لما اعترض على اللي ما يعجبنيش

لما اعترض على اللي ما يعجبنيش
تسعد كافي بحمل مسئوليتي
و أحس إني بعيش
و أنا بعترض
***
أنا بعترض على الباطل المطلوق سراحه
و الحق متكتف بجنزير حديد
و باعترض على قلة البركه
في كل ايد
و بعترض على قسمة المخاليق
حراس و سادة و عبيد
***
أنا بعترض ع الهوا
لما يكون مقصور على الشرفات
و باعترض على الميه
اللي مترضاش تمشي ف العالي
و باعترض على الشمس
لما توزع ضؤها من غير عدل
و تطل على القصر
و تهمل الأكواخ
***
أنا بعترض على ندوة المحاسيب
لما يكون الرأي خدام مصالح
و باعترض على خمسميت ألف طالح
بيعربدوا و يخربوا ف البنا
و أعترض على الغنا
لما يكون إعلان ف الانتخابات
***
أنا بعترض ع الزحام
الماشي من غير كلام
غرقان في بحر السكات
***
و باعترض على ندرة الأصوات
رغم الزيادة كل يوم ف العدد
أنا بعترض ع الألم
اللي انكتم ف الضمير
و على الوجوه الخالية م التعبير
***
و باعترض ع الحرج
اللي العجائز بتعانيه
لما العيال تسأل سؤال واضح
مالهوش جواب عندهم
***
و باعترض و باعترض
على ملايين الحاجات
أشياء كتير لو قلتها
البحر مايكفيش مداد
***
لكن اعتراضي الأهم
ينصب قبل كل شيء
على العيون الكارهة للحرية
اللي بتنظر لي بغضب و عداء
و أنا بعترض
**********
للشاعر
فؤاد قاعود

ايه ياعمنا كم الاعتراضات دي كلها
هههههه مخلاش حاجه معترضش عليها
هو مشافش ولا عاصرش سيد قراره ولا ايه ههههه
بس جميله لغة الاعتراض دي بحرفيه قوي يارشيق
تسلم الايادي علي النقل الجميل ياجناب السفير

والله انا لقيت موقع فيه شوية حاجات كويسين عجبتنى جدا

القصيدة دى يمكن علشان بحب الاعتراض دايما مش عارف

ليه ههههههههههههه يمكن مرض . شكرا ابوحسام على

تشريفك للموضوع

لا ياراجل مرض ايه ولعياذو بالله
ابدا الاعتراض موجود هي كدا سنه الحياه طبعاً
مستحيل يتفق طرفان بسهوله لازم يبقي في اعتراض من طرف اخر
علشان علي الاقل المركب تسير وميبقاش في ركود وملل في الحياه
تقسيمه وربك مقسمها ايه هتعترض علي دي كمان ولا ايه هههههه

هههههههههههه اللهم لا اعتراض .لا انا لا اعترض على حق

واضح وضوح الشمس ولا اعتراض على امر الله لكن اعتراضى

على امور يجوز فيها الاخذ والرد وانا مؤمن ان رأيى صواب

يحتمل الخطأ ورأى غيرى خطأ يحتمل الصواب . رحمة الله

عليك امامنا الشافعى قالها وما عرفنا كيفية تطبيقها حتى الان

شكرا ابوحسام

سر شويبس اللي حسن عابدين مات ومقالش عليه يعني
هههههههه
رحمة الله طبعا علي شيخنا الجليل وامامنا الشافعي
بس كلمتك فكرتني بالموضوع بتاع حسن افندي عابدين

انا معرفش سر شويبس ده بس اعرف ان الاختلاف سنة الكون

ولازم نعيش مع بعض فى ظل هذا الاختلاف واللى مش هيرضى

بالاختلاف ده هيتعب لانه بيتحدى ارادة الهية .فمن ايات الله

اختلاف اللون والشكل واللغة والرأى واجمل شىء ان يكون لك

رأى ولكن الاجمل ان تحترم باقى الاراء التى تخالفك الرأى

والا تحاول ان تجعل الغلبة لرأيك لانه ليس الصواب دائما .

تصفيق حار جدا للرشيق المهذب
صاحب القلم المبدع الخجول
الذي يصيب لب الحقيقة دائما بطريقته المعهوده
توصيل لسهل الممتنع كالعاده ولكل منا
طريقه مختلفه في التفكير وابداء الرأي طبعا ولكل من الاطراف
المتبادله للحديث احترام الرأي والرأي الاخر
حتي يكون للشئ قيمه وموضوعيه
تحياتي يا معالي السفير

شوف يا ابوحسام انا لى اراء مختلفة كتير جدا عن معظم الناس

اللى اعرفها لكن مش معنى ده ان ارائى صحيحة ولولقيت اتنين

او اكثر بيقولوا كلامك غلط بدور عالعيب فى نفسى لانه محدش

فينا كامل والكمال لله وحده .يعنى الكافر اعاذنا الله بيقعد عمره

كله مؤمن ان اللى هو فيه ده هو الحق ويا اما ربنا يهديه يا اما

يموت وهو جاهل للحق . ربنا يرزقنا العقل السليم الذى يميز

بين الحق والباطل