رباعيات الشاعرة ماجده قناوى

1
سايق عليك الهبل وملبسك عمه
تشوف جمال كلمته تقول يا ع الهمة
تطل على خلقته تقول بلاش غمه
يا رتنا م عرفناه ولا دقنا منه الاه
ياناس يالاى شيفاه .. لفه علية طرحه
وكفنوا القهرة ..وارموا علية رمله
وتعالوا نستهبل ...
ونجمل الكلمة بحروف متخفية
ونزوق الليلة بلمة وعيلة
وكفاية كدة علينا يا ماسك العمه
ووحابك الهمه ...هنقول عليك


2
سايق علينا العوج اكمنه استاذنا
سمعنا احلى النغم من فوق منصتنا
ومين يعلى الصوت من بعد فارسنا
يا عم هدى اللعب دى اسكندرية............... ليها ناسها


3
ساقوا علينا الهبل ورمونا ع الشلال
حطوا علينا وعابوا وزودوا الاحمال
قلنا نزيد فى العوم.. كتفوا الاحلام
ويتموا الايام....
عينى علينا احنا انكسرت قلوعنا وغيرنا اه باعنا بنص ريال وقال علينا سايقين الهبل ..........يا



4
سايق عليك الهبل مع ناس كتير خاينين
فاكرك خسيس يا أصيل موصوف بعرق الجبين
لو قلبك الموصود لعقلهم ....موصوف
بيع البكا فى كفوف قلبك... ليوم الدين
وساقوا عليناالهبل اكمنهم مهااااااااااااااااااااااا ابيل



منقوووووووول

5
والكيل طفح ياناس....وقلب الحبيب انداس
وغاب القريب منا ....واخد معاه اعز الناس
ساقنا الهبل على الخفة...عشنا احلى همسة
يوم ملتقينا مرة ....سمتها انا صدفه
فى قلبك الحساس


6
سايق عيلنا الهبل.. وعاملى فيها واعظ
تقرب الية كدة حبه.. تلاقاه بعينه جاحظ
تكش من عبسته ..وتهرب من خلقته
اكمنه بيحكى بكلمته كلام ..........بايظ


7
سايق علينا الهبل
وبيحُبك فينا القول
عاشق جمال خطوتية
وبيحلف برب الكون
لو يوم مسك الذمام
ليعدي بينا بر الامان
وسايق علينا الهبل
وهو شر ...اللئام


8
سايق علينا الهبل ...وعملنا خفه
حكيم فى نصحنا . وبيعدلنا الدفه
يهل عليك من بعيد تقول دا.. قادر
ولو مشى جنبك ..يا دوب..يحصل . الركبه

9
بيقولو ا عض الحبيب ذى اكل الــــــــــــذبيب
وساعات الضربة توجع لما ب الراس تصيب
مظلوم معانا الحب بنشيله ...........همنا
ونسيب على اعتابه القهرة والنــــــــــــــحيب
وأن ساق حبيبك الهبل.. سوق .. الدلال يا نقيب


10
طول مانت خايف منه
هيــسوق دلاله وهبله
لو تقدر تبــــــــعد عنه
وتسوق الدلال عـــلية
هيخف فى عضه حـبه
ويبات يبوس فى اديك
وترجع تتقل علــــــية
ويبطل عض فــــــيك
ويخف هبله يا بيــــه


11
حريف وقاعد تحـــــــــــــت التوته
بيهمس بعامية أحــــــــــلى حدوته
يامين يجيب حبه من خبرة الفنان
أحسن خلاص تهابيلى فضلها فتفوته


12
ساقواالهبل بالعبط والشيطنه بالحب
وعرفوا طعم الندم لما قلبهم ...طب
تروح تشترى قلبهم وتحايل فى بحرهم
تلاقى نفسك ........واقع باحلى مطب

13
سوق الهبل له أدب وفن ...ودراسة
وأنت فى سوق الهبل ماسكلى كراسة
سطورها كلها جذب ...وتحير العاقل
لو يوم شطبنا شطر...يطلعلنا بدالــه
ميت الف شطر وشطر يعلم الشطار
كيف الادب فى دنيه الاستهبال


14
ساقوا عيلناالهبل ولبسونا العمه
كذبوا علينا كتير ولوعونا بحرفه
خسروا قلوب طــــــــــــــــــاهرين
ورجعوا لينا .....يعانوا الفرقه


15
سايقه علينا الهبل اكمنها.. حكومة
حكومة معجونه من هيئة. مكتومة
وحاكمها محكوم عليه من ..سنين
يطاطى متغمى العنين ف .. الطحونه
حكومة يا محكومة صحولنا الحكومة
دى نايمة من .............سنين


16
موال ورا موال سوق الهبل تعبان
بيلم ناس فاضية بتغنى على الببان
يا صاحب الموال سيبك من التهابيل
خلينا فى البلد والناس التعـــــــبانين

17
ساقوا علينا الهبل وركبونا جمال
لو تركنا الجمل ياخدوا علية إشغال
وفاتورة الميه وياالكهربا عليها جوز جنيهات
بيقولوا عليها تابعه ........للذباااااااااااااااال
اه يا انا من ده الحــــــــــــــــــــــ ـــــال


18
ساقوا عليناالهبل ناس برم فاهمين
دارسين فن الهبل فى مدرسة مجانين
تخش بقلب جامـــد تصارع فنهم
يديك فى وشك كلام للــفم بيلجم
اكمنهم ناس برم ولفن الهبل دارسين


