بلد الحضارة يا قنا وقصائد اخرى للشاعر عاصم السمان

للشاعر المصري/ عاصم السمان
…………………………
أول ما كتب القلم
كتب القلم قافك
والنون يا نن العين
غنت با وصافك
والمد مد الهو ى العشق فوق نيلك
والقلب سلم يا قنا
من بعد ما طافك
*******
مبروك عليك يا بلد كبر الولد جالك
شالك على كفوف الهوى
جو العيون شا لك
والكل قال يا مدد
مدد القناوى جالك
****
قالو الأجانب عندهم
أصل الحضارة هناك
غنى الرباب غنوتة
قال الحضارة قناك
يا اللى انت عايش بعيد
ارجع وعيش ف قناك
****
اول مارسم القلم
رسم القلم سورك
والحب راسم خطوتة
دايما على جسورك
ارض الحضارة يا قنا
يا ساكنة جوانــــــــــا
قلبي اللي تاهة خطـوتة
معــــــــــر فش غير نــــو رك
مع تحيا تى لكل شباب قنـــــــــــا المناضل

ابن الشهيد
وسط الميدان
صورة ابويا معلقة
جنبيها روحة مرفرفة
من كام سنة ماسك ابويا ع الزناد
اوقف قصادة يبتسم..من غير كلام
وف كل يوم ساعة الضحى
بسرق رغيف
من غير ما امى تحسنى
واجرى من البيت ف الزحا م
اطوى المسافة زى برق الليل
وارفع رغيفى لحد مايوازى الزناد
وأبوس ايدية..فيشدنى لصدرة الحنون
ويبتسم لى..تترسم نظرات عنية
صوتة اللى ساكن ف الفؤاد
وافضل اعاتبة..هان عليك تفوت ضناك
ف يبصلى ويشدنى ودموعة تنزف
واسآله خليك صريح
لوكنت جاى انا هنتظر
مع انة طال الانتظار
فاكر يابوى غزل البنات
فاكر العنب..فاكرمعاى ايام زمان
لما كنت برقص بين ايدك
وتضمنى ضمة حنان
فاكر يابوى

نســـــــــــيـــــــــــج وا حـــــــــــــــــــــــد
جرس المحبة يا خال دندن على بابى
رفع الآ ذان الشيخ صلو على الها دى
الارض ارض الله واحنا نسيج واحد
لا فرق بين قسيس ولا شيخ ولا واحد
الوحدة طول عمرها والدم بقى واحد
فى الثورة كان حنا واحمد فى دور واحد
كانو ا فداكى يامصر .... ما توحدو الواحد
**********************************
سامحينا يام العرب عمرك ما بتحابى
انتى اللى اصل الاصل افديكى بشبابى
جرس المحبة قال مفيناشى ارهابى
اية يعنى لما ينحرف خمسين من الباقى
راح تفضلى يامصر اصل الغرام انتى
انتى الطبيب والدوا ف القلب علمتى
علمك هيفضل فى السما والراي مرفوعة
والوحدة فيكى يامصر ليها كلمة مسموعة
لا فرق بين قسيس ولا شيخ ولا واحد
ما تمجدوا السيد وتوحد وا الواحد
***************************
الله عليكى يا مصر يا كل امانينا
فيكى الهلال يامصر ويا الصليب زينه
لا فرق بين قبطى ولا مسلمين فينا
دايما نجب الخير ونحب بعضينا
ملعون ابو الشيطان واللى يعادينا
واللى يثير فتنة واللى يجفينا
واللى يفكر يوم يدخل اراضينا
دى مصر ام العرب بنناها با دينا
احنا بنينا السد
مرقص وكان مينا
احمد وكان محمود شا يلين امانينا
لا فرق بين قسيس ولا شيخ ولا واحد
ما تصلى ع الهادى وتوحد الواحد

رســــــــــــــــــائل من الزنازين
الشاعر عاصم السمان
ابــــو عــــــز باعت ســــــــــلا م
للشعب و ا لمـــــــلا يـــيــــــــــن
بـــــــــــيـــــــــقو لكم شغال
وبا رقص المــــــــــــــــسا جين
عمى هـــــــــــر يد ى بيرقص
والمـــــغر بى ز مــــــــــــــا ر
وجـــــــــــر انة مـــــــــــا سك صجاته
للرقص و الـمو ا ويـــــــــــــــــــــــــل
وعـجـــــــــــــــــــــبى

