مراتى مقرفة ووش مشاكل ...بس بحبها

دى مشكلة كان واحد عارضها على النت نشوفها مع بعض كده
أنا مراتي مقرفة ووش مشاكل، وكل شوية تتخانق معايا عمال
على بطال، وكمان بتطوّل لسانها عليّ وبتسيب إخواتها الحريم يطولوا لسانهم عليّ هما
كمان، ومع الأسف أنا بحبها ومش قادر أطلقها، ولكن في مرة من المرات صمّمت على
الطلاق فأتتني فكرة جهنمية وهي أنني اخترعت ورقة وعملتها تنازل عن مستحقات، واتفقت
مع المأذون إنه يفهّمها إنها ورقة تنازل عادية، وطبعا لم أفهّم المأذون أنها ستتحول
في النهاية إلى إيصال أمانة عن طريق الكمبيوتر، وبعدما بصمت ومضت على الورقة أخذت
الورقة وأدخلتها مرة أخرى على الطابعة، وعن طريق برنامج الوورد لصقت إيصال أمانة في
المكان الفاضي في ورقة المستحقات، وبعدما طبعت إيصال الأمانة قصّيته وأصبح إيصال
أمانة عليه بصمتها وتوقيعها.

مع العلم أن الإيصال ما زال على بياض، لم أملأه
بعد، وهو بقاله معايا حوالي ثلاثة شهور، فهل يجوز أن أملأه في أي وقت وبنفس القلم
الذي مضت به؟ مع العلم أيضا أنني مطلقها بقالي ثلاثة شهور، فهل يجوز أن أجعل
الإيصال باسمي، ولا ما فيش إيصال بين الراجل وطليقته؟ وهل إذا استعانت بالمأذون
كشاهد، وقالت إنها وقّعت بسلامة نية، ولم تعرف أنني سأحوّل هذه الورقة إلى إيصال
أمانة، هل سيحكم لها بالبراءة؟ وهل سيكون عليّ أنا عقوبة قانونية؟

مع العلم
أنني استخدمت هذه الفكرة لأضغط عليها وأخليها تحترم نفسها معايا، وترجع لي من غير
قلة أدب، حتى أربي ابني في وسطينا إحنا الإثنين، وإنني سوف أتنازل عن القضية في أي
مرحلة من مراحلها، فأرجو الإفادة وشكراً.

samieh_5

أولا ما سوف
تقوم به عمل غير قانوني ممكن مطلّقتك تطعن بالتزوير، ويثبت ذلك عن طريق الطب
الشرعي، وتعرّض نفسك للمساءلة الجنائية، وفضلا عن مطالبتها لك بالتعويض. فأنصحك ألا
تفعل هذا الأمر طبقا لقاعدة "إمساك بمعروف أو تسريح بإحسان".

