مصطبيات\فضل محمد ابراهيم

$مصطبيات\فضل محمد ابراهيم 253426_179641552089248_100001302149098_448678_2539660_n$

ماشية الصبية بدلع

على كتفها ... بلاص

قلت لها : عطشان هاقع ...!!

يابت ريقي .. خلاص !!

برقت عينيها قوي

بتطق يابا رصاص ...!!

والضحكة كات منّـها ... ؛

بتيبس الاحساس ...!

وبعزم ماعندها ...

هبدتني بالجــــــرّة ...!

فوقعت انا يمّها ...؛

ما دريتش بالمـــرّة ..!!

وصحيت على زغللة ...

واصوات تقول : حُــــرّة ...!

يستاهل البهدلة ..

على عملته المُـــرّة ..!!

ولقيتها وسط البشر

بتهب زي بابور ...!

وتقول : يا شوم الغفر ...؟

شاهدة عليك الناس ...!!

قوم صلح اللي اتكسر .. ...

هاتلي قوام بلاص ...!!

ههههههههههههه يعنى موت وخراب ديار زى ما بيقولوا

مش كفاية الراجل اغمن عليه وكان هيموت فيها كمان يدفع

تمن البلاص .ادى اخرة النظر الضعيف .شكرا ام شروق

على شعر المصاطب الرائع

اههههههههههههههههههههههههههه

جميله جدا...........وكمان طلع غفير؟؟

لازم يشرب بقي

شكرا زهره
.............

إيه رأيك فى مواهب
ولاد بلدنا
مش جميلة برضه ؟