حط الحمام

موضوع: حط الحمام الثلاثاء فبراير 14, 2012 2:26 pm

حط الحمام
شعر:مجدى عبد الرحيم

حط الحمام ع السور
بطل يحوم ويدور
شفت البكا فى عينيه
حزين كده من إيه ؟
قال لى وطنا اسير
وجناحه بات مكسور
* * * * *
حط الحمام ع الدكه
جاى م المدينه ومكه
شميت فيه ريحة النبى
سألته فين الجهاد
جاوبنى تاه فى السكه
* * * * *
حط الحمام ع السارى
لامم عياله ف دارى
متجمعين ع اللقمه
متوحدين ع الكلمه
دخل الغراب بالليل
حطم لى أوتارى
* * * * *
حط الحمام يا وطن
زادت عليه المحن
جريح وماله سكن
سألته ليه بتئن
قال لى بعدنا كتير
والغربه افدح تمن
* * * * *
حط الحمام ع الأرض
لاطار بطول ولا عرض
سألته ليه بتكن
قال لى الوطن ده العرض
وحمايته أكبر فرض

يعنى الحمام فى كل مكان واى مكان بيئن

واحنا فى ظروف وزمن يدعو كل شىء لكى يئن

اوطاننا فى حصار وبلادنا تتمزق ولا نملك ان نفعل

شىء . شكرا ام شروق على الانتقاء الجميل

شكرا زهره

وشكرا للشاعر المحترم
........

موضوع قيم وكلمات معبره
تسلم الايادي زهرتنا لغاليه
بنت الناس الطيبين
شكرا علي الانتقاء المتميز

» سرب الحمام
» حوادث ... في الحمام؟؟
» قذافى قاتل الحمام
» فرعون بيكره الحمام
» الحمام الزاجل\الدكتور محمد راتب النابلسى