الفرق بين التوكتوك في مصر والهند

للأسف الشديد احنا اسهل حاجة نعملها اننا نحظر

استخدام الشىء طيب ليه ما نعملش ضوابط للموضوع

وهو بيساعد كثيرا فى حل ازمة المواصلات وخاصة فى

المناطق الضيقة ولا احنا هنفضل طول عمرنا عايزين

نخلص من المشاكل وخلاص وحلولنا كلها بتؤدى لمشاكل

جديدة . ربنا يصلح الحال . شكرا ابوحسام على الموضوع

القيم والهام

والله ياسعيد انا من وجهه نظري
المتواضعه جدا ان اخوانا السواقين
هما السبب الرئيسي في اتخاذ مثل تلك الاجراءات والقرارات الحاسمه
لانهم بيسوقوا بعشوائيه وخطورة شديده جدا جدا وبيعرضوا
حياة الركاب معاهم للخطر المستمر
انا ركبته مرتين في حياتي الاولي لحب الاستطلاع والتانيه مجبر
كنت حاسس اني ماشي علي الارض والتانيه كنت هحاسس ان اي عربيه
هتدخل فينا عدل بسبب السائق
ربنا يصلح لهم الحال ويتعدلوا

هههههههههههه انتى هتقولى انا ركبته مرة واحدة

وبندم على اليوم ده لحد دلوقتى . ربنا يهديهم السواقين

او يهدهم مش هتفرق كتير ههههههههههه

انا بقى ممكن اعمل لكم موسوعة عن طرائف التكاتك

فى مرة كنت راكبة تكتك لقيت السواق مركب تلفزيون صغير كده على حامل على شماله

ومشغله واخر تمام انا استفزنى المنظر ومقدرتش امسك لسانى

طيب انت هتسوق ولا هتتفرج ...قلت له على فكره غلط حكاية التلفزيون ده فى التكاتك

قاللى لا انا مركبه علشان الزباين

زباين ايه ؟ انت هتسافر مشوار عشر ساعات

دا هى خمس دقائق

هيعمل ترفيه للزباين على خمس دقايق

قاللى كله بقى كده دا فيه تكاتك بتركب تكييفات

قلت للسانى اسكت يا لسانى وسكت

هههههههههههههههههههههه
وانا اعرف ناس مركبه غير الشاشات بتاعت الديفي دي
مركبه دي جيهات والصوت المرتفع المزعج وكأنها افه ضاره
وانتشرت ما بينهم بيعاندو بعض علي رفع الصوت واله
حاجه بقت تخنق بجد

لا السماعات دى قديمه قوى دى شغاله على طول

واجبارى غصب عن عينك لازم تسمع

وياريتها حاجات تتسمع

» ضرب القذافى هذا هو الفرق
» الفرق بين الخجل والحياء
» الفرق بين الكلاسيكية والرومانسية
» الفرق بين الشوزيفرينيا والبارنويا
» الفرق بين الملة والدين