مش باقى منى غير شوية دم

مش باقى مني غير شوية ضى فى عينيا ، انا حاديهوملك و امشى بصبرى فى الملكوت

يمكن فى نورهم تلمحى خطوة تفرق معاكى بين الحياة و الموت

مش باقى مني غير شوية قوة فى ردى حاسبى عليهم و انتى بتخطي

مش باقى مني غير شوية ضى فى عينيا انا مش عايزهم ، لو كنت يوم حالمحك و انتى بتوطي

فى معركة ما فيهاش و لا طيارات و لا جيش

و انتى فى طابور العيش

بتبوسى ايد الزمن يناولك لقمة ، من حقك المشروع

مش باقى مني غير شرقة فى نفس مقطوع

و انا صوتى مش مسموع

يا حلمنا الموجوع

من المرور ممنوع

مستنى لمّا يمر موكب سلاطينك

و مش باقى مني غير شوية ... بشروقك

على شوية رحمة من طينك

على شوية صبر من دينك

مش باقى مني غير شوية لحم فى كتافى ، بلاش يتبعتروا فى البحر

مش باقى مني غير شوية لحم فى كتافى ، بلاش يتحرقوا فى قطر الصعيد فى العيد

بلاش لكلب الصيد تناوليهم

خدى اللى باقى من الأمل فيهم و ابنى لى من عضمهم فى كل حارة مقام

و زورينى مرة وحيدة لو كل ألفين عام

ألم الجراح يتلم

و مش باقى منى غير شوية دم

متلوثين بالهم

مرين و فيهم سم

و مش باقى مني غير شوية دم ، ما قدرتش أسقيكى مواجعهم
و برضه ما قدرش أرميكى و أبعهم
يمكن فى مرة تطلبينى شهيد ححتاج يوميها الدم يمضى على شهادتى

الشاعر جمال بخيت

رائعة من روائع الشاعر جمال بخيت فى حب مصر

وهذا الشاعر دوما ما نجد كلماته يسيل منها الاحساس

وتخرج كلماته معبرة جدا عن الواقع الذى نعيشه

شكرا ام شروق على الانتقاء الجميل

قصيده من اروع ما استمعت له

وخاصه الاداء الرائع الحقيقى للشاعر جمال بخيت

حتى انه ابكى مقدمه البرنامج منى الشاذلى

وادمعنى ايضا عند الاستماع اليها لأول مره

قصيده ولا أروع نعبر عن حاله مصر ما قبل الثوره

شكراأ/ زهره على هذا الانتقاء المميز

والذى يدل على مدى وعيك وحسك الثاقب

فشكرا لك على هذا التواصل الفكرى الجميل

نعم اخي مصطفي

ابكانا جمال بخيت عند سماعنا القصيده اول مره

فالقاؤه مؤثر جدا ...والكلمات غايه في الشجن

اننا نبكي مصرنا الغاليه

هكذا يكون حب الاوطان

شكرا زهره.
..............

ابو جمال
سعيد
مصطفى
شاكرة لكم
وجمال بخيت اشعاره الوطنية الملتهبة جديرة بالاستماع
والتفاعل مع المجتمع ومشكلاته واجب على كل انسان
شكرا مصطفى على الاضافة

كلمات جميلة جدا وغاية في التعبيروالحس المرهف

وبالفعل لم يبق من الشعب المصري غير شوية دم و

مش باقي مني غير كلمة الاه مش باقي غير الصرخة

مش باقي حاجة ابكي عليها بعد اما ضيعتوا الفرحة

شكرا ام شروق علي هذا الاختيار الموفق

شكرا ايمن
والشاعر ضغط على الجروح وقال اه
ونحن نصرخ ونقول يارباه

» مكانك يا أخى فى القلب باقى
» ماذا تعرف عن باقى زكى يوسف
» إيمان باقى ..كتاب الذكريات
» شوية نكت
» شوية شجن