كيف الخلاص؟

موضوع: كيف الخلاص؟ الأربعاء سبتمبر 14, 2011 8:40 am

من غير هدف في الحياة يضمني
أحيا حياةً لا يطيب نداها
قد صرتُ لا أبغي حياةً تُصلِني
ناراً تؤجج مهجتي أحياها
فيم الحياة ؟ وقد فقدت رفيقتي
من كنت أهوى في الحياة هواها
شمس تطل على الوجود سخيةً
تهب الوجود وجوده بسناها
إن ضقت ذرعاً بالحياة فإنني
آوى إليها أهتدي بهداها
فيضمني قلب يفيض مودةً
وإذا الأمان يسوقه كفاها
قد أقفرت وديان عمري وانطوت
صفحاته منذ انطوت دنياها
ضاقت بيَ الدنيا برغم اتساعها
صارت كسَمٍ للخياط أراها
وتكاثفت سحب الظلام تلفني
كيف الخلاص ؟ وقد نأت بضياها
وضللت خطوي والدروب تشعبت
ضاعت خطايا مُذ حُرمت خطاها
وغرقت في بحر الهموم ولا أرى
مَــنجىً ألوذ به ســوى لقياها
كيف السبيل ؟ وقد تباعدت الخطا
وتناثـــرت أشـلاؤها وثراها
وكأنها فـــــجر أطل بنوره
ثـــم انمحت أنواره وصباها
وأذوب دمعاً كلما زرت قبرها
حــمم تزمجر نارها ولـظاها
ومرارة الأحزان تجري في دمي
من مـرها بكت الـدماء بكاها
ويطول تعذيبي وعمري كله
ينساب مني بانسياب شذاها
أدعوك ربي أن يطيب مهادها
وتكون جنات الرضا مثواها
وتذوب روحي هياماً في محبتها
ويضيع عمري وفاء في محيّاها

