مقتطفات مكتوبة من السيرة الهلالية

خضرة الشريفة_1
الجزء الأول
من المجلد الأول
للسيرة الهلالية
**********
أصلي واسلم علي النبي الزين
مدحت النبي العضم بطل صلايه*
قال النبي:قوم يابلال يازين*
قوم يابو بكر قيم الصلاية*

أول كلامي باذكر حي موجود

إله ع الخلق راضي
رفع السما من غير عامود
وبفضله بسط الأراضي

صلاة النبي بتزيدني شوق

وتمنع البلا والمراضي*
قال له الآله :اندفن فوق
قال:آمتي في الأراضي

صلاة النبي تغني عن القوت

وتمنع البلا والمراضي
يستاهل علقته بالسوط
اللي معاه كفو الزيارة*ماراضي

_صلاية: كف عن الم العظام

_يزين:قم آذن للصلاة
_قيم الصلاية:أقم الصلاة
_كفو الزيارة:زيارة الحبيب المصطفي صلي الله عليه وسلم

_____

لولا النبي لاكون ولانار
ولاإسلام صلت وصامت
ولاكان فيه ليل ولانهار
ولاجمال في الجو هامت

حلو النبي وحلو رقابيه*

ياما هو بدر البدورة
من يوم جبريل رقي بيه*
من سابع سما فج نوره

أصلي ع اللي خلق الناس*

خلق مسلمين نصاري
وناس نامت علي فرش وكناس
وناس ع المعايش حياري

طبيب الجرايح قوم الحق

وهات لي الدوا اللي يوافق
فيه ناس بتعرف الحق
ولجل الضرورة توافق

_خطأ فادح من المنشد :حيث الخلق من صنع الله لكنها تلك السجية التي ينشدون بها دون تروي او ترتيب...

صلاة النبي تمنع أبليس

هية الفايدة والتجارة
ياما ناس حازتها بالكيس
ماتوا مانالو الزيارة

دي دنيا غرورة وقصعة(نوع من انواع الحرباء)

كيف السمك في المداور
بتدي علي كل زول رقصة
ووقت السفر لم تشاور

فرطت قلعي ماجانيش ريح

وعاودت ع البر ناوي
ياما ناس زينا مجاريح
لكين صابرة ع البلاوي

وكنت فين يازمان رابط لي

وفي خيار عزمي تجيلي
وسط القبايل بتطلي
وكاسر خاطري وسط جيلي؟

سكت الهوي والناموس طار

والسبع قصر يمينه
السبع قال:النوم استار
لما الكلب ياخد يومينه

شوف الزمان انتهت عدليه

وادي البطل ع الحق راكب
جه السبع يطلب عدليه
لقي الهلف ع التخت راكب

دنيا علينا تربت

وانظر بعينك راعيها
شوف العنز لما تربت
مانطحت الا راعيها

****
إن كنت متحين يريدوك
تتحب علي كتر مالك
واذا اتضعضع الحال يكرهوك
علي اقرب ماليك يمسخ سؤالك

اتاريها الدراهم بتنفع

بتجيب مال وياغنيمة
والصاحب اللي ماينفع
(البعد عنه غنيمة)

تاريها الدراهم بتنفع

بتمشي في البحر مسالك
اللي بلا الدراهم ماينفع
كلامه وسط الرجال ماسالك

ياقلبي اوعي تعاشر الدون

ولاتكلمه بالاشتراحة
تكلمه الكلام موزون
يجدد معاك القباحة

ماتكون يازمان عادل لي

وتيجي الليالي عديلة
لاضحك واكيد عذلي
واقول زغرطي ياعديلة

ياطبيب خد دواك وروح

شايف العليل لزم الخلايق
في ساعة ماتطلع الروح
(ياما الأرض شبعت خلايق)

جاني طبيبي مع العصر

وف ايده ماسك عصاية
أصله طبيبي قليل أصل
من خصمي يجيب لي الوصاية

جاني طبيبي بلاقناع

وكل من معاه علة بلجها*
والمرة اللي ماتردش قناع
وحرص قوي من ولدها
_بلجها: تم عرضها

اللي اتبعتر ولايتلم

ولو غربلوا له بسبايب
ان كان الوعد والقدر تم
بتبقي المنية سبايب

ياللي بتنده عايز مين؟

خولي الجنينة عبي تاني
كلام العواذل عيزمين؟
خلي اللي طاب عبي تاني

فيه سوق في جسمي شاغلني

وفيه زي ماانت طالب
وناس تبكي وناس تغني
ومغلوب يضحك لغالب

ماحد اتغلب كيف غلبي

وغلبك في جوفي هراني
جابو المحاوير صلبي
تقدم خصيمي وكواني

اذا زهزهت الليالي عاملها

واعمل من امك تجارة*
واذا ولت الليالي ناملها
وجريك وراها خسارة
_منطق غريب :التجارة حتي بالأم
مرفوض طبعا وربما هي من عيوب السيرة
الكتابة بلا ضوابط

