شم النسيم

موضوع: شم النسيم الثلاثاء فبراير 28, 2012 10:42 am

شم النسيم لما جه شوفت العـجب فى الناس
الشمس نورها وصل شربوا البصل بالكاس
حتى الفسيخ اتنـــفخ خــــللا النفوس عامت
والعركه قامت مابين مصران وبنــكرياس
00000
البيـــــضه وصلت دولار لو يعنى فسـدانه
ولمون عصــــيره مرار والنفس حمضانه
والحـــــــرب داير مابين الرنجه والامعاء
والمعده اصلا فى عــــيد الفطر تعــــبانه
00000
ولكل واحد مكان مخــصوص ح ياكل فيه
وحماته ساءله المدام ايه اللى نفــــسك فيه
هاتى الصحاب والكـــلاب والقــطه ويانه
واتغدى ويا العيال واللى يفـــــيض ارميه
00000
شوفولنا توكتوك عــشان ينقلنا أو حنطور
ويجيبنا آخر النهار يعرضــــنا ع الدكتور
احسن عليهم زحام والحجز ع الاســـبوع
وعيالنا ممكن تموت على بال ماييجى الدور
00000
حتى حمـــــيده اللى كات حالته على قدّه
وعياله دســــته ودين سبحان من ســــدّه
سمع مراته صــــــدر منها يمـــين بطـّال
بسرعه لمّ العـــيال وسنـّار الغـــرام شدّه
00000
هات كل حاجه شـكك يعنى لآخر الشهر
عايزين نشمّوا النسيم كفيانه كسرة ضهر
ساعة ماتفرج قــوام ح نلفـّوا ونســــدّدوا
وان عيشنا نستوردوا حتى النكد والقهر
00000
احســن مكان ح يتاويك وانت ولـد لامع
تعــجبنى مدّة اديك على عـتـبة الجـــامع
قضيت حياتك مع مراتك وشورها عليك
والفقر ينده عـليك وعامل لى مش سامع
00000
يابو العيال شمهم وبلاش نســــــيم ينشم
نظرك لفــــوق يلوحك ولا حد بيك يهتم
خللى المدام تسـندك فى خلاصة الموّال
وعيش وربى العـــيال وخللى عندك دم

سعد الشرقاوى

_________________

رباعيات ساخره جدا

مما يفعله المصريون في شم النسيم

ناهيك عن المتاعب الماديه والصحيه التي تحدث

بسبب تشبثنا بهذه العاده الفرعونيه علي ما اعتقد

ولكن

لشم النسيم مذاق جدا بين الاطفال والكبار علي السواء

ففيه تفتح الحدائق ونشم عبير الازهار والورود

بأشكالها المتفتحه الجميله ولذلك هو عيد الربيع

ايضا هذا الفصل من السنه له ايضا بريقا وذكريات

رائعه جدا لدي كافة المصريين لما يحمله من اعتدال المناخ

وبداية انتهاء فصل الشتاء والبرد وبداية ايام لها السحر

في جوها واعتدال حرارتها والسهر في ليلها

شكرا زهره
.......

ابيات ساخرة جداا طبعا وطريفة يا ابو جمال
وكنت انوى تأجيلها لشم النسيم
وبعدين قلت نبقى نجددها تانى ان شاء الله
شكرا ابو جمال

شكرا للزهرة الطيبه بنت الاكابر
علي القصيده الجميله
والشكر موصول للعم الحبيب ابو جمال

» البيض .. وشم النسيم
» شم النسيم .. عادة فرعونية
» طرق مختلفة لتلوين بيض شم النسيم
» بيع البيض حراااااام فى شم النسيم !!!!!
» شجرة شم النسيم ب10 الاف بيضة