بتوع الكلام

موضوع: بتوع الكلام الأحد نوفمبر 06, 2011 5:37 pm

شوية شوية ياأهل الكلام
وجعتم دماغ الخلايق حرام
فريق يمشي بحري
فريق يمشي قبلي
ولا القبلي قبلي
ولا البحري
خناقة أونطه كلام والسلام

يابخت اللي خد له علي الشاشة فرصة
يفنن لغيره فضيحة وجرسة
وهما حبايب ويتقابلوا خلسة
خناجر حناجر أشد الكلام
عشانك يابلدي بيحلي الخصام
عشان يبقي وطني وعالي المقام
خناقة أونطه كلام والسلام

جناب المحاور وست البنات
تقولوا تعيدوا كلام بالساعات
وميت ألف فاصل وكوم إعلانات
وحفنة فوارس قي كل الشاشات
وجوههم بتحسن جميع اللغات
لغة للي رايح لغة للي قاعد
ومسودة حاضرة عشان اللي ات
وهما المواطن
وهما الحكومة
وهما الخليفة لكل الفئات
وهما اللي خلو الموطن ينام

شعبان عاشور

قصيدة جميلة جدا

وحقا هذا هو قت الكلام فقط

الكل يقول كلام في كلام

ولا نري اي حلول منطقية واعية للمشاكل المطروحة

شكرا ام شروق علي هذا الاختيار الموفق

الشاعر كلامه مسترسل فعلا و معبر جداا
شكرا ايمن

» دستور يا بتوع الدستور
» نانسى وروبى وهيفا واليسا بتوع سيناء
» فوق ألسنة الكلام
» دم فى الكلام
» لغة الكلام كما رأيت على فمي