وحيرتينى يا بنت الناس

[ندعوك للتسجيل في المنتدى أو التعريف بنفسك لمعاينة هذا الرابط]

للتحميل

[ندعوك للتسجيل في المنتدى أو التعريف بنفسك لمعاينة هذا الرابط]

الموال جميل جدا

بين زوج وزوجة بيناقروا فى بعض

انا هحاول اعمل له تفريغ كتابى ان شاء الله

جميل جدا يا ام شروق بس مش عارفين مين فيهم اللى حير

التانى لكن مناقرة جميلة جدا واداء رائع بالفعل .شكرا

ام شروق على المقطع الجميل

انا سمعتها زماااان وكانت عجبانى قوى

هى كل ما يرد عليها فى حكايه تنقل على اللى وراها

واهم حاجه امه كله السبب منها امك وانت مغلبنى

شكرا سعيد

يا ابن الناس يا ابن الناس انت مغلبنى يا ابن الناس

انا شايلك فى العين ديه وبجود باللى عنديا اتاريكى مكاره وعنديه

وحيرتينى يا بنت الناس

معملتش حاجه تعيبنى بتكلم على اللى تعبنى وتاعب نفسك وتاعبنى

وانت مغلبنى يا ابن الناس

انا شفت منك مية عيبه وتقولى ديه مش عيبه اتاريكى مكاره ومتعبه

وحيرتينى يا بنت الناس

العيب دا مالينا فيه لا بنحبه ولا ميلنا فيه بتكلم من اللى انا فيه

وانت مغلبنى يا ابن الناس

كلامك جارح كالسكين خلى عقلك فيكى ساكن عيب يسمع بينا الساكن

وحيرتينى يا بنت الناس

يا بوى يابوى يابوى يابوى يابوى انا بتكلم من همك وغير اهلك مين همك سبب اللى حاصل منها امك

وانت مغلبنى يا ابن الناس

ليه باصه لامى وعيالها دا الام حنونه لعيالها وخدامه وشايله لعيالها

وحيرتينى يا بنت الناس

دى حماتى وانا دارساها وقالعه نابها وضرسها وانت عامل بدرسها

وانت مغلبنى يا ابن الناس

دايما تشكوا من الحما وعاملينها حكايه وملحمه بكره هتبقى ام وحما

وحيرتينى يا بنت الناس

فيهم الطيبه والصالحه لو ابنها زعلان من الطالحه على بيته يشوف مصالحه

وانت مغلبنى يا ابن الناس

الحما موضوعها يتسوى خلينا فى موضوعنا سوى كلامك هيربى اساوة

وحيرتينى يا بنت الناس

انا شايفه احوالك وعيالك وكل معارفك وعيالك بص لبيتك وعيالك

وانت مغلبنى يا ابن الناس

انا شايف عيالى ومصالحهم ومرضيهم ومصالحهم وكل كلامى فى صالحهم

وحيرتينىيا بنت الناس

ارضى وعيشى بقليلك وبلاش العكننه باقى ليلك اسمعى كلامى بقولهولك

وحيرتينى يا بنت الناس

انت ماشى بره على كيفك ومضيع قرشك على كيفك وتجينى تضرب على كفك

وانت مغلبنى يا ابن الناس

انا طول عمرى بتعب واجيب ومالى لك البيت والجيب ولا يتمر فيكم واجيب

وحيرتينى يا بنت الناس

شعر خفيف وجميل

بس ياريت ييجي واحد

ابن حلال يفض الحيرة دي

شكرا ام شروق علي الحيرة دي

المشكله فعلا يا استاذ ايمن ان المقطع انتهى من غير ما يفضوا الحيره والغلب اللى هما فيه

بس هما اختزلوا المشاكل اللى ممكن تطرأ على كل البيوت بشكل خفيف ومقبول

شكرا استاذ ايمن

لا انا افضل السماع احسن لان معاني الكلمات بتختلف في بعض الاحيان
في توصيل المعلومه شكرا للغاليه ام شروق علي المجهود الجميل
وجاري الاستماع

نشات

» يرضيكى يا امايه الناس تبيع الناس
» لا تقف مع الناس
» أعز الناس
» يا بنت الناس
» خسرت كل الناس