هذا الانسان يبدوا انه ليس رجلا

لكنه مذكر حاله حال كل مذكر من الرجال

وشتان بين الذكورة والرجوله....ما عنيته من هذه المقدمه

ليس الضرب والشتم والسب مما يفعله الكثيرون مع زوجاتهم

كي يمنعوا تصرفا ما او عقابا غلي عمل ما ولكن ما عنيته هو

فن قيادة الاسره والمنزل والزوجه تقع من ضمن هذه الاشياء

التي يجب ان تكون تحت القياده ....لو انه يعي ذلك وبارع في قيادته

لما تطاولت عليه هي واخوتها ....وهذا التطاول فيه الكثير من انتقاص

شخصية الزوج امام زوجته واولاده ...وهي كيف ترضي لنفسها ان يكون

زوجها محط سخريه او شتائم من اخوتها ....انها انسانه غير سويه بالمره

أما ما لجأ اليه الزوج من عقاب لزوجته وهو الطلاق ووصل الامانه

المزور فهذا يدل علي افلاسه كرجل .فهناك من الطرق التي من الممكن ان يجعل

الزوج زوجته طوع امره الكثير والكثير ..ولكن يبدو انه يفتقد او يجهل

كيفية ادارة الاسره والمنزل ....لذلك لجأ الي هذه الطريقه التافهه

حتي وان عادت اليه الزوجه بفعل هذا الضغط ان نجح مثلا ..فمن المؤكد

ان تعود ريمه الي عادتها القديمه ...لانها عرفت اخر ما عنده

وهو عقاب ليس رادع بالنسبة لها...المستفاد من القصه

ان ضعف شخصية الزوج وجهله بأمور الاسره والزوجه وكيفية ان يكون

قائدا في منزله هي من المصائب الكبري في زمننا هذا ولولا احترام هذا المكان

واحترام المقال ايضا لشرحت الكثير من سلبيات هذا الرجل تجاه زوجته

دون ان اراه او اعلم اكثر مما علمت من القصه ....لذلك هو يتحمل الجزء الاكبر

من وصول الحال بينهم الي ما وصل اليه

شكرا زهـــــــــــره
..........

طيب هى بتشتمه نعديها علشان مراته والكثير من الرجال

بيكونوا ضعفاء امام زوجاتهم لكن انه كمان يتشتم من اخواتها

ده يبقى اسمه ضعف وقلة حيلة ويستاهل كل اللى يجرى له

على رأى اللى قال انا محدش يضربنى غير مراتى وبس

هههههههههه . يلا اللى يعيش يا ما يشوف لكن بالنسبة

للنصيحة انا بنصحه يعمل كده ويزور مش علشان يأدب

مراته . لا علشان يتسجن علشان يعرف معنى كلمة السجن

للرجالة ولا يمكن ميرضوش بيه من الاساس .شكرا

ام شروق على الموضوع الغريب

بهدلتوا الراجل

قصدى المذكر

الانسان السلبى يستحق كده واكتر

لو فيه ذرة احترام من زوجته له ما كان حدث هذا لكن هى تعرفت على شخصيته وارتاحت فيها

وعلى هذا الاساس تصرفت هى واخواتها والعيلة والجيران واهل الحارة

وعلى السادة السكان خارج المدينة مراعاة فروق التوقيت

واللى عمله بيدل يا جماعة ان عنده مخ بيعرف يفكر بس بيفكر باتجاه عكسى خااالص

وهو فيه حد يقبل على نفسه يغصب واحده على المعيشه معاه يبقى ايه ده؟

الراجل ده يا ام عبيط يا اما عبيط

والغريب انه بيستفسر عن مدي سلامة موقفه القانوني في تزوير وصل امانه

ضد امراته وكأنه بيسأل عن مسألة فقهية في الشرع بكل سهولة

مش عارف والله ايه اللي حصل للرجالة يعني يتشتم منها ومن اخواتها

ويتهان وبعدين عاوز يخليها علي ذمته بالعافية عن طريق وصل امانة

مزور وقال ايه بيعمل كده علشان ابنه يعيش وسطيهم هما الاتنين

ايه الحنية دي يا راجل لما هي مش عاوزاك اصلا هتخليها علي

ذمتك بوصل امانة علي بياض علشان خاطر ابنك .

اخـــــــــــس علي كده رجالة .

شكرا ام شروق علي هذا الاختيار الموفق

ليه وصلة الشتيمة دى كلها يا ايمن
على فكرة فىه نمازج زى كده كتير تتعرض للاهانة والبهدلة منها ومن اهلها وبرضه يرجعوا كأن شىء لم يكن
وانا بحس فعلا ان الناس دى معندهاش دم ...فيه اشياء اذا كسرت استحال اصلاحها
اذا وصلت العلاقات الزوجية لحد الاهانة والضغط والإذلال بلاش منها اصلا
ربنا قال بالمعروف ...المعاشرة...أوالطلاق
ربك يصلح الحال

» مراتى مبهدلانى
» مراتى مدب ..المشكله والحل
» طلبات الست مراتى
» مراتى بتكلم حماده \الحق يا حماده
» مشاكل المرارة