خلـــــــط الورق يتعبك في كل ميدان

يامن تقول انك من الـــــوقت زعلان
الــــــــــــوقت في حاله نهاره وليله

أزعجـــتني طفشان طفشان طفشان
الـــــــوقت ياخــي عابرٍ في سبيله

وش دخل وقتك كانك الأمس سهران
ياخــــــــــوي نم والوقت ربي وكيله

لــــوا ذراعك قـــــال اطفش من الآن
ضــــربك ،قال اسهـــــرليالي طويله

العيب ماهو في الزمن قلب الأنسان
فيه البــــلا والحقـــــــــد فيه الرذيله

نرمي على المسكين بالهم وأحزان
حتى لو الـــــــــــواحد مفارق خليله

قال الزمن فــــــــرق حبايب وخلان
وتعـــــال شف كّم الشكاوى الثقيله

لاتظلمـــــــون الوقت من دون برهان
والعيب فينا كيــــــف نقــــــدر نزيله

كـــــذب وريا ونفاق تزوير وأحيان
ربي يعـــــافينا نســــــــوي الوهيله

منهو يجازي اليوم إحســان بحسان
ينــــــدر تـــلاقي بــس ثلــــــة قليله

والله لــــــــوما الناس ماصغت ديوان
غصباً على خشمي ضــوتني الحليله

وآخـــــر نقول الوقت والوقت ميزان
تبغى تلاقـــــي الـــخير ازرع فضيله

تحصد ثمرهـــــا انت او ربع وأخوان
خلك جميل تشـــــــــــوف دنيا جميله

لا تنكـــــر المعــــروف للناس نكران

مــــــن يجحد المعـــــروف نفسه ذليله

خــــــل الوفاء والصدق لك دوم عنوان
والغايه اعرفــــــــــها خلاف الوسيله

خلـــــــط الورق يتعبك في كل ميدان
الكـــــــــــــذب والتزوير لا تنتمي له

تلقى البشر ضــــــدك بلا ذنب عدوان
مــــــــــافيه شك الكذب تصبح قتيله

استر عيوب الناس لا تفضح إنســان

كلك عيـــــوب اعلــــــم وتصبح بديله

إذا عملت الشــــــــــــــر باليد ولسان
لاتنعت الدنيا وهـــــــــــذى الحصيله

مما اعجبني
منقوووول

كلمات جميلة جدا يا ابوحسام والانسان التائه

هو من يخلط الاوراق حتى انه لا يدرى اين

الحق واين الباطل فهو كالاعمى بين اوراقه

شكرا على الانتقاء الجميل

نعم يا سعيد بيك
صدقت فيما قلت
شكرا لك علي الحضور المتميز واسعدني جدا تشريفك وتعليقك المخضرم