صلاة وسلاما لي محمد قصيدة مورتانية فى مدح الحبيب

الشاعر / حاج الماحي

صلا وسلام لى محمدا *** خاتم الرسل سيدي أحمدا
يا لساني قول الله واحدا *** حاشا لم يلد لالُو والدا
واجب الوجود باقي مفردا *** أنفى للشريك عَنْهو وأبعدا
مالك الملوك سامع الندى *** رازق العباد فَضلو واجدا
باسط النِعَم ليهو نحمدا *** نسألو القبول والمشاهده
يشرح القلوب يجعل الهدى *** في رضاك يا ربي نعبدا
نمدح الرسول ديمه سرمدا
أثني بالرسول المؤيدا *** التقي الرؤوف الممجدا
كامل الخصال والمحامدا *** صاحب الِلو وصاحب الرِدا
ليلة الولود خَرّ ساجدا *** طاهراً نظيفاً مُبرّدا
مكسي بالجمال وجهو يوقدا *** أفلجاً كحيل غير أثمدا
حاجبو كالهلال قارف النِدا *** نورو بَقّ في الكون ضوّا من بدا
فاق على السما حتى أصعدا
طاهر الأكفاف يا محمدا *** كامل الأوصاف يا محمدا
أنت أبي الشراف يا محمدا *** سيد الأمة كاف يا محمدا
قلبك الرءآف يا محمدا *** تَرجِب البخاف يا محمدا
نورك الرفراف يا محمدا
ليلية الوٌقاف يا محمدا *** للكرب كشَّاف يا محمدا
السلام أرداف لى محمدا *** مِنّي ليك آلاف يا محمدا
حابّك الجليل يا محمدا *** نخبة اسماعيل يا محمدا
أنت خير الجيل يا محمدا *** صاحب الخليل يا محمدا
سيد لِوى الإكليل يا محمدا *** وجهك الجميل يا محمدا
طرفك الكحيل يا محمدا *** شَرعك العديل يا محمدا
حاشا ما ب يميل يا محمدا *** جيتنا بالدليل يا محمدا
ليلة الزِلْزِيِل يا محمدا *** يا التخمْد الويل يا محمدا
الجذع بكا لى محمدا *** جَاز وانتكا لى محمدا
الجماد حكى لى محمدا *** والبعير شكا لى محمدا
جَلْ ربَّكا يا محمدا *** عَلّا قدرك يا محمدا
أين مثلك يا محمدا *** الرُسلي سابكا يا محمدا
مافي بعدكا يا محمدا *** وافي وعدكا يا محمدا
ضاوي وجهكا يا محمدا *** فاق جمالكا يا محمدا
المباركا يا محمدا *** لينا ادركا يا محمدا
الجِذع رزم لى محمدا *** جَار بالبرم لى محمدا
الجماد نظم لى محمدا *** لا لسان لا فم لى محمدا
المُنير قَسَم لى محمدا *** خَرْ وانقسم لى محمدا
القَصِير أب دم لى محمدا *** قاّلو فيَّ دم لى محمدا
ذلك الأصْم لى محمدا *** إن وِطاهُو جَمْ قول محمدا
كم وكم وكم لى محمدا *** لا عدد لا كم لى محمدا
طاهر القدم يا محمدا *** اللَّى الرسل ختم يا محمدا

صلى الله عليه وسلم .الكلام يخرج فى رسولنا الكريم فى منتهى الجمال

سواءا فى مورتانيا اوفى مصر اوفى اى دولة اسلامية فالكلام يتغير

معناه ويظهر جماله فى مدح الحبيب صلوات ربى عليه .شكرا ام شروق

على الانتقاء المتميز وعلى تعريفنا بقافات معظم الدول الاسلامية

القصيدة روووووعة فعلا
ورغم ان اللهجه مختلفه الا انها معطرة بذكر النبى ولها رونق جميل

شكرا سعيد

» قصيدة الاعشى فى مدح الحبيب ( من ذى القار)
» عرضى فدا عرض الحبيب محمد
» صلاة الأسماء بصوت الشيخ محمد عبد القادر
» عليك صلاة الله وسلامه \ انشاد محمد كمال
» قصيدة شكوى\ محمد اقبال