ح ييجى اليوم

موضوع: ح ييجى اليوم الجمعة يناير 13, 2012 10:59 am

سعدالشرقاوى
ماكـنتى بتحْبلى راحه
وكـنتى بتولدى بالجوز
وألاقى اللقمه مرتاحه
أكلها لمّا كنت باعوز
وتوصل خٍلفتك مٍيّه
وأشوفك لسّه بكريّه
دلالك يحلى فى عنيّه
ينسّينى انىّ كنت عجوز
,,,,,
طعام الدنيا من زادك
وبالك ع الدوام رايق
وعينى تبصْ فى ولادك
ماتلمح حدْ متـْضايق
أعبىّ القـُله من نيلك
وأنا فرحان باغنيلك
ويحلالى سهر ليلك
وأنا لابس ومتعايق
,,,,,
ونـتـْـقوّت بعيش قافر
وضحكتنا اللىّ كات صافيه
لا دمع الفرْح بيعافر
ولا يـبوس الرموش عافيه
وانا كاتب ومش ناسى
سنين الخير فى كرّاسى
وصورة كلمتى وفاسى
و شقوق رجلى اللى كات حافية
,,,,,
مافكرتش فى يوم ابدا
أشوفك مرّه بتـْطاطى
وتحنى الراس لعـٌزّالك
عشان ترضى عن الواطى
راهٍنـْت عليكى أيّامى
وسرحْت كتير فى أحلامى
ماشوفتش يامّه قدّامى
باعونى أهلى وخْواتى
,,,,,
وقولت أصبر حاييجى اليوم
وألاقى الطفل بيسمىّ
على صرخه فى عزّ النوم
تقول لٍك اصحى يا أمىّ
وبأتعكـٍّز على الأسباب
ألاقى الصوت طلع ندّاب
أتارى الحَمْل كان كدّاب
وناقل عدْوى من دمىّ
,,,,,
حا اشيل اللفــٍّه للزفــٍّه
وشمع الفرْح والحنــٍّه
واخلىٍّ البرْد يتدفــٍّه
على نار الغرام بينــّا
وافك السحْر والاشرار
وابخــّرلك حيطان الدّار
لمولود ييجى م الأبرار
معاه الحل م الجنـّة

__________________

كلمات جميلة جدا وانتقاء متميز يا ام شروق

كل الشكر على الانتقاء الجميل وكل الشكر للشاعر

المبدع صاحب هذه الكلمات الرائعة

شكرا سعيد
وان شاء الله هييجى اليوم
وتولد مزيد من الاحرار

ياااااااااارب ياجي اليوم
شكرا زهرتنا الغاليه

» حاسبى صباعك يا اختى ييجى فى عينى
» اللى عايز نفسه تنسد عن البيض ييجى هنا
» لا بفرح باللى ييجى ولا بندم على اللى راح \ مكرم المنياوى
» لعيون السها ... بس الولا ييجى وغيرها من الاغانى الفلاحى زماااااان
» فرصة ذهبية اللى عنده عروسه فوق الخمسين سنه ييجى هنا فورا