19
سوقوا علينا الهبل يا ناس يا مهبوله
سوق الهبل بيـلم ناس كتير مطحونه
شرخ اللسان لو زاد يتفتحله ميت بااب
ويطلع منه الكلام بمقام يهد اللى ظلمونا



20
عينى عليك يا خيتى لما الهبل يتساق
من فمك العسول ........بيترقرق
خيتى زيدى فى الهبل.......شوى
لجل الهبل ميزيد رقه .......وضى
بتصبى علينا يا حنه حبه هبل على خيتك شروق

22
عشق القلوب له نــــــــاس
عايشة بدون أنفـــــــــــاس
سايبة السنارة للشــــطارة
وسايقه الهبل بالأحســاس


23
يا سايقين الهبل سوق الهبل ... غدار
قال راح أحب العنب.. راح غنى للحمار
أخص عليك يا عنب...متقلل الأســـــعار
وساقوا علينا الهــــــــــــــــــــــ ـــــــبل ....
وأحنا ............ف سوق الخضاااار


24
يا عم سعد بشويش..... على عمنا النت
كتر السلوك فى الروتر.. بتضعف الشبكات
روح قلل الوصلات.. وكتر... الشوتشيات
سوق الهبل على النت... وظبط الشفرات

25
ساق الهبل ع الريس وقالوا عدل الدستور
قالوا علية ده مش كويس ومليان بالفجور
بيطالب بتعديل المادة سته وسبع وسبعين
مش عايز توريث يا ريس وبيحلم بنهضة ...وتغير


26
ساق الهبل بالقوى وقال عيزنها حرب
مسك نبوته مفترى ..وزودها ف الضرب
قالوا اسم الله عليك ...يا برادعى
ومن وراك الكـــــــــــــــل بيدعى ..
ويحجز .... المــــــــــــــناصب


27
ساقت علينا الهبل وقالت آه يا نا تعبانه
عايشة ف حاله قلق وتملى ....زهقانه
مين يعـــــــدلك يا مايلــــــه ....يا خايبة
محتاجه قلب كيان يعمل كدة.... فوران
فى قوامك التلفان .....ترجعلنا ..هايمه


28
سايق علينا الهبل ..يا حمار .....البية
عايق ..باشا ..فاكر نفسة قيمه وسيمة
متغندر على كــــــــــــــــــــل الشارع ....
والاخ ميسواش............... ربع جنية

29
يا سايقين الهبل.. حزن القلوب بالكوم
طب لية نعيب ع الزمن ونرمى علية اللوم
وأحنا اللى بينا الألم معجون ف لحظة هبل
يلا نسيب الهبل ....ونعـــــــــــدل المظلوم


30
يا سايقين الهبل جبتوا الفسيح اليوم
قلبتوا حال البلد.. ورحتها بقت ثوم
تستهلوا اللى يجرلكم مهما عصرتوا لمون
وأية تانى ينجدكم وانتوا اللى سوقتوا العوم


31
ساقوا علينا الهبل وقلولنا فى مسواه
قلنا نروح العمل ..ونخف كلمة آه
قعد الجميل ع القهوة يلعب ويتهوى
أكمن ست البيت عملت فيها عفـــية


32
يا باكين م االندم الغربه لية قاسية
دايما نزيد ف الألم ودنيتنا دى هايفه
عايزة ......تسوق الهبل.........
على ناس كتير عايشة وأهى ماشية

33
يا سايقين الهبل ...عمر الهبل متساق
أياك تعيش ف الهبل.. وتقول أنا مشتاق
لو يوم حبيبك قلك قرب هنا..... جابنى
هيقلب جيوبك ..ويحلف أنه عمره مداق


34
يا سايقين الهبل حب الخبيز ....مدرسة
ناس عايزة قطم رقاب وقاعدلنا بعنطظة
عايزين نزيد ف اللت لجل الرغيف ميشد
والكل ف عجن الناس عايش كدة بأستذة


35
يا سايقين الهبل قلبى خلاص... فاض بية
عماله أحب ف ناس قاسية.. وبايعه القضية
أعملهم من قلبى غطا ومن عقلى مداس
يروحوا يبيــــــــــعوا ويشــــــــــــــــتروا فيه


36
وبارت البنية من قبل متلقى لمسة حنية
وآه عليك يا صبية يأم القهرة مختفية
أمتى تنولى الرضا ويجى أبن الحلال
يسوق عليك الهبل ومتبقيش الضحية

37
ساق علينا الهبل وبص كدة بنظرة
محتاج متين قلم.... يفوقه بقهرة
يا مين يعدلك يا مـــــــــــــــايل ..
نسيت أصول دينك وبتخسرة ف لحظة


38
ساقت علينا الهبل مستشفى مجانى
لامة العيال بالعبط ..وتقول هاتوا تانى وتانى
شغل المكـــــــــــــــــــــ ــان ببلاش........
وعمرك ف يوم تتسأل ...... مين الجانى؟؟


39
ساق الهبل بالقوى ....بيرتب ف المرور
ساب الطريق واقف.. لحد ميجى الدور
تقولى خضرة.. تقولى صفرة ..تقولى حمرة
أستنى يا خفيف......... لما يقيد النور


40
ساقت علينا الهبل ومرصصه عســــاكر
واقفلنا ف كل شبر.. ومـــــــين فينا قادر
........يجرى ف الطــــــــريق ......
تحضنه الحضانه ويخسر فلوس كتيررر