على فين يا دنيا واخداني .... بقلم الشاعر زغلول الطواب

على فين يا دنيا الهم
واخدانى
ليلك ونهارك غم
وتعبانى
إتهدى حرام عليكى
عنيا من كُتر البكى
وجعانى
إنسينى وكفايه ظُلم
أنا بنى آدم
من لحم ودم
ليه كده يا دنيا
كرهانى
تلاتين سنه صابر
ومتحمل
إهانه وذل وظلم
جوع وفقر وغُلب
دأنا لو جبل
كان زمانه إنهد
من تُقل
أحمالى
طعمك ف حنكى مُر
وم شدة مراره
بعانى
ريقى نشفان
حتى الميه
مش رويانى
بآكل اللقمه حاف
عشان غموسها مر
وأحلى بالذل
أبات الليل سهران
مهزوز وحيران
هم الدين تقيل
وعشان أنا حُر
أبكى بدل الدموع دم
ودمى بيغلى وفاير
حتى الآه أكتمها
جوايا حابسها
مقدرش أتنفسها
ولا م قلبى أطلعها
أخاف يسمعهوها
الأكابر
وكأنى عبد خدام
مربوط ف الساقيه
ليل ونهار
لونك شايفه ضباب
كأنك مغميانى
كأنك عزبة فُلان
ملكيه خاصه للحُكام
وأنا غريب ف اوطانى
ليه بيلمونى
لما قومت بثورة يناير
ليه مش مصدقين
بالإراده ممكن
نعدل المايل
ويبقى عبره
لأى ظالم

منقووووووول

يعنى انت جايب لنا قصايد الهم والتشاؤمية
والدنيا تشيل وتهبد فينا واحنا مش ناقصين
النهارده بقى انا هكمل لك موسوعة الهم دى ونجيب شوية شجنيات
شكرا عبقرينوو

ربنا يزيح الهم والغم والمر والذل

والغلب والظلم

اللهم امين

شكرا ابو حسام
............

زهرة
عمي الغالي ابو جمال
اشرقت الانوار بتشريفكم للموضوع
وبعدين يازهرة التفاؤل لابد من التوازن معاه بشويه نكد علشان الامور تمشي

» الشاعر احمد حمدى وقصيدة يقرأها للدكتور زغلول النجار
» لمحة رمضانية بقلم الشاعر صلاح عبد الله
» من اسرار القرآن/ زغلول النجار
» سعد زغلول فؤاد .. جيفارا المصري
» قصص عن من اسلموا فى الغرب\الدكتور زغلول النجار