فتوى غريبة ضد الزواج من فلول الحزب الوطنى

فى فتوى غريبة من نوعها أفتى الشيخ " عمرو سطوحى " رئيس لجنة الدعوة الأسلامية
بالأزهر بأنه لا يجوز من أى مصرى أن يوافق على زواج أبنته من أحد أعضاء الحزب
الوطنى المنحل وهم من أفسدوا الحياة السياسية .

والفتوى قالها بسبب إنهم هم
من ضيعوا الأمانة .

وقد أضاف الشيخ الى إنهم هم من أفسدوا الحياة فى مصر
كلها وضيعوا أمانات الشعب المصرى , ومصر التى أكلوا من ترابها وعاشوا فى أرضها
وشربوا من ماء نيلها فكيف للأب أن يستأمنهم على أبنته والحياة الزوجية .

وقد
إستدل بذلك على أن سيجدنا عثمان بن عفان قد سئل عن مواصفات الزوج الذى يريد الزواج
من الفتاة , فقال لأبيها " التقى , فأن أحبها أكرمها , وأن كرهها فلن يظلمها "

فتوى غريبة جداجدا وغير مقنعة بالمرة

شكرا ام شروق على الخبر الغريب

فتوي غريبة جدا وكأن جميع طوائف الشعب المصري

ملائكة منزلة واعضاء الحزب الوطني هم الشياطين

فقط لا غير ولا بد ان يتم عزلهم عن الشعب

يا شيخنا ( ان الله غفور رحيم )

شكرا ام شروق

لا وكده هو هيخرجهم من الملة
هو ايه فى الشرع اللى يمنع الزواج غير الكفر
لا اله الا الله
وهل يملك احد الحكم على انسان مهما وصلت درجته بهذا الشكل
اعتقد ان هذه كبوة او فرقعة اعلامية فى ظل الهوجة
شكرا سعيد
شكرا ايمن

طيب انا من راي الراجل ده

عليا النعمه معاه حق

لا.........مش هيخرجهم من المله ولا حاجه

الراجل موصلش للدرجه دي ...وكمان يا ايمن

مش حكاية ان الشعب المصري ملائكه منزله ودول لأ

ببساطه شديده جدا....انت لو تعرف انسان منافق

وكداب وبياكل حق الناس من المال العام اللي هو يعتبر اوقاف

وبينصب و....و....و....ومش من الحزب الوطني ياعم

خليه ود عم امام الجامع اللي في بلدكم

هتجوزه اختك او بنتك؟؟؟؟؟؟؟؟؟؟؟؟؟؟؟؟

اظن مستحيل ....لان انسان بالشكل ده مش هيون امين عليها

ولا هيعاملها معامله ترضي ربنا
................

ماشى يا ابوجمال انا معاك وعندك حق فى كده لكن كونى

ارفضهم فده راجع لسلوكهم السيىء لكن ان واحد يدعو

انه محدش يتجوز منهم دى لها معنى تانى خالص وخاصة

لما الكلام يخرج من شيخ يعنى الكلام ده هو بيقوله من

كتاب الله وبعدين هو معمم وده مش صحيح لأن مش كل

اعضاء الحزب الوطنى وحشين وكمان فيه اللى دخل

الحزب الوطنى اجبارى يبقى التعميم ما ينفعش وكمان

هو كده حمل الابناء خطأ الاباء وده مش صحيح

وليس من الدين فى شىء والله اعلم

يعنى نقفل رحمة ربنا عن خلق الله
مش يمكن تاب واناب وبقى احسن مننا
ربنا وحده اللى عالم بنوايا خلقه وهو مطلع عليهم
وباب التوبة وباب المغفرة مفتوح يا ابو جمال