حالة ولادة

موضوع: حالة ولادة السبت يناير 07, 2012 10:47 am

الحَمْـل فين يابلد
زمن الولاده فات
لايكون جنينك سقط من زحمة
الهتافات
دانا شايف اللفــّه والخلق فى الزّفه
راح يكسروا الدّفه لو قلتى
انه مات
,,,,,,
وحيات مرار السنين فى القلب لمّا
بات
خلاه بطبعه خزين عايش سمع وسكات
ع الظلم يامه صبر مستنىّ
طلعة قمر
تتأكدى م الخبر يمكن يكون اشاعات
,,,,,,,
ملــّينا م الانتظار وصْبـُرْنا
بزياده
مستنـّيـين العمار يابلدنا كالعاده
لاتكونى شيلتى الرّحم خايفه
البلد تنزحم
من بعد طول الوَحَمْ جَرى ايه
ياولاّده
,,,,,,,,
ماتقولى ايه العمل عايزين نشوف
النور
لو فيه عزيمه وأمل ايه لازمة الدكتور
وارميها ع العيله وارتاحى م
الشيله
قادر فى كام ليلة يكشفلك المستور
,,,,,,,
اليأس مش طبعنا والصّبر مدّ
ايديه
والظلم عقده انتهى وداير يجدّد فيه
دا هوانا ماله حدود و
الانتماء موجود
تستخصرى المولود وانتى اللى قادره
عليه؟
,,,,,,,,,
زمان حاربنا الفساد ماهوُ كان غريب
ودخيل
ورفعنا راية البلاد فوق الهرم والنيل
لمّا الزمام اختل والابن صار
محتل
هلّ الطوفان ع الكل ماتشوفى حل بديل
,,,,,,,,,
الحل مش بالكلام ولا باللىّ قال
قوله
من يوم ماسيـبتى اللجام وانتى اللىّ
مسئوله
والحِمْـل مهما زاد راح ترفعيه بمخاض
وبفرحتك بالواد حاتفزّى
معدوله
,,,,,,,

__________________
سعد الشرقاوى

موضوع: رد: حالة ولادة السبت يناير 07, 2012 10:50 am

الله الله الله

ايه الجمال ده كله يا شرقاوي

ان شاء الله هتفز معدوله باذن الله

شكرا زهره
............

موضوع: رد: حالة ولادة السبت يناير 07, 2012 10:54 am

,,,,,,,
اليأس مش طبعنا والصّبر مدّ
ايديه
والظلم عقده انتهى وداير يجدّد فيه
دا هوانا ماله حدود و
الانتماء موجود
تستخصرى المولود وانتى اللى قادره
عليه؟

كلام جميل جدا ويعبر عن شيئ وامنيه لكل فرد
في البلد وكل يغني علي ليلاه ومن يفهم هذا النتاج من الكلمات
يتمني الولاده الصحيه والسريعه
شكرا ام شروق

موضوع: رد: حالة ولادة السبت يناير 07, 2012 12:18 pm

كلمات جميلة جدا ورائع وانتقاء متميز

شكرا ام شروق

موضوع: رد: حالة ولادة السبت يناير 07, 2012 4:51 pm

الكلام كلام موزون جداا بالفعل
ويعبر عن حال قائم هى امتى بقى تولد وتخلص
طال المخاض ومش عايزينها تولد قيصرى ولا جنينها يموت
عايزين ولد كالبدر يشفى صدور الكل
وندعى ونقول يارب