زهرة الوديان

زهرة الوديان
الليل خلاص انطوى
والفجر هل وبان
ومعاكى يحلى اللؤى
يا أجمل الاوطان
وجوه حضنك الدافى
لسه انا بردان
يسكرنى عطر الامل
وياخدنى الزمان لزمان
واصحى على نبض الالم
وصورة السجان
واسمع صدى صوتى
واكلم الجدران
واخاف من شبح موتى
ورا القطبان
واخاف شموعك تنطفى
ويخاصمك الشريان
والشمس عنك تختفى
وتعلن العصيان
واناللى بيكى بأفتخر
يا زهرة الوديان
على وريدى لفى السواقى
واسقى زرعك الدبلان
وانسجى من ضلوعى علم
بأجمل الالوان
ومن عروقى شدى وتر
واعزفى الالحان
بكره يقول الزمن
ويحكى للاجيال
ازاى الليل انطوى
بثورة الابطال

الشاعر\حماده على

كلمات جميلة جدا لشاعر نعرفه لاول مرة

شكرا ام شروق على الانتقاء الجميل

شكرا سعيد
جزاك الله خيرا