الامر المباشر ونظام البيت

كان الزوج وزوجته يجلسان سويا يتناولان مشروبهما المفضل .... حين سألت الزوجة زوجها سؤالا في الثورة

الزوجة : حبيبي .... يعني أيه الأمر المباشر ؟
الزوج : يعني حاجة أنا بعملها معاكي من أول سنة زواج وحتي الآن
الزوجة : اااه ... يعني هدية يوم جوازنا يا حبيبي
الزوج : وبعدين بقي ... إيه اللي فكرك بالموضوع ده دلوقت ؟
الزوجة : وهي مستنكرة وقد إنتفخت أوداجها ... إيه اللي فكرني ... يا زوجي يا حبيبي بعد أيام ذكري زواجنا
الزوج : وهو يتخفي بداخل خجله ... اه طبعا طبعا كل سنه وإحنا مع بعض يا ملهمتي ... بس علي فكرة معني الأمر المباشر مش زي ما فهمتيه خالص
الزوجة : وهي تبتسم بعيون ماكرة ... ومين قالك إني مش فاهماه
الزوج : ااه ... يعني الموضوع كان فخ ... وأنا بطيبتي وقعت فيه
الزوجة : لا أبدا .. الموضوع جه بالصدفة ... بس أنا إستغليته لصالحي
الزوج : طول عمرك إستغلاليه يا حبيبتي ... شكلك من فلول النظام
الزوجة : لا أبدا ولا فلول ولا حاجة ... أنا بس من الثورة المضادة
الزوج : هههه دمك عسل بردقوش يا حياتي
الزوجة : المهم .. حستني منك الهدية إياها اللي وعدتني بيها
الزوج : اااه ... خلاص ... خلي صاحبتك تجيبهالك معاها وهي جاية من السفر ... تمام كده
الزوجة : تمام إيه ... إنت عاوز تجنني
الزوج : في إيه تاني
الزوجة : إنت مش عارف أن صاحبتي حتنزل في أجازة الصيف .. وذكري زواجنا بعد أيام
الزوج : خلاص خلينا نأجل الفرح ...
الزوجة : فرح أيه .. فووووق إحنا متجوزين وعندنا أولاد
الزوج : أقصد يعني نأجل الهدية .. مفيهاش مشكله لما تتأجل شهرين
الزوجة : خلاص انا حتصل اقولها
الزوج : بس انا بفضل أنك تراسليها علي الإيميل
الزوجة : إشمعني
الزوج : لأن التليفون بمثابة أمر مباشر .. وأنا خايف عليكي يا حبيبتي ليحبسوكي
الزوجة : هههه ... طول عمرك بتخاف عليا يا حبيبي
الزوج : طبعا هو أنا أقدر اخالف او اسقط النظام

مناقشة جميلة لمعرفة الامر المباشر والظاهر ان حياتنا

كلها هتبقى بالشكل ده والكل هيتكلم بلسان الثورة أو بلسان

النظام وهى دى عادة الشعب المصرى لما بيكون فيه حدث

هام كلنا بنلتف حوله بكافة الاساليب والكلمات .شكرا ام شروق

على الموضوع الطريف والجميل

الظاهر كده يا سعيد ان حياتنا كلها

مليئة بالنظام السياسى واحنا مش واخدين لبالنا

فليسقط النظام والديكتاتورية اينما وجدت

ولتسقط لغة المصالح ايضا حتى ولو كانت فى البيت

» اغانى الفنانة اصالة يوسف للأستماع المباشر
» الي من يهمة الامر
» لا تتعجبوا من الامر فالرجل صيني
» هيئة الامر بالمعروف موجودة فى مصر فعلا
» مسعد يا من زرت البيت