ياسجرة ضلك عاجبني

لكي فرع مشروع وهاوي
خالي البال يقول عاجبني
لكن بلاوي يادنيا بلاوي

إوعي تقول للندل ياعم

ولو كان علي السرج راكب
ولاحد خالي من الهم
حتي قلوع المراكب

*****

(ونور التهامي شابكني
وانا منه لم قط راجع
أبيت الليل أصحن شبكني
لما الشمس ترجع مراجع)
ونستكمل السرد الشعبي
خضرة الشريفة جابت تلب*قالت للبلا خليه
طلع الولد أسمر اللون لاأب ولاخال ليه
حلف الأمير رزق يطلع من بلدي ولاأخليه
بحثوا عن اصل الولد يلقوا النبي خال ليه
_التلب:السبع الفارس المتين
هاهو المدخل الفعلي للسيرة الهلالية
قصة نسب ابن خضرة الشريفة
بين رافض للولد ونسبه
وبين القابل للنسب
ونستكمل الرحلة
بكت الشريفة ونار القلب واهجاها
ندهت لقاضي العرب بدير اهو نجاها
توريني طريق زحلان ياقاضي..بانوجاها
أربي طفلي رباية عز بوجاهة
عسي الله يكبر ويسقي كاس للعدا خليه
...
لم يخلق الرحمن مثل محمد
نبي الهدي اللي جانا بالقرآن
صلي عليك الله ياعلم الهدي
يانور العيون ياصفوة الرحمن
أصلي علي من قال:يارب آمتي
طه..الذي شرف بني عدنان
قد خاب عبد لايصلي علي النبي
طه..الذي جاء بالبرهان
من بعد تمجيدي في جمال محمد
اصغي لشعري واسمع الأوزان
......
يقول الفتي رزق الشجيع ابن نايل
جور الليالي حير الإنسان
آمنت لك يادهر ورجعنت خنتني
ولاكان حسابي ان الزمان خوان
بتخوني ليه يادهر تكسرني ف العضا؟
خليت دموعي مزقوا الأجفان
ألاياعباد الله ياميلة الزمن
تاريها الغرورة طبعها خوان
أبكي علي الفرقة وعلي حيف ماجري
دمعي سري
بل الأراضي طيفان
علي ماجري لي ياويح قلبي لما جري
ياهلتري اقعد مع الأخوان؟
أبكي علي الأيام بعين وجيعة
عدم الخليفة هدني بمكان
أنا الذي قد هدني البين والنيا
اشكو لربي محتكم منان
كنا برفعه قد خفضنا زماننا
صبحنا أذلة والعزيز اتهان
ياما ضحكنا وكان البكا عند غيرنا
وادي اليوم بنبكي وخصمنا فرحان
آمنت لك يادهر ورجعت خنتني
تاراك يادهري المشوم خوان

منقووول

بصي انا بختلف مع الكاتب في بعض النقاط
ان المنشد او الراوي حينما يقول كلماته
نجده يتغني بها اوافقكم الرأي انه بلا ترتيب ولا يقين بمعني الكلمات التي قد يتلفظ بها
احيانا ولكن لنضع في الاعتبار دائما انه علي غير علم وانما يتحدث بالفطره والله اعلم بالنوايا وما تخفي الانفس

ايوه هو بيتكلم على الفطرة
والمقصد اكيد بيكون مختلف عن ترجمة النقاد بعض الشىء
بس السيرة الهلالية تراث جمييل جدااا
شكرا عبقرينوو

الشكر لكي ام شروق
زهرتنا الغاليه بنت الاكابر
لاانك من طرحتي الموضوع للنقاش
السيره الهلاليه بها العديد من المواقف والطرائف
وايضا الاجتهاد من راوي لااخر يختلف في توصيل المعني المطلوب لكن القصه هي هي

» ناعسة الاجفان فى السيرة الهلالية
» السيرة الهلالية مع جابر ابوحسين
» مجموعة اغانى السيرة الهلالية فى ملف مضغوط
» مسلسل السيرة الهلالية الجزء الثانى {متجدد}
» حلقات يوتيوب من السيرة الهلالية الجزء الثالث