جواب غرامى جدااا

خطاب غرامي الي نجار
************
من (أبلة كاش) إلي حبيب(اللوح)
الأسطي خشبو النجار
أهديك يا(حوبيبي)أرق سلام
وعايزة اعرف (مين شار)
عليك تهجرني
إنهم العذال
ناس (قشرة)
ومالهمش(ملة)
ولك تحيات والدتي الست(مارينا)
ووالدي الحاج فو(زان)
إنهم يحبونك جدا
وطول عمرهم ما(شكوش) منك
وفي ليالي بعادك تجد الدمعة (فارة) مني
حتي (صنفرت) خدودي
وهزلت صحتي
وخف وزني فاصبحت نص (بوصة)
وللاتنسي ياحبيبي المثل القائل
(ان كان دولابك خشب ماتغريهوش كله)
جارتي الأجنبية مس مار
بتسلم عليك هي وزوجها مسيو سراق
ويقول عنك
إنه (كم ماشي) ناس فلم يجد مثلك
إمضاء
المخلصة
أبلة كاش
بالموسكي

من كتابات الكاتب الساخر / عبدالله احمد عبد الله

جميل جدا والكاتب كتب الخطاب بطريقة ساخرة جدا

وهذا النوع من اسلوب الخطابات حسب المهن دوما

ما يكون فيه ابداع وانتقاء للكلمات .شكرا ام شروق

على الموضوع الطريف والجميل

الكاتب عبد الله احمد عبد الله

كاتب ساخر من الستينات تقريبا

بس صعب تلاقى له حاجه على النت

رغم اسلوبه المميز

شكرا سعيد

هههههههههههههههههههه

خطاب غرامي ورمانسي جدا

شكرا ام شروق

شكرا جمال

وكذلك حال ارباب المهن قفشاتهم لا تنتهى

شكرا زهره

عبد الله احمد عبد الله ..اليس هو الملقب بميكي ماوس

وهو ايضا اتذكر انه مؤرخ سينمائي اليس كذلك؟؟
.........

ايوه يا ابو جمال

هو ميكى ماوس بس مش لاقيه له حاجه كتير على النت

رائع جدا الخطاب دا واللى كتبة ذو خيال واسع بصراحة drunken

دا ميكى ماوس يا على

مصيبة الستينات

فى الكتابات الساخرة

شكرا لكِ

خطاب رائع جدا وهذا الكاتب اثبت

براعة كبيرة في التلاعب بالالفاظ وتحويرها

واستخدامها بأكثر من معني فقدم الخطاب بطريقة ساخرة جدا

شكرا ام شروقو

شروقو دى مقصوده بقى مش غلطه مطبعية يا استاذ ايمن

بتدلع لها

الساخر عبد الله احمد عبد الله من كبار الكتاب

بس للاسف كتاباته مش كتير على النت

بس هتصرف

شكرا استاذ ايمن

لا ابدا والله هي غلطة مطبعية غير مقصودة

ونأسف عليها وان شاء الله لن تتكرر

محصلش حاجه والله يا استاذ ايمن عادى جداا

احنا اخوات

انا عارف ان احنا اخوات ومحصلش حاجة لكن

انا حبيت اوضح الصورة لاني فعلا مكنتش اقصد

والحرف ده طلع زيادة وانا مخدتش بالي منه.

كتير مش بناخد لبالنا

وهى حظها كده تبقى شروقو جات لها من غير تقدير

هقول لها

دى ناويه تعمل معاكم تحقيق صحفى جامد جدااا

استعد يا استاذ ايمن

وانا مستعد ان شاء الله

لصحافية السها الجديدة شروق

» جواب غرامى
» بيان غرامى
» حالى عجيب بل غرامى أعجب
» عتاب ..بلا جواب!
» كاتب لبكرة جواب