يا صبر ايوب

صبر أيوب

فين آخر الصبر ياشيخ أيوب

و لأمتى الحر يبات مغلوب

الجو ضباب

الوقت غروب

الديب ع الباب

الباب موروب

الحرب الحرب الحرب

و لا غير الحرب سبيل

و الضرب الضرب الضرب

على ناصية كل ذيل

النار و العار

لعدو الدار

و الموت للخاينين و الغدار



كان جدي كبير السن وكان

بيقوللي كلام

زي القرآن

الحق عجوز و قديم و يغر

لكن ما مايموتش و له طلاب



و التار قنطار

فوق كتف الحر

و الصبر ف وقت البلوة عذاب

و العزم صديق ف الوقت المر

و لا غير العزم

تلاقي صحاب

و الأرض براح

و ان داسها الذل

تضيق بالناس

و الخضرة تموت

و يعربد فيها البوم أجناس



و لا تبقى حياة

و لا يبقى نظام

و لا خطوة تسير بالناس

قدام

و لا تعرف بكرة

حيجي بأيه

و لا تفهم معنى لأي كلام



و نلف نلف

و برضه نقول

الحرب سجال

داير على طول

و السكة أمل

و النية عمل

و الجهد حياة

و الراحة شلل



يا زنود الناس الشغالة

ملعونة الراحة

ف خط النار

النصر عروسة يارجالة

لكن ممهورة

بالاصرار

التار يا عروبتنا

التار

التار فوق رقبتنا

قنطار

و خلاص الشعب الحر اختار

الحرب

الحرب

الحرب

و ليحيا كفاح الشعب

1968

منقووووووووووووووووووول

جميله خالص خالص
ونرجع ونقول يا صبر ايوب
تسلم الايادي علي الانتقاء الجميل يا سعيد

لما تضيق بك الدنيا وتزهد فى كل ما فيها تذكر سيدنا

ايوب وقل يا صبر ايوب . شكرا ابوحسام وياصبر ايوب