من مربعات بن عروس

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى


طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق


فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي



سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه



شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب



يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة



جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية



كلام الغَرَابا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي



إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب

ولابد من يوم محتوم
تترد فيه المظالم
أبيض على كل مظلوم
أسوَد على كل ظالم



غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*

الورانا: جمع "ورن" – حيوان صحراوي يشبه التمساح




خشب المراكب من السنط
في البحر ياخد مهاجه
واجب ع الحر يلزم الصمت
لَمَا الهِلف ياخد مهاجه



أنا لم لقيت لي سعد ولابخت
ولا خِل صادق ..قناني
جيت عند بيت عزولي اتلبخت
عبوا لي الدوا في قناني


الليـل مـا هـو قصير
إلا على اللى يـنامـه
والشخـص مادام فقير
ما حد يسمـع كلامه


مسكين من يطبخ الفـاس
ويريد مـرق من حـديده
مسكين من يعاشر النـاس
ويـريـد من لا يـريـده



كل عيشك بملحك وفجلك
وعيش عيشة جدودك
واتمد على قد رجلك
بلا تزيد عن حدودك


لا أنام على الشوك عريان
واصبر على ما جرالى
واصبر عليك يا زمان
حتى ينعدل حالى


قلل كلامك وخليك
فى كل محفل موقر
وأحسن لمن كان يؤذيك
بالسوء فى كل محضر


اللى على الخير هنيه
وبشره بالغنيمة
واللى على الشر عزيه
بكره يلاقى الهزيمه


من يبغضك لم يحبك
ولو طعمتو الحلاوه
السن للسن ضاحك
والقلب كله عداوه


الندل له طعم مالح
وله خصايل ذميمه
القرب منه فضايح
والبعد عنه غنيمه


كيد النسا يشبـه الكى

من مكرهم عدت هارب
يتحزمـو بالحنـش حى
ويتعصبـو بالـعقـارب

خلخال خطر ع القدم

كل المحاسن فيه
والصايغ اسمه حسن
صانع جميع مافيه
جاني جواب من البلد
وسلام حبيبي فيه
مكتوب بحرف الألم
والدمع باين فيه
دخلت بستان حبيبي
أتفرج علي اللي فيه
لاقيت عريض الفلا
فارش ونايم فيه
ومبين الدق لاخضر
قلت له غطيه
قال لا انت ابن عمي
ولا ابن خالي
ولا شريكي فيه
سحبت سيف المحبه
لجل ما أرميه
رمش بعينه رماني
قبل انا ما أرميه



كلام الغَرَابا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي




غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*




اللي حبنا حبناه
وصار متاعنا متاعه
واللي كرهنا كرهناه
ويحرم علينا اجتماعه




يا بت جملك هبشني
والهبشة جت في العبايا
رمان صدرك دوشني
وخلى فطوري عشايا


أستار: ستائر
الورانا: جمع "ورل" – حيوان صحراوي يشبه التمساح
إضافة:
خشب المراكب من السنط
في البحر ياخد مهاجه
واجب ع الحر يلزم الصمت
لَمَا الهِلف ياخد مهاجه


الصديق".. ما يرقد الليل مغبون (المغبون هو المنسي)

ولا يقرب النار دافى

ولا يطعمك شهد مكنون (أو مستور)

إلا الصديق الوافي.

"الدنيا".. دنياك ما فيها مغنم

شبه الذي بات يحلم

طلع النهار ما لقي شي (شىء)

"الجاه".. لو كنت خايف من الله

ولا من القبر والهول (الفزع)

ما كنت تغتر بالجاه

والظلم والجوز والصول (أي الصولجان والنفوذ)

"كيد النسا".. كيد النسا يشبه الكي

من كيدهم عدت هارب

يتحزموا بالحنش (الثعبان) حي

ويتعصبوا (طي الشيء) بالعقارب

"الكي بالنار".. يا قلب لاكويك عاشق بالنار

وان كنت عاشق لازيدك

يا قلب حملتني العار

وتريد من لا يريدك

"الكلام".. قلل كلامك.. وخليك (اجعل من نفسك)

في كل محفل موقر

وأحسن لمن كان يؤذيك

بالسؤ في كل محضر (مجلس)

منقوووووووووووول

من يبغضك لم يحبك
ولو طعمتو الحلاوه
السن للسن ضاحك
والقلب كله عداوه


الله الله
مربعات فى منتهى الحكمة والجمال
وابو قلب اسود مش بيعرف يحب علشان تطبع خلاص على كراهية الغير
والشفاة مبتسمة والقلب كاره

شكرا ام شروق على المرور الجميل بالموضوع

وفعلا الكلمات فيها الكثير من المعانى التى تستحق

منا الوقوف معها واستيعابها