صعيدى فى فندق

موضوع: صعيدى فى فندق الجمعة يوليو 29, 2011 8:29 pm

واحد صعيدي
راح يبات هوا و المدام فى الهيلتون ليلة
تانى يوم الصبح بيطلب من موظف الاستقبال الحساب

و دار بينهم هذا الحوار :

الرجل : الحساب كام من فضلك ؟
الموظف : 1000 جنيه بس يافندم
الرجل : ألف جنيه ليه يا أستاذ ...
كتير قوى مبلغ ألف جنيه فى ليلة دى كانت ليلة واحدة يا محترم
الموظف : أجرة المبيت فى الليلة بـ 400 جنيه
الرجل : طب و الـ 600 جنيه الباقيين ليه بقى إن شاء الله ؟؟
الموظف : عندك 100 جنيه أجرة الموظفين اللى بيشيلوا الشنط
سيادتك لما نزلت من التاكسى
مش كان فيه شيالين بيشيلوا الشنظ منتظرينك ؟
الرجل : أما غريبة و الله ....
بس أنا شيلت الشنطة بنفسى
و ماحدش شالهالى
الموظف : ماهو كانوا موجودين قدام سعادتك ..
ما ناديتش عليهم يشيلولك الشنطة ليه ؟؟
الموظف مستطرداً... هاكمل لحضرتك باقى المبلغ
عندك 50 جنيه إستعمال سجاجيد السجادة اللى من غرفة حضرتك للمطعم
الرجل : أنا ما مشيتش على سجاجيد أنا كنت بامشى على الحتة الفاضية اللى مش مغطياها السجادة
الموظف : ماهى السجادة كانت عند سعادتك ..
ما مشيتش عليها ليه ؟؟
الموظف : و عندك 200 جنيه إستخدام حمام السباحة
الرجل : بس احنا ما نزلناش عومنا فى الحمام خالص ..
هوا احنا وش عوم و مايوهات
الموظف : حضرتك حمام السباحة كان قدام سعادتك
ما نزلتوش عومتوا ليه ؟؟
الموظف : و عندك 100 جنيه إستعمال التليفزيون و قنوات الدش
و الريسيفر فى الأوضة
الرجل : دش ايه اللى انت جاى تقول عليه !
احنا ما شغلناش امبارح غير القناة الأولى و التانية ..
هوا كان فيه دش !!
الموظف : قنوات الدش كلها كانت عند سعادتك
ما اتفرجتش عليها ليه ؟
الموظف : و عندك 150 جنيه إستعمال سخان الميه اللى بالكهربا
فى الأوضة
الرجل : الدنيا كانت حر أصلاًُ و ما أستعملناش السخان فى حاجة
الموظف : مالناش دعوة .. السخان كان عند سعادتك
ما إستعملتوش ليه ؟؟
الرجل : أما شيىء سخيف قوىانتظر الرجل لـ لحظات
ثم أخرج له 400 جنيه فقط
الموظف : دول 400 جنيه بس
الرجل : الـ 600 جنيه الباقية حق ما بوست المدام بتاعتى
الموظف : ايه الكلام الفارغ ده ...
حضرتك عاوز تجيبلى مصيبة
هوا أنا بوست المدام بتاعتك خالص
و لا جيت جنبها !!
الرجل : ماكانت قدامك امبارح ما بوستهاش ليه ؟؟

منقوول

هههههههههههههههه .حرام عليكى يا ام شروق

فيه واحد صعيدى هيقول كده برضه بلاش شبهة

الصعيدى يدفع مليون ومحدش يشوف مراته ده

اسمه افترى على خلق الله

انا مالى

دا هما اللى قالولى

مين اللى كان بيقول الجملة دى كتير يا سعيد

كان فيه حد بيقولها كتير ...وانا مالى دا هما اللى قالولى

لا.....لا....يازهره

الصعايده مش كده........واحد صعيدي لما اتجوز قعد

خمس سنين مش عارف اسم مراته ايه.....قال ايه ..عيب يسأل عن اسم الحريم

طرفه جميله

شكرا لك
.................

اوعى تكون الطرفة دى حقيقية يا ابو جمال

تبقى مصيبة يا نهار اسود

عيب يسألها

نكتة حلوة بس عشان اخرها يأكد انها مستحيل تكون علي صعايدة

لان الصعيدي مشهور في كل مكان برجولته وغيرته وانه يموت

ومفيش واحد يبص لامراته يا ام شروق والا ميبقاش صعيدي

ده يبقي خنفس ولا مؤاخذة

الاقيها منك ولا من اخوك

ولا من ابو جمال

هى طبيعى لا تنطبق على صعيدى ولا حتى على مسلم دمه حر سواء كان قروى او مدنى

انما هما قالوها كده ..........انا مالى دا هما اللى قالولى

نكته جميله جدا

اضحك الله سنك ام شروق

شكرا جمال

يارب دايما مفرفشين

كل دا والله الصعايدة دول مظلومين بياخدو تريقة وضحك عليهم من الاخر شكرا لك زهرة

اهلا علا

نورتى المنتدى

ايوه الصعايده لهم الحظ الاوفر طبعا من التريقه

لكن السنه دى سنة السياسيين الكاميرات مصوبه عليهم فى الكوميديا

» فندق الموتى
» فندق تحت الأرض
» شاهدوا فندق الملح
» فندق فى جزيرة ..انا عايزه من ده
» كل ما اجى اقف اقع (صعيدى)