الآذان عربى.... جميلة جدااا

أوبريت
ثورات الربيع العربي
من ديوان (ثورة ماتمت)

الآدَانْ .. عَرَبي

...

سَأل الخَليج فِ الشَّرق
مالكُم يا عَرَب ..؟
صَرَخ المُحيط فِ الغَرب

ليه حالكو اتخَرَب ..؟
بدأ الطوفان يصْحَي
على الصَّرخة
فَتَحوا
البيبانْ طاقة
راحت سارحة
فاقوا على القُدس العَتيق
إتْباعْ
شافوا
السّودان
قَسَموها للأتباعْ
حتَّى الصومال وناسها
صاروا
جيَاعْ
والظالمين جمعاً
فسادهُم شاعْ
***
بَعد الصلا عَ
النَّبي
ماهو أصلهُ وصَّانا
وصَّى الكبير والصَّبي
بكرامة
مِتْصَانة
إسمَع حِكاية بَشَر
مابقيتش ساكتة خَلاص
مِن بَعد قَهْر
إنتشر
ولا عادش في إخلاص

- الأوِّلة –
(تــونس)
طِلِعْ الزَّناتي
خليفة
مِن بين الحِطَام
عدّوه بَطل وشَهيد
ورأيهُ تَمَام
وسَأل سؤال
..!
مين اللي خلَّى الخَضْرة
يِبْسِتْ بالولادْ ..؟
مين اللي خلَّى
الحَاضْرة
لِبْسِتْ للسّواد ..؟
العَرش باطِل للهلالي ديابْ ..!
كُل
اللّي حَاصل
للتوانسَة عَذاب
والعَصر حَانْ
والوَقتْ وَقتْ حسَابْ

وهانِلعَنْ الظَّالمين
فِ كُل كتابْ
وهانمحي مملكة الكلابْ
وقد كان
..!

- التانية -
(مصــر)
"فِرعونْ" إله مِن غير نَاموس
مِش لاقي
"موسى"
و"هامانْ" بيسْرَق فِ الفلوس
وزارعها كوسَة
ويطُل "موسَى"
بالأمانْ
والقَهْر دايرْ
يفتحلُهُم كُل البيبانْ
ساعةِ يناير
يرمي
العَصَا ف قَلب الميدانْ
تيجي البَشَايرْ ..!
تِعبان عصايته بيفترس
كُل
الفلول
واللي ف حياته بيتْخِرِصْ
لازم يقول :
(الشَّعب يُريدْ إسقَاط
الآلامْ) .. (الشعب ..
ويوصلوا لخطْ النِّهاية
فِ الأمامْ ..
ويروح
نِظامْ ..!

- التالتة -
(ليبيــا)
الحالة جيمْ
والحُكم
سيريالي
وتاريخ عَظيم
بيكمِّله عيالي
ويظهر المُختار "عُمَر"
حامل
معاه شَمس وقَمَر
والضَي مِنهم
والدِّياب عاوية
”أجدابيا“ حَاضرة

بتحضُن ”الزَّاوية“
بالظُّلم كانت
"سِرت“ متحاطة
”أبيار“ و“طُبْرُقْ“

ويَّا ”مصراتة“
حَربِك طويلة
ويَّاجيش طليان
والحَرب أطوَل
ويِّا
حاكم خَان
الصّدق سَنَتهُ بيوم
والكِدب فِ الميديا
كُل الغلابة
تقوم
علشان عيون ليبيا

- الرابعة –
(اليمــن)
صَرَخِت
”سَبَأ“
فين الطّاغوتْ ..؟
فين اللي قال إن الحُقوق
لازم تِموتْ
..؟
كانت بداية فِ ”حضرموت“
بإيدين ”سَبَأ“
عايزين نهاية للطاغوت

اللي اختبأ
وبضربة الحَقْ ف ”عَدَن“
قامِت معاه كُل المُدُن
رَسَمِتْ
نهايتهُ
واتحَرَقْ

- الخامسة –
(سوريــا)
و“يَزيد“ غَضَنْفَر

وارِث الكُرسي ..!
وأبوه ”أسد“
وشُهرتهُ ”معاوية“ ..!
والحَق
ميِّتْ
والنفوسْ خَاوية
قال ”الحُسين“ ..
والكلمة مَفهومَة ..!
الأمر
شورى
شعب وحكومة ..!
والوارثين عّرْش البِلاد
بَاطِل
و“دمِشْق“
قَايمة
وهوَّ بيماطِل
والدَّم في مجرى الفُرات
سَايل
و“يَزيد“ في
جورهُ
بَرضو مِش سَائل
ياسوريا يا زَهْرِة أمَل
في أرض بور
راح تبقى
إنتي
لمَّا هوَ يغورْ
***
خِلِص الكَلام
والخَاتمة
عَرَبيَّة
والشَّعب قَام
بَس الوِحْدة مَنسيَّة ..!
رجَّعوا شَكل الخَريطة

زي زَمَانْ ..!
علّموا شعوب البَسيطة
الإمتنانْ
للأرض والتاريخ
..
ولدم كُل شَهيدْ
واستنوا بُكرة
راح ييجي فَجر جديدْ
فيه الأدان
عَرَبي ..!
واصِل لكُل مَكَان
يجمع شَتَات عربي ..!

كلمات جميلة جدا ووصف رائع لربيع الثورات العربية

التى بدأت من تونس وامتدت لمصر وليبيا واليمن وسوريا

وكانت كصوت واحد ضد البطش والظلم .شكرا ام شروق

على الاوبريت الجميل

الاوبريت فعلا رائع بكلماته وتعبيراته الجميلة
شكرا سعيد

***
خِلِص الكَلام
والخَاتمة
عَرَبيَّة
والشَّعب قَام
بَس الوِحْدة مَنسيَّة ..!
رجَّعوا شَكل الخَريطة

زي زَمَانْ ..!
علّموا شعوب البَسيطة
الإمتنانْ
للأرض والتاريخ
..
ولدم كُل شَهيدْ
واستنوا بُكرة
راح ييجي فَجر جديدْ
فيه الأدان
عَرَبي ..!
واصِل لكُل مَكَان
يجمع شَتَات عربي ..!

.........................

نعم ..........خلص الكلام بالفعل بهذه الخاتمه الجميله

وما سبقها من وصف رائع لحال الامه التي انتفض اوسطها

ولازالت اطرافها شرقا وغربا وجنوبا في حالة ثبات

شكرا زهره علي هذا الاختيار الموفق
...........

ان شاء الله يخلص الكلام على خير يا ابو جمال
وتكون نهاية مرضية وفيها سلام وآمان