ثلاث مباريات غنائية

طه خدها وراح يتوضى
وقبل ما يمشى شاطها فى زعتر
بدوى قطعها ريعو لهفها
خدها خيرى وطالع يتصدر
خدها السايس رفعت كابس
الشربينى اداها لطلعت
الجمهور عمال يتنطط
سابها صالح برافو صالح جلا صالح
راحة منه وخطفها شرشر
راح يتهجى ومشى يتمخطر
لسه بيمشى لسه
شوط ماتخافشى شوط
شاط شاط شاط شاط شاط
اتارى الجزمه ناقصها رباط
شالو عادل دخل الروبى
شالو الروبى جه مروان
برافو مروان برافو مروان
جاب فى الاهلى 3 اجوان
ولحد هنا وخلص الماتش
خلص ازاى انا ما اعرفش
_______________________

المبارة الثانية
معاركها حاميه
العربى مكتسح الملعب
بيشوط ويروح يطلب سحلب
وخطفها امام وناول رافت
طارت يا سلام على راس عفت
ونبيل راح بيقول لرفاعى
عبده نصحى عض صباعى
سنتر يا نبيل سنتر
اهجم يا نبيل اهجم
الكابتن شحته نفسه طويل
كورة جميله لعبه نظيفه
ميمى قطعها شوطه طويله بس ضعيفه
الف خساره قلشت منه جات فى الكورنر
طلعت أوت
شالو الضو جابو شاهين
الضو قال ما انتش لاعبين
شد الشبكة قطع الشبكه شال الشبكه وفيها شاهين
ولحد هنا وخلص الماتش
خلص ازاى والله ما اعرفش
_____________________________

المبارة الثالثة
والتالته تابته
احمد احمد يا صالح
حاسب من زقلط
دى الكوره فى رجله بتشد وتشخط
اهو خدها زقلط ورماها
وبرافو بوبو اتلقاها
وانا شايف لوفه بيصبن رجليه ويدور
بيحاور ينى وتار ينى زى العصفور
ماتشدو حيلكم يا عتاوله
شاطها الطباخ شوطه هايله
خدها على صدره فؤاد مرسى
وشاهين بيدور على كرسى
جرى ايه يا اولاد فين الفيتامين
اهو كده يا ولاد خليكم جامدين
نادرن عليا لو جيبتم جون
لااروح اتجوز واجيب المأذون
واروش الملعب سكر ولمون
ولحد هنا وخلص الماتش
خلص ازاى انا ما اعرفش

منقوووووووووول

مقتطفات جميلة جدا وثلاثي اضواء المسرح

دائما ما يمتعوننا عند مشاهدتهم بأدائهم الرائع

والتناسق والتناغم فيما بينهم واغانيهم الخفيفة

وادائهم المـمـيــــــــــــز

شكرا سعيد علي تذكيرنا بزمن الفن الجميل

شكرا ايمن على المرور بالموضوع والتعليق

بس هما فكرونى بماتش الزمالك اصل الزمالك

متعود يحتفل بالكاس قبل ميعاده وفى الاخر

بيتصدم بهزيمة مريرة

شكرا سعيد

علي هذه الدقائق الضاحكه

لا حرمنا الله من انتقاءاتك الجميله
............

تشرف الموضوع بزيارتك الجميلة يا ابوجمال

والثلاثى ده غاية فى الجمال ودوما ما يُمتنعنا

بأداؤه الجميل .