آخر مواسم الحصاد\حامد انور

ما كنتش دي هيه أساس الملحمة
اللي اتقتل فيها البريء
لكن عروج حلم الليالي المزمنة
فتّح عيون زمني العنيد
يلمح سكوت من فوق جريد نخل المداين
همهمات
يسمع صراخِك تصريحات
ملقاش طريق غير إني أبيع
"سروال"حيائي اللي اتنتش
ساعة مروري بالزمن
وامشي ف بلاد مابتعترف بالممكنات
حزنان يامين يديني إسمي اللي اتسرق
محتار يامين يديني معني لصوت رصاص
رقّْص معاه جلد البشر
ما كنتشى دي هيه أساس المشكلة
ولا حتي صوتك لما تاه مني انتهيت
لكن غريب لو تعرفي
تقل الدخول ف الأسئلة
بيشد طولي للعناد

أيام عبط ...
نسكنها تشربنا الدموع
نسكن ربوع خد الجدود
نقطاية لبداية الخلود
ونحِن للنهر الأمين
نغسل هموم يومنا نقوم
نبني اللي فاضل من سنين
فايته الزمن للعنكبوت
لكن ايدين الأخطبوط
كانت طوفان بيهزنا
ويلفنا بتوب المهانه ف بعضنا
كان العنب حلم الجميع
وبننتظر
آخر مواسم للحصاد
نمنا وما درينا
فوتنا روحنا
بين إيدين
متلجمة ...

كلمات جميلة جدا يا ام شروق وياريت نلحق اخر مواسم

الحصاد قبل ما نخسر كل ىشء ويروح مننا اللى زرعناه

سنين فى لحظات ضعف وايدىن متكتفة .شكرا على حُسن

الانتقاء للكلمات الجميلة

ياريت نلحق اخر مواسم الحصاد ان شاء الله
شكرا سعيد

» دويتوهات انور وجدى وفيروز
» أبو حامد: رصيدى فى البنوك 50 ألف جنيه
» إلا النبى \ سعيد حامد شحاته
» فيلم الإمام ابو حامد الغزالى
» عااايش\ سعيد حامد شحاته