الشراقوه عزموا القطار

***
هذه المقولة تجسد كرم الشراقوه ففى يوم من أيام شهر رمضان تعطل قطار الشرق أمام بلدة أكياد التابعة لمركز فاقوس بمحافظة الشرقية وحان وقت آذان المغرب فخرج العمدة مع الأهالى وعزموا كل من كان بالقطار وكان منهم التجار الاتراك والجنسيات المختلفة وعندما عادوا لمصر كانوا السفراء لكرم مصر وأهل الشرقية ومن هنا جاءت مقولة ( الشراقوه عزموا القطار )
وفى هذا الصدد كتبت :

الحقيقة وباختصار

همه مش عزموا القطار

دا الشراقوه من كرمهم

قدموا أحسن فطار

العمده والأهالى

قدمولهم كل غالى

فى البلد صبحت حكايه

من حكايات الليالى

أحكى ياسطور الغناوى

ع الرجوله والشهامه

والأصول والجدعنه

الحقيقة وباختصار

همه مش عزموا القطار

***
بعد أن قرأ الشاعر الكبير عاطف الجندى قصيدة ( الشراقوة ) للشاعر إبراهيم خليل إبراهيم كتب هذه القصيدة التى عنونها (آه يا شرقاوى يا مصرى) وأهداها له :
_______

الحقيقة و باختصار

أنت يا صاحبى نهار

فيه عيون الحب تدمع

لما شوقها للمزار

بيراودها

عن صباحها

عن غناويها ووجعها

عن ألمها و الدوار

لما شافت مصر عايشه

ع الجراح و يا الدمار

من سنين نكسه و تاهت

بس رجعت فى صور شتى و مَرار

إيشى صِفر ف مونديالنا

إيشى عبَّاره و قِطار

إيشى انفلونزا جايه

للطيور و معاها نار

عاوزه تهجم يوم علينا

عاوزه تاكلنا ، تموِّت

فينا و لا أشرسها تار !

آه يا شرقاوى يا مصرى

يا للى نيل الخير رواك

يا للى ابداعك فتنَّا

و الجميع يشهد معاك

لو جميع الخلق باعت

و لا ضاعت ف الشِّباك ْ

عمر مرَّه ما بعت و لا

خدعت فينا

أى حد و جه مداك

دا انت يا صاحبى حكاية

بقلب أبيض

و الطيور تمشى وراك
__________________
,
______
من موسوعة ( حلوة بلادى )
للمؤرخ ( إبراهيم خليل إبراهيم )

منقوول

انا سمعت الموضوع ده من فترة كبيرة بس مكنتش اعرف

انه اتعملت له قصايد واخذ هذا الاهتمام .شكرا ام شروق

على اطلاعنا على هذه المعلومات .والشكر موصول للشاعر

عاطف الجندى والشاعر ابراهيم خليل ابراهيم على هذه الروائع

الله الله
طيب مفيش حاجه عن اخوانا الصعايده
ولا هي نكت وبس ؟
بحبك كيف ماخبرشى وعلي فراقك مجادرشى من كتر الشوق خسيت وانا كنت تخين
وبكرش والحب يابووووى بهدلني مرمطني قووووى وخرشمني وجاموسة الشوق نطحتني
ومعدشي معايا ولا قرش

شعر صعيدي اصيل

ده مش شعر صعيدى يا ابوحسام حرام عليك ده ممكن يكون

شعر حلمنتيشى معلش لكن صعيدى تبقى ظلمت الصعايدة

وانا مالي مش اللي لقيته قدامي هههههه
يعني الصعايده ملهمش حق يقولوا او يتقال فيهم شعر ولا ايه

لا لهم حق طبعا يا عبقرينووووو والكلام جميل والصعايدة

اجدع ناس ولو الشعر اتلغى من الكون مش هيلاقوا غير

الصعيد واهله يتقال فيهم الشعر لانهم اهل الكرم والاصالة

تسلم يا عبقرينوووووو على نقلك كل جميل

انت غلطت قوى يا عبقر فى حق الشعر الصعيدى

ووجب عليك تعتذر قبل ان تهدر دمائك ويطخوك

جاري الاعتذار فورا لكل الصعايده
اللي انا منهم وليهم عندي هديه كمان

وانا فى انتظار هديتى

» القطار الذى دهس سائقه
» سامحنى...فقد إنحرف القطار قليلا
» إصابة رقيب شرطة بقنا بعد سقوطه من القطار