اتمسكن كده واتمكن/محمد السيد سرور

تمسكن كده واتمكن اعمل نفسك كده عيان
استعطف قلب الشعب المصرى انسى انك انسان

انسى انك ظالم وان الشعب فى عهدك مات م الجوع
وانك دمرت شباب وقطعت رقاب ولا صوت مسموع
خليك نايم فى سريرك الغى ضميرك عيش مخدوع
فى حساب فى الدنيا راح هتشوفه وحساب م الديان

ليه تعمل مصر وسيه انت وشله من الحرافيش
ليه دست الشعب المصرى وجاع واتزل عشان العيش
وحكمت الشعب بجمره نار بأدين ظابط وشويش
والشرطه قصاد الثوره ضحت بيك وبقيت عريان

خليت كده مصر بخيرها وخيرات نيلها تصب اليك
وجمعت فى ميت مليار والشعب فى نار ومأمن ليك
واهو جالك يوم دعوه مظلوم ملايين دى بتدعى عليك
يكفيك الاعيبك انت وديبك دا الشعب الكسبان

حركاتك مش هتخيل على شعب سقيته المر سنين
من نفس الكاس راح تشرب انت وننى عنيك الاتنين
فيه حاكم عادل قادر يخسف بيك دا فى غمضه عين
لكن له حكمه تصبح عبره تعيش مذلول وجبان

اتمسكن كده واتمكن اعمل نفسك كده عيان
استعطف قلب الشعب المصرى انسى انك انسان

الزجال
محمد سرور

كلمات جميلة جدا ومعبرة

لقد عاش الشعب المصري حياة ذل واهانة

ونهب حقه واضطهد في ارضه الي ان

جاءت الثورة التي محت الظلم وجعلت كل مصري

يرفع رأسه عاليا ويطالب بحقوقه ونتمني ان يكتمل

الخير علي مصر باكتمال اهداف الثورة وان تتحد

الصفوف التي تشتتت وان تكون مصلحة مصر في المقام

الاول وان تختفي نبرة الانانية والطائفية التي ظهرت

في الفترة الاخيرة .

شكرا ابو جمال علي هذا الاختيار الموفق

وكل الشكر للشاعر/ محمد سرور علي هذه الكلمات الرائعة

اتمسكن واتمكن فعلا لغاااية ما الكيل طفح
ووصل الغليان الى عنق الزجاجة
شكرا ابو جمال على نقل قصيدة الزجال محمد سرور
وكل الشكر لشاعرنا على القصيدة

كلمات جميلة جدا وفعلا الانسان مش بيحس بالناس

غير لما يشعر انه نهايته اقتربت .ساعتها فقط يشعر

كم اخطأ فى حق نفسه وفى حق الاخرين . ومن

ظلم الناس اليوم يشعر بما فعله فقد ذاق الذل الذى

اذاق منه شعبه فسبحان المعز المذل . شكرا

ابوجمال على نقل الكلمات الرائعة للزجال الكبير

محمد السيد سرور .

كلمات قمة في الروعه والجمال
تسلم الايادي ويسلم قلمك الجميل استاذنا الغالي
والشكر موصول للمبدع عمنا ابو جمال
علي اثرائنا بمثل تلك الموضوعات الجميله

» كل الحجاج للزجال محمد سرور
» طلقنى ومنك لله \محمد سيد سرور
» مرحبا بالزجال الكبير \محمد سيد سرور
» ردا على مقال محمد خضر الشريف جريدة المصريون فى حق شيخنا الشيخ محمد محمد الطيب
» سرور مشوب بشكوك