يا بهية كفاية عكوسات

يابهيه كفايه عكوسات
ولا انت ملبوسه
نسمع هنا اشاعات
والصوره معكوسه
محشيه بالحكايات
والقرع والكوسه
عكسوها بالمرايات
والواضحه محذوفه
كل منصرف جن
بيرجع لنا مارد
ف الودن عمال يزن
ماسك دماغنا ولابد
دجال يقول مصروف
اشتاتا ياهووو اشتوت
والقلب فيه مظروف
ماشيفش غير الموت
ودوس علي الزناد
والطلقه مخروسه
ثوار علي اوغاد
والخلطه مهروسه
طلاق ..ليعمل زار
ويجيب (الخاله) نوسه
ونكتر الزوار
ونفقر يا محروسه
وللا يجيب لك شيخ
يقرأ عليكي ياحلوه
نسمع صوات وصريخ
ملبوسه ميت بلوه
طول ماغراب البين
عفريت بيتسله
بيشد من الطرفين
خلاها تتلوه
حلف طلاق ويمين
من عصرنا البائد
فوضي شمال ويمين
و اومكو لاني عائد
* مدد يا إعلامنا
والبركه في الاخبار
احمد ضرب حنا
عاوزبلدنا دمار
ونكتر في تفقيرنا
خلطه من الاتنين
ثائر وبيساند
وجنبه بينه وبين
بلطجي وبيزايد
يا دايخه وبتلفي
مكفكيش عفاريت
كفاكي ماتطفي
وصب نارع زيت
ماتقومي وتففي
م الهم والكوابيس
واستغفري هتخفي
من اللعين ابليس
يامصر ياانهار
يامن ياسلوي
يارب ياجبار
اكفينا من البلوي
يااملي طفي النار
واللي بيتسلي
واللي عاوزها دمار
في نارها يتقلي
ويموت بإيد احرار
ونورك بيتجلي

منقووول

ربنا يكفينا شر البلاوى ويصلح حال مصر والامة العربية

كاملة ان شاء الله .شكرا ام شروق على الموضوع القيم

شكرا سعيد
ربنا يتولانا برحمته وعطفه