وجع القلوب

وجــــع القلوب





اول كلامي هبديه بالصلاة عالنبى


بعد بسم الله


هــرجع للحكايه من الاول


واسمع كلامي وخليك وياه


جــــوايا عذاب وحيره


وتعباني قولة ...أه


اعز الناس بيروح منــى


والفكر سارح وقلبي معاه


قدام عيني بيتألم


ويصرخ ليلاتي بقولة اه


ودموع العين ساريه فى خدى


وكأن ياناس مش لاقي امل في دواه


صرفت مالي ... وما في جيبي


وياريت يجيب الشفا وياه


سمعني طبيبي.... وزعل


وبكلمتين جبر خاطري


وبصوت حزين علي حزني


طبطب بأيده علي كتفي


وقال يا بنى ادعى المولى بالشفا


اكيد هتلقاه


يكلمني وانا دموعي نازله من عينى


ياريت تحكيلي يا طبيبي


وتقولي علي الغالي وايه في حشاه


وتريح الفكر اللي كاويني


وترحم صدري من نار جواه


هاود طبيبي وعاود للكشف من تاني


جاب الجهاز والرسم عاده من تاني


طبيب صغير كان جنبه


يقول له هتعيد الكشف ليه من تاني


ماهي حاله وخلاص خلصت


تتعبنا ليه معاه تاني


الشيب مغطي خلاص راسه


عاوزين ايه ؟؟ يعود له الشباب تاني


وبكل بساطه واستخفاف


وقلبه للحس والشعور عمره ما شاف


راح علي الغالي ويقوله


ويحكيله علي الوجع كله


راحت الرحمه من قلبه


ونسي رب منه نخاف


صرخ طبيبي في زميله


ويقوله هات ابنه من بره ياخي واحكيله


انت قلبك .... ايــــــــه


حجر صوان .. علي الوجع بتحكيله


فين القسم اللي اقسمته في يمينك


اللي بتقوله دا عار علي الطب ويدينك


الطب رحمه فى الاساس


مش منظره وسماعه في يمينك


كلامهم مرار وانا حشايا داب


قاعد حيران وقلبي كله عذاب


دعيت لرب الكون في سماه


يسمع دعايا ويرحمني من قولة اه


سمع بكايا الغالي وشاف دمعي


حيران .......في عيوني


وبداريه وبضحك وانا ويـــــــاه


لمحت ف عينه نظره حزينه


بتقولي يابني يانور عيني


خلاص كدا خلصت


وفوضت امري انا لله


انفجرت دموعي وخلاص سالت


مش حاكم علي نفسي


ولقيتها خلاص مالت


اترميت مابين احضانه وف ثانيه


ابوس انا ف ايده واقوله


تعيش وحسك ف الدنيا


وبأيدي بمسح له جبينه


وعيوني ثابته علي عينه


دموعي حايره في جفوني


ودموعه نازله من عينه


ونازل ابوس انا فى ايده


وادعي بالايمان الله يزيده


سكت... وقالي خلاص


كل شيئ بمواعيده


ولقيته يحلفلي كدا بالله


قلبه سليم


ومفيش حاجه خلاص وجعاه


يقول يابني انا مؤمن


ياضناي انا راضي بقضاء الله


اصرخ انا والدمعه تغلبني


وموجوع القلب من قولة اه


وفكري يسرح ...هتحرم من قولة ولدي


وضناي وكمان ....ابني ؟


واتمنيت يكون دا حلم


افوق انا منه خلاص وانساه


وفي لحظه العيون ثبتت


وقلت اهو نام الحمد لله


جاني طبيبي وشاف نبضه


وقالي خلاص البقاء لله


صرخت بعزم صوتي


هزيت العالم بقولة ....اه


وكأن ضهري انقسم


وقلبي مقسوم وطالعه منه الاه


واتمنيت اكون انا ... وياه


يرفعني طبيبي وبيبكي


ويقولى ياولدي الدوام لله


اعقل ياولدي خليك كدا مؤمن


لامفر خلاص من قضاء الله

عرفت انا دلوقتي ان الحكايه


خلاص خلصت وما دايم غير الله

ابو حســام

تسلم يا ابو حسام والله جميل جدا
هكذا حال الدنيا والمؤمن يصبر ويحتسب
دع الأيام تفعل ما تشاء ..... وطب نفسا إذا حكم القضاء
ولا تجزع لحادثة الليالي ..... فما لحوادث الدنيا بقاء
بارك الله فيك ابو حسام

الاجمل هو مرورك الطيب وتعليقك القيم
استاذي الغالي محمد حسين
ما هي الا خواطر فقط يا صديقي
تخرج في صورة منسقه بعض الشيئ ليس الا
تقبل وافر التحيه وانا اوافقك الرأي
ولا يختلف معنا احد في انها دار الفناء
شكرا مرة اخري اخي الحبيب علي التشريف للموضوع

وجع القلوب

العنوان نفسه يعبر عن مكمون المقصود والكلمات جميلة جدا

واعجبنى جدا المقارنة بين نوعين من الاطباء .النوع الاول الذى

يخبر المريض بمرضه دون رحمة والنوع التانى هو الذى يخبر

اقارب المريض ولا يخبره بحقيقة مرضه خاصة عندما يكون

الامل مفقود فى العلاج وكلا النوعين موجود وله وجهة نظره

ولكن الرحمة جميلة . اما عن مرض شخص عزيز وعلمك

بأقتراب دنو اجله فهو امر صعب جدا على اى انسان ولكن

هو قضاء الله الذى لا مفر منه ويجب ان نتقبله مهما كان

فالمولى يسترد وديعته متى يشاء وما علينا الا الصبر والاحتساب

والموت راحة لكل ذو طاعة . شكرا ابوحسام على الحبكة الدرامية

الجميلة لموقف قد يتكرر فى حياتنا كثيرا .

