وسواس بقلم نهى البلك

وســواس ..

بيوسوس ليّـا ف كل نهـار

والليـل سـتــّـار!

وف يوم الحق

يا ليك الجـنـة

يا ليك الـنـار !

طـب فين ح تروح ؟!

ومافيش غير همـّا طريق مسـموح

والدنيــا ما بـيـن

نفـس الصنفـيـن

ماهو فيـها من الاتنيـن مقـدار! ..



والشـمـس مـدار ..

والشمـس حـريـق !

وبـتـبـعت نـور دافـى ورقـيـق !

لـو مـنهـا قـريـب

تـغـرق فى لـهـيـب

لـو تبـعد

مـش راح تـلـقـى طـريـق !



واللـيـل قـَمـَرة

بعـيون سـمـرة

سـاكـنـُه عـفـريـت جـنِّى خـنـَّاس !

وآه م الـوســواس !!



مـش قـادر حـتى أبـص ورايـا ..

مـش عـايـز اشـوف ! ..

مـش خـايـف أنـا

مـيـِّت م الـخــوف !!

شـايـف جـامـع

لـكـن ســامـع

مـن ورا ودنى أصـوات بـتـزيـد

أصــوات صــرخـات شـبـه الـزغـاريـد !

على دقّ طـبـول

على صــوت أهـبــل غـلـبــان مـخــبـــول

عـمــّال بيـقـول فى كـلام فـاضـى

عن بـكرة .. وضـحـكة.. وطـفـل .. وورد

وخـاتـم مـاس !!

نهى البلك

لا بجد بجد دا طلع فعلا وسواس
اعوذ بالله من الوسواس الخناس
كلمات معبره جدا يا جناب السفير
نشكر لك حسن اختيارك

شكرا ابوحسام على المرور الجميل بالموضوع

كلمات رائعة للاستاذة نهى البلك الكاتبة والشاعرة

الجميلة والتى تجيد انتقاء موضوعاتها وكلماتها

وسواس بس بيوسوس بحاجات حلوه

.....................

عن بـكرة .. وضـحـكة.. وطـفـل .. وورد

وخـاتـم مـاس !!
.......................

قيه ايه احلي من كده تاني؟؟

شكرا سعيد
............

مفيش احلى من كده طبعا بس المشكلة انى دى احلام

صعبة التنفيذ فى العالم الذى نعيشه . شكرا ابوجمال

على تشريفك للموضوع