يا حلوه ليه خيرك ملاه الدود

ياحلوه ليه خيرك ملاه الدود ؟
و العسل ساده
العدل ليه فيكى طريق مسدود
و الظلم بزيادة
القهر ماليكى و ماله حدود
و الويل بقى عادة
ياحلوه مين عجزك ؟
ما كنتى ولاده
مين بالسموم نغزك ؟
و سكنتى فى عيادة
لا طبيب قدر ينقذك
و الجرح ليه إتمادى ؟
يا حلوه ليه شعرك بقى معقود
و ألشيبه فيه طافت
فين لما كان سارح طويل ممدود
ليه حنته ما فاحت ؟
اشتقت أنا بسمتك قولي لها تعود
لا ماتقوليش ماتت
مين هدها أتكلمى ؟... قولى
أنا موجود
لا لا صحيح .... ما أنا مـت
يوم حط خصرك سود
غربان كتير قربوا
نهشوكى ياما عقود
فضلوا كتير ينقروا
رعب و أذى و جحود
زمن الضعاف يكبروا
يا كلوا ف لحم الجدود
يا حلوه فين طرحك ؟
فين أيدك اللى كان ساكنها الجود
فين ودت العادة ؟
مستنى أنا فرحك
مستنى أبنك شهدك الموعود
فيه ابن يتعادى ؟
دى عمره ما أتخطى عليكى حدود
ليه أنتى وآده ؟
ليه ردتينى بصرختى مهدود ؟
لا كله إلا دى
دى أنا اللى فداكى
بروحه و دمه و شهادة
لا كله إلا دى
لا كله إلا دى

الشاعرة \مها ضرار

تسلم الايادي يازهرتنا الغاليه
انتقاء متميز جدا كالعاده
بارك الله لنا فيكي

شكرا عبقرينوو
بارك الله فيك

ستظل مصـــــــــــــــــــر هي مصــــــــــــر

التي عهدناها دائما

مرفوعة الراس مرفرفة رايتها في عنان السماء

شكرا للشاعرة وشكرا زهرة
...............

ان شاء الله مصر ستلفظ كل خبيث
ولنتذكر الآية الكريمة
ان الله لا يغير ما بقوم حتى يغيروا ما بأنفسهم

بارك الله فيك ابو جمال

» فلى \بتاع الدود
» حلوه خمريه
» حلوه النومه دى
» حلوه الغيبوبه برضه
» ياللى عايز تتزوج / مناظرة هو آند هى (يوتيوب)