طبعا الشاعر \ ابراهيم ابو بكر

ويبدوا انه يرثى محبوبة فارقت الحياة

يعنى النهارده هنقضيها اشجاااان

اصعب شىء فى الحياة ان يفقد الانسان من يحب أى كان

نوع الفقد سواء بالموت او بالهجر او بغير ذلك والشاعر

يعبر عن ذلك بطريقة جميلة وفيها احساس عالى .شكرا

ام شروق على نقل القصيدة الرائعة

يعنى مش زعلان من وصلة النكد اللى فى الاشعار

طيب روح اقرا يوميات زوج مقهور

تخفف من حدة الابيات الحزينة شوية

الحلقة النهارده فظيعة

قريتها ونكدت على الله ينكد عليهم

انت خوفت ولا ايه

على فكره نصف الكلام دا صح

50%

50% مع الراجل الطيب المسالم الغلبان لكن معاى انا

اخرها اتنازل واعمل الشاى لنفسى وفى داهية هى وولدها

اللى هتذلنا بيه ده

كل تصريحاتك اللى بتقولها دى مش فى صالحك

هتخوف منك البنات وحالك هيوقف

يعنى هو انا هضحك عليها ولا اغشها طيب ماهى هتعرف

كل ده قبل الزواج طبعا ماهى لازم تعرف اللى ليها واللى

عليها من قبل ما تتدبس

يبقى خلاص
هتقعد فى قرابيزنا ومفيهاش زواج خليك كده زى توفيق الحكيم

لا مش للدرجة دى يعنى اكيد هلاقى واحدة بنت حلال

تاخدنى على عيوبى وخلاص والا انا هتنازل وامرى

الى الله .اصله شر لابد منه

يبقى تتنازل احسن

وتعرف ان القوارير لها معاملة تليق بها

كما امرنا المصطفى صلى الله عليه وسلم واوصى بالنساء خيرا

صلى الله عليه وسلم

بس ما تنسيش انه قال لو كان هناك سجود لغير الله

لامرت المرأة ان تسجد لزوجها .ومن باتت وزجها عنها

غير راض لن تشم رائحة الجنة .بلاش تفتكروا اللى

ليكم وتنسوا اللى عليكم

لا
مش ناسيين

المرأة لو وجدت المعاملة الاسلامية السليمة من زوجها

ستكون كما امر المصطفى بدون حتى ما تكون شافت الحديث النبوى

كونى له أمة يكن لكِ عبدا

لكن اذا قسى وجفا الرجل وتذكر ما له من حقوق ونسى ما عليه من واجبات

انسى انها تلتزم بولا حرف من الكلام ده حتى لو كانت تتبع كلامه امرا وخوفا

لا حبا واحتراما
اتحب ان تكون مطاعا حبا و واحتراما

ام خوفا وقهر

انت وحدك من تستطيع اختيار وسيلة التعامل بينكما

بلاش مغالطة يا ام شروق انتى لسة جايبة يوميات زوج طهقان

وشفتى لما عاملها كويس عملت فيه ايه .يعنى المعاملة الكويسة

بتيجى بالعكس وكمان ليه الست ماتعملش اللى امرها به رسولها

صلى الله عليه وسلم بغض النظر عن معاملة الزوج وبعدين زى

ما انتى قلتى الرسول قال كونى له امة يكن لكِ عبدا .يعنى البدء

فى التعامل السليم يكون من عند الست وده فيه مراعاة لطبيعة

الراجل يعنى هى تكون كويسة وتراعيه هتجبره يكون كويس

ويراعيها غصبا عنه لكن لو لم تراعى قيراط هو مش هيراى

48 قيراط

هي ايه حكاية النكد اليوم ده

كلها نكد في نكد

وكانع يوم النكد العالمي

ماتاخديش في بالك من كلام سعيد

كلنا كنا بنقول كده في الاول

لكن ياسعيد اتحداك ...اللي بيقولوا كده دايما هما اللي بيتراجعوا 360 درجه مش 180

ويحيينا ويورينا
....................

هههههههههههههه. ماشى يا ابوجمال كده بتنصر الستات علينا

بس اوعى تكون من اللى اتغيراو 360درجة

ينصر دينك يا ابو جمال

واشوف فيه يوم

وافرق رز بلبن على الجامع اللى جنبنا بس يكون لبن نيدو

انا مكنتش اقول زيك عشان اتغير

كنت راجل مسالم وربنا رزقني باللي يسالمني
...................

ياريت طبق رز والنبي احسن مفيش فطار عندي

اشمعنى لبن نيدو يعنى ولا ده اعلان ؟

وبصفتى مسئول الدعاية والاعلان هنا الكلمة دى

تعتبر اعلان والاعلان تكلفته 1500ريال سعودى

لا اذا كان ابو جمال عايز طبق رز يبقى لبن طبيعى معتبر يليق به

انا شم بعمل دعايه ولا حاجه يا سعيد

نيدو علشان صناعى يعنى معناها ان الكلمة صناعيه متاخدوش عليها

انا مش حمل ميزانية عمل رز بلبن

ماشى سماح المرة دى وهتدفعى تعويض بسيط قدره

طبق رز بلبن زى بتاع ابوجمال اللى ما ناخدهوش

بالذوق نتبلى عليكم وناخده هنعمل الجوع ما بيرحمش

بس انا غيرت رأيى بصراحه

هعمل كريم كراميل

وانت تقريبا مش بتحبه

مين قال ؟

اى حاجة هكلها اهم حاجة اغرمكم وخلاص

يعنى جات عندى انا وبقيت مش بحبه .لا

هاكله استخسار وغرامة

طيب طالما نويت يعنى على الغرامه
ومصمم قوى

اللهم اننا صايمين النهارده

هههههههههههههه

خلاص كده كده انا نفسى مسدودة نخليها فطار

وامرنا لله. اصل انا مصمم عالغرامة

دا نظام غلاسه بقى

قرأت حكاية البخيل اللى عزم ضيوف مضطرا

ووصى مراته تسوى اللحمه نصف سوا علشان من ناحيه يبقى هو قدم لهم لحم ولم يقصر

ومن ناحيه تانى ميقدروش ياكلوها وترجع له لحمته