هدعى فى صلاة التهجد ان مراتى تنسى كحك العيد

كان الزوج جالسا يحادث نفسه ... غريبة ... هي ليه مجابتش سيرة عن كحك العيد ... رمضان بيودع ... علي كل حال خير ... يارب تكون نسيت .. يارب ... سأدعوك الليلة في التهجد أن تنسي زوجتي كحك العيد .... وبعد قليل تدخل الزوجة علي زوجها ... وهي تقول ...
- مالك يا حبيبي .. سرحان في إيه .. أكيد بتفكر في زوجتك حبيبتك .. مش كده بردو
- ها ... اه .. اه بالضبط هو أنا أقدر أنساكي يا روحي .. ده أنا ليل نهار بفكر فيكي يا حبيبتي
- فاكر يا حبيبي رمضان اللي فات زي النهارده حصل إيه ...؟
- ياااااه ( وهو يضحك ) ... لسة فاكرة كان يوم جميل ... طبعا فاكر ... كان آخر يوم في سحور رمضان ... وكنت بقولك الحمد لله .. إن أول رمضان يعدي علينا وميروحش علينا يوم من أيام السحور .. وقلنا ننام ساعة ونقوم نتسحر , وقمنا علي آذان الفجر ... بصينا لبعض وقعدنا نضحك .. هو ده يوم يتنسي
- هههههه ... بس أنا مش بتكلم علي الموقف ده يا حبيبي ... بلاش مكر يا حبيبي
- وهو يرسم علي وجهه مزيج من علامات التعجب والدهشة والإستنكار .. مكر .. أنا مكار يا حبيبتي ؟
- أيوة يا حبيبي ... أنت بتهرب مني بقالك يومين علشان متجيبش كحك العيد
- ايه ... أنا بهرب .. إستحالة طبعا .. إزاي ... وليه ... هو أنا أقدر أزعلك يا حياتي .. إنتي نسيتي علشان تعملي رجيم .. كنا بناكل إيه لمدة شهرين .. وإتحملتك كل ده .. وفي الأخر بتتهميني بإني مكار وبتهرب منك ... بجد دي أخر حاجه كنت أتصورها ( أتقن دوره بحبكة رائعة , حيث رسم علامات الضني علي وجهه )
- إنت زعلت يا حبيبي ... والله ما أقصد أزعلك ... أنا آسفه بجد .. ( وتمسك يده وتقبلها ) .. خلاص بقي يا عمري .. حقك عليا
- ( وعينه تبتسم إبتسامة النصر ) يا حبيبتي أنا مسامحك .. لكن إنتي عارفة السعرات الحرارية العالية في الكحك والبسكوت .. وخايف عليكي كمان , مش حتعرفي تلبسي ولا طقم من هدومك
- أنا معاك .. وأوعدك مش حاكل كتير .. إنت عارف أنه مش لينا .. ده علشان الأولاد
- خلاص .. إذا كان علشان الاولاد يبقي نجيب نص كيلو من كل نوع .. مش هما نوعين بردو .. كحك وبسكوت
- نص كيلو ..! ونوعين .. ! إنت أكيد بتهزر ... ها ... بتهزر ... صح ؟
- ليه .. هما الأولاد حيعملوا إيه بكل ده .. بصي للفقراء .. ولمجاعة الصومال .. حرام علينا بجد
- يا حبيبي لما الأقارب وأولادهم والضيوف يزورونا .. حنقدم لهم نص كيلو ! وصنفين بس
- ليه هو في أكتر من صنفين .. هما نزلوا أنواع جديدة ... منهم لله .. ربنا يسامحهم
- طبعا يا حبيبي غير الكحك والبسكوت .. في بيتيفور .. غريبة .. يعني إحنا عاوزين من كل صنف 2 كيلو علي أقل تقدير
- ليه .. خليهم 3 كيلو .. او 4 أو 5 أو 6 ....
- إيه يا حبيبي .. إنت بتكلم نفسك .. كل سنة وإنت طيب .. الدنيا عيد
- الزوج محادثا نفسه ... سأدعو الله في التهجد أن يقيني مرض إرتفاع ضغط الدم ...

منقووول

لا معندهوش حق برضه كده ينسى كحك العيد

وعايز يهرب منه كمان دى حاجة صعب جدا

تحصل والستات ما ينسوش حاجة زى دى ابدا

اصلها عادة يعنى طبع ولازم علشان الزوار

والحبايب .ربنا ياخدهم ويريحنا

استحاله تلاقى الستات ناسيين حاجه زى كده

مش عارفه ليه فعلا متعلقين بالحكايه دى

ولما بيزودوها بيبقى خراب بيوت واهدار ميزانيه كان الله فى عون الرجال

شكرا سعيد

» صلاة العيد في قطر.روووووعه
» صلاة العيد حول العالم بالصور
» صلاة العيد من ميدان التحرير
» مراتى مبهدلانى
» غرائب لا تنسى