله
بقلم : عادل جارحي

يحنن

الله يسهلك

قسموها الحراميه وارتاحوا

وبالعدل

وهذا هو الواقع المرير

بس عملوها فى الشعب كله

وقالوا لنا الله يسهل لكم

شكرا يا حاج حماده جميله جدا

واقع فترة حكم لا مبارك وزبانيته
يأكلوا مال النبي ويغمسوا بالصحابة
فهل مثل هؤلاء يمكن أن يتعاطف معاهم
أحد اللهم لا شماته بس عقبال زبانيـــة
الوزارت والذين علي شاكلتهــــــم
الذين عششوا فيهـــــا وما وراهم
غير خراب البلد .. حسبنا الله
شكرا لك أستاذة زهرة
خالص تحياتي

رئيس الحي نادي على الراجل الغلبان وقاله
أوباما بيقولك الله يسهلك

جميله جدا ياحاج حماده وظريفه يارب الحكومه الجايه متسلكش نفس هذا النهج شكرا استاذنا الفاضل جزيل الشكر

ههههههه الله عليك
دائما تثرينا بطرائف هادفه
ومعبره ونأخذ منها الضحكات
والعبره والعظه في نفس الوقت
تسلم الايادي ويا خوفي
علي ما الكلمتين دول يوصلولك
يكون نزل عليهم التخفيض وحد يقولنا
يحنن يا حاج حماده ههههههه

ده الواقع اللي كان ماشي
في البلد لو فيه خير جاي للبلد
بيقسموه علي بعض الله لا يباركلهم
شكرا لمرورك أستاذ/ أحمد

لا ما تخاف يا أبو حسام
كلامك الحلو وصل كامل
لسي بدري علي ما ينسوا اللي
حصل مع مبارك وجماعته .. جزاك الله خير
يا طيب ودايما تشجعنا وربنا يبارك فيك
يا راجل يا عسل

ربنا يبارك لنا فيك يا عمنا
احنا بس بنحبك
ومن حبك يلاغيك ولا ايه ؟
وبعدين يا حاج حماده لو انا عسل
الجماعه هيتريقو ويقولوا
اوعي هتلم علينا ؟؟؟؟ هههههههه

أحنا يا أبو حسام في عهد الثورة
فالديمقراطية كانت قبل ثورة 25 ينايرحلما فخاطرا
فاحتمالا وبعد الثورة أضحت حقيقة لا خيالا (مع الإعتذار للسد العالي)
وهذا ما نشعر ونحس به نحن المصريون فنحن بعون الله علي الطريق السليم
مفيش حد هيتريق ولا يقول علينا حاجه .. لما تحب حد
بين له حبك بدون خوف ولا تريقه من حد
تحياتي ودعواتي الطيبه يا ابو حسام

حلوهه
ههههههههههههههههها الشعب المصرى دمه خيف فى كل الاوقات وتحت اى ظرف فهو شعب عظيم

مرحبا بك أستاذ/ أحمد فراج
وشكرا لك لمرورك الطيب بالموضوع
وهيه دي طبيعة الشعب المصري في
احلك الأوقات والظروف
بارك الله فيك