سعيدالعارف الضبع كتب:

وجع القلوب

العنوان نفسه يعبر عن مكمون المقصود والكلمات جميلة جدا

واعجبنى جدا المقارنة بين نوعين من الاطباء .النوع الاول الذى

يخبر المريض بمرضه دون رحمة والنوع التانى هو الذى يخبر

اقارب المريض ولا يخبره بحقيقة مرضه خاصة عندما يكون

الامل مفقود فى العلاج وكلا النوعين موجود وله وجهة نظره

ولكن الرحمة جميلة . اما عن مرض شخص عزيز وعلمك

بأقتراب دنو اجله فهو امر صعب جدا على اى انسان ولكن

هو قضاء الله الذى لا مفر منه ويجب ان نتقبله مهما كان

فالمولى يسترد وديعته متى يشاء وما علينا الا الصبر والاحتساب

والموت راحة لكل ذو طاعة . شكرا ابوحسام على الحبكة الدرامية

الجميلة لموقف قد يتكرر فى حياتنا كثيرا .

ماذا تنتظر مني ان اعلق به بعد هذا التحليل الرائع والمنطقي جدا
تتميز يارشيق باسلوبك المهذب الجميل الذي هو السهل الممتنع بجد
لك طريقه متميزة جدا في التحليل الرائع
لقد اصبت بكل حرف كتبه قلمك كل كلمه كتبتها
فهي مجرد خاطره لاحت بمخيلتي وخرجت بهذا الشكل ليس الا كما سبق وان ذكرت
لكن هو تحليلها الرائع الذي تفضلت به
يا معالي السفير الرائع
تقبل وافر التحيه واديني بتعلم واجرب فيكم هههه هجيب ناس من بره تتحملني يعني ولا ايه
لازم اجرب فيكم انتم اهلي وعشيرتي واخواتي
بارك الله فيك ياسعيد بيك وشاكر تشجيعك المستمر اخي الحبيب

هكذا هي الدنيا

وهذا هو الامل في الفانيه

كم منا تمني لو ان عزيزا لازال موجودا علي قيد الحياة

كم مني يتمني ان لا يفارقه احد من اعزائه

ولكن دوام الحال من المحال طبعا

احزنت قلوبنا يا ابو حسام بهذا التوصيف

الدقيق لفراق الاعزاء

دمت ودام قلمك
............

اعتذر والله ما كنت اقصد ان احزن قلوبكم
انما خاطره وتخيل لموقف يحدث بصفه شبهه يوميا
فاردت ان اعبر عنها بطريقتي وما راودني
من فكر تجاه هذا الامر فقط
اعترف ان دوام الحال من المحال
واردت ان افرق بين طبيب قلبه مليئ بالرحمه
وصنف اخر لايعرف للرحمه طريق
لاني لمست الموضوع دا كتير جدا
يكون مريض معاك وتلاقي طبيب الي هو ملاك للرحمه
بكل استخفاف يتعامل مع الحاله اللي قدامه
وكأنها جماد وليس بشر
اسعدني تشريفك وتعليقك يا عمنا الغالي
واقبل اعتذاري مرة اخري والله

جمال المواضيع من ما تحدثه من تأثيرات علي النفس

يا بوحسام

والا ...بتكون زي الماء البارد

اعتذار ايه بس....امال انت عاوزها تمر كده ؟

يبقي كأنك معملتش حاجه خالص

كم تدمع الاعين من مشهد تمثيلي ..او من بيت شعر

او من سطور في قصة ما........هذا هو سر النجاح
.............

نعم صدقت فيما قلت
لكن اعتذاري كان علي اني حسيت او شعرت
انك اتضايقت منها وخاصه بكلمه احزنت قلوبنا
هو دا سبب اعتذاري محبش اكون سبب ابدا في زعل او نكد بحب اكون زي النسمه كدا ههههههههههه
تمر مرور الكرام وعليهم ترمي السلام

لا ولا يهمك

انت النسمه والهوا

وانت بابا وماما كمان اههههههههههههه

......................

لالالالا لو فيها بابا وماما يبقي بلاش
لاني كدا هيبقي فيها التزامات كتيره ومصاريف كمان
وصاحب بالين كداب
شكرا عمي الحبيب ربنا ما يحرمكم مني يارب ههههههه

لطب رحمه فى الاساس


مش منظره وسماعه في يمينك]]

..وكم فيها من وقفات رائعة
اللهم ارحم أمة سيدنا محمد صلى الله عليه وآله وسلم

عليه افضل الصلاة واتم التسليم
نعم البعض منهم يعتقد ان لفب الطبيب مجرد منظر فقط ولايعي معناها وما تحويه من شموليه
تحياتي شيخنا الجليل فراج يعقوب
اسعدني جدا تشريفك ومرورك الطيب

اولا العنوان
وجع القلوب
وجع القلوب لا يضاهيه وجع فى الامه واثره على الفرد
لأنه الم داخلى يعتصر المواجيد
ولشد احساسنا بفقد من نحب ونتمنى ان نموت ونفنى ولا نرى مصابا يحيط بـأحبابنا
الامتنا يا عبقر وفى الاخر يقولوا زهره هى اللى بتنكد علينا
بس بجد زجلية جميلة جداا ومنظومه بشكل صااااادق مائة بالمائة
بارك الله فيك

زهرة بنت الناس الطيبين
اولا اعتذر للتأخير حتي الان
ثانيا اشرقت الانوار بتشريفك
للموضوع البسيط من اخوكي
وبعدين لو انا بنكد اكيد اتعلمت من اختي الكبيره
هي الاساس استاذه في النكد والتراجيديا كمان
ربنا يبارك لنا فيكي يا ام شروق