دنيا الفناء ..... دار للبلاء

دنيا الفناء ..... دار للبلاء

هم ثقيل ... جسم نحيل ... وكلام كتير

ملهوش مثيل ... ولا بديل

دموع تسيل ... وخدود تشيل ... بحر الدموع

من غير رجوع ... من غير خضوع ... ولا أنين
......................................
أحلام كتير ... ملهاش مثيل

أحلام ضباب ... فوق الهضاب

تصبح تراب ... تمسى سراب

من غير دليل ؟!!!

حياة عذاب ... دنيا سراب ... عيشة هباب

ملهاش بديل
...................................
يا رب عفوك ............... آه سبيلى

يا رب سترك................ ده دليلى

يا رب شكرك ...............آه يا ويلى

من نظرتك يوم الحساب

من عتبتك على يوم عذاب

لا صبرت أنا ولا قلت طاب

لكن انثيت وقلت عاب

وهى دى دنيا السراب

يا رب عفوك ................ ده طريقى

يا رب سترك ................. ده رفيقى

ويا رب شكرك .................. آه يا عينى

على رآفتك ورحمتك

بعبد مات فى محبتك

ونقمتك وبطشتك

على عبد ناكر نعمتك

يعيش حزين ..... ويموت مهين

ذليل ضنين ...... آه يا رحمتك

تجمع قلوب عاشقة الخضوع ....... لحكمتك

كارهه النزوع عن رحمتك

عاشقة المثول لحضرتك
...............................................
يا مسلمين ... يا مؤمنين ... يا موحدين

عيشوا الحياه ....... كدار بلاه

أرضوا بها من غير لآه

وليه يا ربى ....... ولا ليه ولا

فقط أصبروا على يوم حزين

يبدله ربك حنين

فى يوم ما ينفع فيه آنين

ما هو يوم لقا مع الجليل

وسعتها هتلاقى الدليل

على صدق قولى يا عليل

صدقنى ملهاش العويل
.................................................. .....
عشها كده ......... كُلهَا برضا

من غير ذهول ......... ما هو ده أصل القبول

فى يوم لا ينفع فيه عدول

عن آثم وأى قول
.................................................. .
هى كده عشها برضا

من غير زعيق ........ ولا حتى صيت

وقول رضيت .... وقول رجيت

عفوك وصفحك ده يا ريت


منقوووووووووووول

هى كده عشها برضا

من غير زعيق ........ ولا حتى صيت

وقول رضيت .... وقول رجيت

عفوك وصفحك ده يا ريت

قصيدة جميلة جدا ربنا يرزقنا القناعة والرضا

شكرا سعيد

شكرا ايمن على المرور الجميل بالموضوع

ولو ادركنا حقيقة الحياة لما احتجنا لان نكذب

او نقتل اونسرق من اجلها فهى دنيا البلاء