مطلوب على وجه السرعة

الترفيه مطلوب الى حد ما والليله دى عايزين نعمل حفلة ترفيهية يشارك فيها الجميع

والافكار كلها متاحه ومعروضه للتنفيذ

انا فكرتنى تبدأ باختيار عضو وتسليط الاضواء عليه

وتوجيه السهام عليه من كل ناحيه من الاعضاء

اسئله غبيه وطلبات غريبه واشياء من هذا القبيل

لغاية ما يوصل الى عشرة اسئله او مواقف بعد كده يتم الافراج عنه ويختار هو العضو اللى يدخل القفص بعده

ايه رأيكم نبدأ ولا مو نبدا

نبدء ومن رأي نبدأ بالاستاذه شيماء

ماشى نبدأ بالست شيماء

مطلوب على وجه السرعة Woman_in_prison_royalty_free_080816-163943-980042

ياللا يا شيماء متخافيش مش هنعمل لك حاجه

السجن للجدعان

خير ان شااااء الله يا زهرة
عايزين تطردوني من المنتدي ولا ايه

لا متوصلش للطرد ولا حاجه

هنغلس عليكى شويه

انا مش هبدأ اسئله حماده ابدأ انت باستجواب المتهمه

لا مش طرد ولاحاجه يا شيماء
لكن معلش نوع من الغلاسه انتي عارفه زهرة
عاوزين نهزر معاكي شويه ونوريكي ان زهرة غلسه حبتين في رمضان
بتطلع غلب الصيام فينا
س:- شيماء ايه نظرتك للسجن

يا جمااااعة انتو احرار انا بطيئة جداا في الكتابة
اصبروا عليا شوية انا لسه زهرة مكلماني في التليفون وبتقولي ردي بسرعة ومتضايقة مني جدااا
وبعدين انا مش فا همة السجن اللي بيتحبسو فيه المجرمين ولا ايه

ههههههه لا براحتك خالص خدي وقتك مالكيش دعوه بزهرة
بصي يا شيماء احنا قررنا اننا نخليكي مكان ناس تانيين اللي بالي بالك يعني
لو انتي مكانهم كنتي هتعملي ايه لو شفتي منظر السجن ؟

ايوه السجن اللى بيتحبسوا فيه الاشرار قتالين القتله

نظرتك للسجن بوجه عام بيمثل لك ايه يعنى

خلصينا فى ليلتك دى علشان ابقى بزعق لك حلو وان شاء الله احبسك

اكيد طبعا نظرتي ونظرة اي حد للسجن وحشة خااالص
ربنا يكرمكو خلو الاسئلة سهلة شويتين

ولا تعرفي تعمليلها حاجه طول ما انا موجود
متخافيش يا شيماء اخوكي هنا ياخد حقك
من اي حد قولي اللي في نفسك ومتخافيش

الحمد لله انا كنت بكتب وانا مرتبكة جداا
بس بعد اللي قالوا ابو حسام ممكن اطمئن شويه
بس بالله عليكو غيرو سيرة السجن

شيماء

احكى لنا على موقف طريف حصل معاكى ومش ناسياه

خلاص بلاها سجن ياشيماء

كلميني عن كيفيه قضاء يوم رمضان بالنسبه لكي ؟
بتصومي ولا زي ناس هنا معانا وشايفانا عارفين نفسهم
ههههه امتي ابتديتي الصيام ياشيماء في اي سن تقريباً

ادى سؤالين يا شيماء قدامك جاوبى عليهم

باين لك هتسهرينا لبكره

خدي راحتك ومتتسرعيش خالص
انا هلم الورق للتصحيح بعد 4 ساعات
براحتك خالص
بس فاضل خمس دقائق علي انتها الاربع ساعات دول يعني يا شيماء ههههههه

انا كنت بصوم في الابتدائي صيااام العصفورة بس لما كبرت فهمت انه ما فيش حاجه اسمها صيام العصفورة
فبدءت اصوم بجد في الاعدادي
في الصيام بخاف جداااجدااامن الوضوء بحس اني ها فطر
من المضمضة عشان كدة بخفف صلا تي شوية يعني بصلي المفروضة بس في نهار رمضان
والقران بحاول اختمه وبحاول احسن شوية من اخلاقي وامسك لساني 3 شويات