همسات عاشق
للشاعر عاصم السمان
ـــــــــــــــــــــــــــــــــــــــ
صباحك مش صباح عادى
صباحك قشطه وزبادي
وبا حلف لك يا نور عينى
سكنتى القلب وفؤادى
صباح المسك والعنبر
على عنيكى اللى بتعبر
يا بلطية يابنت النيل
فى بحر الحب بتنادى
وانا عاشق ومش بحار
لكن حالف لا عديلك
واقطف م السما نجمات
ومهجة قلبى اديلك
واحلف لك بأ لف يمين
سحرتينى يا بنت النيل
وانا تاية فى بحر الشوق
غرامى مش غرام عادى

بكاء على ألا طلا ل
……………………….
للشاعر المصرى/ عاصم السمان

وتسافر ألا حلام فى أحزانى *** * والقلب يشكو لوعة الحرمان

انى غريبا فى ثنا يا مهجتى *** * أبكى على ألا طلال بحر حنان

والشوق ينزف منذ كان رحيلنا منذ افترقنا ذاد ت ألا هوال

...هوال الفراق ثم هول محبتي *** من سكنتى في ربوع خيالي

ابكيكى دوما والفراق مذلــــة*** والبعد نار تلتهم وجداني

والقلب يمسى ثم يصبح زاهدا** * والشوق في ألأحشاء كا البركان

والنوم لا أدرى الى أين اختفى** * منذ الرحيل غاد ر ألا جفان

شوشوا بربك لا تخونك د معة** * فوق جبينك الفتان

ودعى البكاء وصونى كل عهودنا * يامن ملكتى القلب والوجدان

انى على عهدك أسير متيما * وأصو ن ودك زهرة الريحان

وتسافر ألا حزان فى أيامنا ** * والآقى داخل مقلتيك مكانى

ارسم با أحرفك الجميلة مداني** * وأجدد الآمال والأحلام

فيكى وجدت كل شيء طيبآ *** * الحب والإخلاص والإيمان

اهمس للسكون
قصيدة للشاعر ....... عاصم السمان
..............................................
استيقظ الصبح على شفتيك
قبل أن يغفوا وقبل أن أغفو
امتلأ ت ذاكرتي بالزحام
ألا رصفه تتأوه
وأنا أتألم منذ رحيلك
القلب ينتظر الغروب
ليفرد العباءة السوداء
وتاوى العصافير والفراشات
*****
وحيدا في غربتي
اهمس للسكون
احتضن الصور الورقية في قلبي
أضم البحر الموج التيار إلى صدري
ربما يكون طيفك في الأعماق
أسبح فوق كل البساتين
اقطف منها الأشواق
وانزع منها بحور الغرام
انتظر النسمة المسا فره اليكى
لتحمل إليك منى السلام

المصدر :منتدى السمان الثقافى

لشاعر المصرى / عاصم السمان " شاعر عامية و سينارست "

أنا شاعر مصرى أحب وطنى وبلدى مصر " شاعر عامى وسينارست " مدير مكتب جريدة أخبار الساعة بمحافظة قنا

اضافات غاية فى الجمال والروعة يا ام شروق

وهى عادتكِ تضيفى ما يفوق الموضوع جمالا

فكل الشكر على الاضافات الجميلة

تشرف الموضوع بزيارتك الجميلة يا ابوجمال

ونتمنى ان تكون معظم اعمال ابناء قنا متاحة

عندنا فى ومضات السها ان شاء الله

انت اللى عرفتنا عليه يا سعيد
انا اول مره اسمع عنه
ومع ذلك عجبتنى جداا قصيدة فوق يا مصرى
شكرا سعيد

انا اول مرة اشوف اعماله يا ام شروق

ولما قريتها عجبتنى بس مكنتش فاكر انه

من قنا الا لما لقيت التعريف بنفسه وعمله

فى قنا وياريت نقدر نلقى الضوء على

كل ابناء وشعراء قنا لانها تستحق

دا اللى فعلا عايزين نعمله
ظهر شعراء من قنا كويسين جداا
وعايزين نهتم بهم ان شاء الله

ان شاء الله يا ام شروق والمهمة دى بتاعتكِ طبعا

شكرا ام شروق

كل الشكر لسعيد وام شروق علي هذا المجهود الرائع

واطلاعنا علي هذه الروائع للشاعر عاصم السمان

ونتمني موافاتنا بالعديد والعديد من القصائد لهذا

الشاعر المميز