روائع محمد قنديل

شكرا سعيد

دنت عملتها موسوعه ما شاء الله

محمد قنديل من الاصوات الجميله بالفعل
............

حدوته

حدوتة - محمد قنديل
كلمات صلاح جاهين - ألحان سيد مكاوي

لو كنتي ست الحسن و الجمال
يكون أمير أحلام غرامك أنا
ليكي أول الحدوتة في الدلال
و انا آخر الحدوتة ليا الهنا

دقيت عليكي الباب كتير
رد الصدى و قال يا أمير
ما بينكم البحر الكبير
دقيت على الباب بالإيدين
رد الصدى و قال لي يا زين
بينك و بينها بلدين
أنا قلت لو بيني و بينها السما
مغرم بها و هي كمان مغرمة
و انا آخر الحدوتة ليا الهنا

آه من طريقك الطويل
و لا ليا غير قلبي دليل
عطشان يا مية سلسبيل
حالي يا ست الحسن حال
إرخي شعورك الطوال
خديني من حر الجبال
و ان ما لقيت عندك لقلبي دواه
لاعشق عيون الشمس و اهوى الهوا

صبرت لما الود بان
عملت انا تختروان
و حملت قلبي شمعدان
دوبت لك بحر الهوى
في كلمة هنقولها سوا
و نقول دا عنقود و استوى
و الناس تشوفنا تقول يا ست البنات
حدوتة آخرتها التبات و النبات و انا آخر الحدوتة ليا الهنا

[ندعوك للتسجيل في المنتدى أو التعريف بنفسك لمعاينة هذا الرابط]

محمد قنديل
كلمات : عبد الرحمن الأبنودي
ألحان : محمد سلطان
___
وتر الربابة

أبكي وتر الربابة
للمغرمين صبابة
اللي ليلهم سنة
أتاري العشاق غلابة
معرفتش كِيف غلابة
إلا اما عشقت انا

يا ليل يا ليل يا ابو النسايم و النجم و الهوا
إديني جناح ارفرف و الفلف في الهوا
يمكن تبرد نيراني لما أسيب مكاني
و ان طيفه تاني جاني يقولوا له مش هنا
أتاري العشاق غلابة
معرفتش كِيف غلابة
إلا اما عشقت انا

أهرب فين فين من عيونه بتعدي لي البحور
بتعدي لي المداين و الأيام و الشهور
و تدخل من حيطاني و تجيني و تلقاني
تلاقيني في مكاني تسهر أسهر أنا
أتاري العشاق غلابة
معرفتش كِيف غلابة
إلا اما عشقت انا

كلمني عن حياته ، عن بيتهم الصغيّر
عن أمه ، عن جيرانه ، و فمرهم المنوّر
كلمته عن جيراني و غنيت له أغاني
من يومها لم رآني و لا رايته انا
أتاري العشاق غلابة
معرفتش كِيف غلابة
إلا اما عشقت انا

[ندعوك للتسجيل في المنتدى أو التعريف بنفسك لمعاينة هذا الرابط]