شيماء اصلى من النوع الوسواس

يعنى تقعد ساعتين تتوضا وبعدين تقول شكلى نسيت حاجه

تروح تعيد الوضوء تانى ...وهكذا الى نهاية اليوم

كفاكم الشر

كنت زمان بستغرب جدا لما حد كان يسئلني عن صيام العصفورة
اتاريني مكنتش لوحدي ههههههه
شيماء
بصراحه شديده من هي اكثر شخصيه غلسه هنا في المنتدي وموجوده معانا حالياً في الموضوع
قولي متتكسفيش

ورق ايه وتصحيح ايه يا ابو حسام انا في امتحان ولاايه
انتو خلتوني ارتبك وانسي كل المواقف اللي مرت عليا في حياتي انجح ازاي انا دلوقتي
حسبنا الله ونعم الوكيل

بتحسبني علينا في وشنا كدا علني عيني عينك
مخصوم منك خمس درجات
لكن لو بتحسبني علي زهرة بس
هزودك 52 درجه فوراً

بتتحسبنى فى مين يا بنت انتى

طيب بلاش ورق ومواقف

قولى لنا بتزورى المطبخ ولا لا

حاجه عكيتى فيها يعنى حرقتيها مثلا اوعى تكونى شاطره زيى عمرى ما بحرق حاجه

هو حضرتك طبعا فاهمني ياابو حسام
وعارف عايزة اقول مين بس حكم القوي
ما اقدرش افتح بقي والا 00000000000

يا بنت ردى على الاسئله وخلصينا

وحسابك بعدين صبرك بالله

لالالالالالالالالالالالالالوالله يا ابو حسام مش قصدي حضرتك ولا طبعاا ختي الغلسة اااقصد الغالية زهرة

ههههههههههههههههه خدي راحتك خالص ومتخافيش من حد
وحتي لو انا متشيليش هم خالص
كلنا هنا اخوات مفيش بينا حد غريب يا شيماء
ردي علي سؤال المطبخ دا هههه قصدي زهرة
واضح انها مغلوله قوي بس ولا يهمك منها خالص

وبعدين ينفع كدة ياابو حسام بتهددني زهرة وحضرتك مش متكلم ربنا يسامحكو

متخافيش
كل قوي فيه اللي اقوي منه
وربنا علي المفتري يارب يتهد
طبعا الدعوه رايحه لصاحب نصيبها
مش انتي ياشيماء
زهرة ملكيش دعوه بيها والا انتي فاهمه اللي هيحصل معاكي

انت مش واخد لبالك

هى بتستهبل مش عايزه تجاوب على الاسئله وعايزه تضيع وقت

وانا وقتى بفلوس والعداد بيعد

انا في مرة حاولت اتعلم شوية ازاي اعمل مكرونة
بس للاسف الشديد اتحرقت وامي زعلت ولغاية دلوقتي مش راضية تدخلني المطبخ تاني
وانا هبلة جداا رحت وزعت مكرونتي المحروقة علي الجيران قعدوا يضحكو عليا
اوعو تكونو بتضحكوا انتو كمان

انا مش بستهبل يا زهرة عمري انتي عايزة تسقطيني وخلاص
حرااام عليكي يازهرة خليني كمان شوية
انتو بتكتبو بسرعة ازاي

يعنى كمان ربنا حليم ستار

رايحه توزعى الخيابة

ماشى

عايزه منك تقرير مفصل عن ا حد الاعضاء هنا فى المنتدى

الا وهو ابو حسام

اوصفيهولنا كده بالتخمين

شكله ايه زى ما شايفاه جوا دماغك بكل صدق

بصي المكرونه ليها كذا طريقه للتحضير
منها بالصلصه مثلا

تسلقي المكرونه الاول وتخلي المياه اثناء السلق اعلي بنسبه قليله من المكرونه بالاضافه لبعض من الزيت علشان متتعجنش منك اثناء السلق وبعد ذلك تكوني مجهزة مياه بارده لغسيل المكرونه بعد الخطوه اللي فاتت وتغسليها جيدا علشان النشويات اللي فيها تخف شويه ومتلزقش في الزور
وتكوني مجهزة الصلصه بتاعتك وطريقه عملها كالاتي
طماطم وتوم وبصله واحده مع مزجهم في ملعقتين سمنه
وتتركيهم علي النار حتي الانتهاء من اعدادها
وبعد كدا تقلبيهم في بعض وجيدا وتسيبيهم شويه علي النار وكلي بالهنا والشفا
ههههههههههه
ايه رأيك اخوكي طباخ ماهر صح

