وجيه عزيز ..تسمعوا له

*لو موصوف لك وكلماتها
او موصوف لك تسكت جوّه الهيصة وعيش
لو موصوف لك ترجع
روح ويا ريت ماتجيش

لو موصوف لك تضحك اضحك على أحزانك
لو موصوف لك حب
واقف فى مكانك

لو تختار فى زمانك احسن ماتنقّيش

لو موصوف لك وصفة
اسأل ناس مش عارفة
واعرف لمّا تجاوب تسمع الف مافيش

لو موصوف لك تحلم
قضّى الليل بردان
واعمل نفسك ناسى .. ناسى انك انسان

لو موصوف ترتاح نادى
وقول يا جراح
مايغرّكشى براح ساكت مابيبكيش

*قول معاى وكلماتها
قول
معاى قول بجد
هى عيشة ولا موتة
ولا فوتة ف حارة سد؟
قول لحد.. أى حد
حد
رايح.. حد غايب.. حد جاى
حد لسا فينا فايق.. حد حى
قول ياعم.. قول
ياهم
قول لحد لسا فينا عنده دم
قول معاى صوتى لسا مانتهاش
ليه بنرخص ليه
بنرضى نبيع بلاش؟
قول يا عم.. قول يا هم
قول لحد لسا فينا عنده دم
هى عيشة
ولا موتة
ولا فوتة ف حارة سد؟

*زعلان شوية
*سلّم يا عاشق
*شجر
المشمش
*فساتين بناتنا
*كان نفسى
*لو تروح
*هيلا هيلا

بالليل تاخدنى عنيكى
واطل عليكى
واشوف ف الغربة ميت موال
موال على اللى
قال عن العاشق
يدوب فى العشق والترحال
رحال . وليل ونهار وجنة ونار
وقلبى
مصاحب الاسرار
على عتابك وفى غيابم اغنى لمين
ده انا من عشقى لعنيكى مزوق
الغنا ليكى
مروق عشقى بالمواويل

*فنان فقير وكلماتها
فنان فقير على
باب الله
والجيب مافيهشى ولا سحتوت
والعمر فايت بيقول اه
والقطر فايت
بيقول توت
صحيتنى ليه يا شاويش؟
ده انا كنت سارح فى الملكوت
لما بتام بحلم
وبعيش
لما بفوق مابفوقشى بموت
وتقول علىّ كبير السن..
وانا ف قلبى ولد
كتكوت؟
وتشوفنى ببكى وبنعى وائن
والدنيا لسا بنت بنوت
واشمعنى قلبى ضناه
الشيب؟
من الشقا مهرى ومنكوت
قال اللى قال العيب فى الجيب
والجيب مافيهشى
ولا سحتوت
صحيتنى ليه يا شاويش؟
ده انا كنت سارح فى الملكوت
والعمر فايت
بيقول اه
والقطر فايت بيقول توت...
على المحطة يا ولداه
حتى المحطة كمان
هتفوت
صحيتنى ليه يا شاويش؟
ده انا كنت سارح فى الملكوت

*المرايا
قلت ابص فى
المراية يمكن اكون احلويت
فضلت داير ابص ما خليتش ولا مراية فى البيت
فى
الحمام فى الأودة فى دولاب او متعلقع الحيط
شفت سكت شوية وبعدين اتخضيت
معقول
انا قضيت العمر ده كله زى ما رحت زى ماجيت
معقول انا عمرى ما فكرت ولا اتغيرت
ولا حبيت
وازاى ساكت على روحى ده كله وليه استنيت؟
ياريتنى ما كان عندى مراية
و يا=ريتنى ما بصيت

*يمكن اضحك
فرحنى يمكن افرح
يمكن اضحك
يمكن
اطلع م اللى انا فيه

فرحنى يمكن احلم
يمكن اغيّر
يمكن اقول اللى
مخبيه

ضحكنى يمكن اضحك
يمكن افرح
يمكن اطلع م اللى انا فيه


ضحكنى يمكن احلم
يمكن اغيّر
يمكن اقول اللى مخبيه

مش يمكن
لسا الدنيا جميلة بجد؟!
و لسا الناس ف الصيف والبرد؟!
و لسا الورد؟!
مش
جايز يطلع فىّ العيب مش فيه؟!

زغزغنى زغزغنى .... زغزغنى زغزغنى
زغزغنى
يمكن اصحى
و اقول بالبلدى و اقول بالفصحى

واياك ترجع تانى تسكت تانى تقول
لى مافيش

زغزغنى يمكن ينفع
ارجع اسمع
دقة قلبى تانى واعيش

شكرا زهره علي هذه المجموعه الجميله

للرائع وجيه عزيز

اسم جديد علي مسامعي تماما
.................

وجيه عزيز يعبر عن نبض المجتمع
والفنان الذى يحترم قضايا الناس ويعبر عنها
يستحق منا المتابعة

شكرا ابو جمال

انا كمان اول مرة اسمع له او اسمع عنه

بس اداؤه جميل جدا وانتقاؤه للكلمات اكثر

من رائع واجمل الفنانين من نجدهم مهتمين

بنبض الناس ومشكلاتهم .شكرا ام شروق

على المجهود الرائع وعلى تعريفنا بالأستاذ

الفنان وجيه عزيز

شكرا سعيد
ونتمنى وجود نمازج كثير مثل وجيه عزيز
يعبرون عن الفن بقيمة وجمال كلماته بدلا من الهيافات المنتشرة