متصدقيهوش يا بنت

الصلصه مش كده لا فيها بصل ولا توم

طماطم متسبكه عادى جدااا بس كترى الفلفل علشان يحرق الحلق

وردى على السؤال الذى هو بأعلاه

اوصفى لنا ابو حسام

علي حسب فهمي ان الصورة دي بتاعة حسام
انا شايفة انه ابيض شوية ووجهه بيضاوي وممكن تكون عينيه يعني واسعة شوية ده وصف حسام يبقي اكيد ابوه
شبهه

رد عليها يا حسين فهمى

انا مش هرد

يازهرة الله اعلم
وبعدين يا ستي انا ذوق جدااا مش زيك مش معقول هاكسف
ابوحسام كله الا زعله

اسف النت بيفصل والله عندي
بصي يا شماء زهرة بتحب تهرج دايما
انتي عارفه انا شبه مين ؟
عمر الشريف مش حسين فهمي هههههههههه
وبعدين انا اطول ابقي شبه حسام دا قمر الزمان
القرد في عين ابوه غزال
انتي حقك ناشف ياشيماء وكلك ذوق والله
بس برضو عمر الشريف من فضلك هههههه

ماشى يا ذوق

ما تصدقيش عمر الشريف

دا شبه نجيب الريحانى

بس اقرع

افتكرى لنا مدرس كان مطلع عينك وبتتريقى عليه

احكى لنا كان خنقه فى ايه

بس بدون ذكر اسماء

استاذ انتي تعرفيه كويس يا زهرة
كان في اولي ثانوي بس اللهم صلي عالنبي عليه مبسوط و خدوده مفخفخين قوي وعايزة اديلو جوز قلا مة جامدين عشان ايدي بتاكلني لمابشوفه
وعليه طريقة كدة في الكلام مضحكةجدااا
بس كفاية كدة استغفرالله بتخلوني امسك سيرة استاذي ليه

نميمه ولا غيبه دي يا جماعه
افهم بس علشان يمكن ربنا
يكرمه ويديني شويه من الحم اللي عنده ههههه
اخوكي رفيع يا شيماء

ليلتك طين الليله دى يا بنت

ملقيتيش غير ده تتريقى عليه

على فكره دا محترم جدااااا ميستاهلش اللى بتقوله البنت دى

مطلوب على وجه السرعة 544111264

شيماء نفسك تعلقى مين زى اللى فى الصوره دى

بصراحة شروق بالله عليكي اوعي تقوللها

طيب لما انتى جبانه كده وخايفه منها

بتعاكسيها ليه

طيب شوفى الصوره دى وقولى لى اى مدرسه اللى تتمنى تكتبى عليها كده

الابتدائى

ولا الاعدادى

ولا الثانوى

مطلوب على وجه السرعة 766915966

الاعدادى طبعا

طبعا وقطعا الاعدادى بالمدير بتاعها هقول له

الحيوانات الاليفة

ايه علاقتك بها

مطلوب على وجه السرعة 862512847

مش بحب القطط قوى زيك يا زهره عندنا قطه معفنه
مكرهانى ف كل انواع القطط

فاتنى كتير فى الحوار الجميل ده بس قبل ما ينتهى

عايز اسأل شيماء مين اسئلته صعبة اكتر زهرة

ولا حمادة وبصراحة؟

حمدالله على السلامه يا استاذ سعيد كان نفسى تدخل ف الحوار من الاول
اكيدزهرة اسئلتها صعبة

ماشى يا ام اسئله صعبه

دلوقت خلصت الاسئلة

ولكى هديه عندنا لازم تستلميها

اختارى رقم من واحد لخمسه

علشان انتى وحظك فى هديتك