أنا هبرى سن القلم

انا هبري سن القلم

اديني براية

داوي الألم يا قلم

وارسملي ضحكاية

الله عليك يا سلام

تديني استيكة

امسح بشاير يأس

دقي يا مزيكا

***

الليلة ليلة فرح

تتجمع العرسان

يتلم قلب انجرح

علي قلب كان ولهان

تنشف دموع الاسي

والحق يوم يرجع

ماضي قديم يتنسي

احكي لمين يسمع

***

انا هبري سن القلم

اخزق عيون ابليس

قولي ...معاك مسطرة ؟

اوزن كلام وهقيس

يا صاحبي في المدرسة

شوفلي معاك برجل

ارسم دواير نور

خلي الهموم ترحل

***

انا هبري سن القلم

وأجيب كمان منقلة

اظبط سرايا العلم

من ادفو للمنزلة

يا مثلث الاحلام

ارسم تلات اضلاع

ضلعين وفاء وامل

تالت يشيل لاوجاع

***

انا هبري سن القلم

لما القلم يخلص

وأقول واعيد تاني

لما الورق ينقص

يا صبح يلي جاي

هات الاماني معاك

قرب تعالي بقي

وكفاية جري وراك

بقلم\ اشرف تاج الدين

الله الله الله
ابيات رائعه جدا يا زهرة تسلم ايدك
يابنت الناس الطيبين والشكر موصول
للكاتب الاستاذ/ اشرف تاج الدين

لليلة ليلة فرح

تتجمع العرسان

يتلم قلب انجرح

علي قلب كان ولهان

تنشف دموع الاسي

والحق يوم يرجع

ماضي قديم يتنسي

احكي لمين يسمع
الله الله الله
فى غايه الجمال والروعه
شكرا زهره

وسن القلم ان شاء الله هييجى يوم ويكتب احلى وارقى كلام
شكرا حماده
شكرا ام سندس

ابيات جميله جدا

ورائعه جدا

واعجبني جدا هذه التشبيهات والجماليات اللغويه

انا هبري سن القلم

اخزق عيون ابليس

قولي ...معاك مسطرة ؟

اوزن كلام وهقيس

يا صاحبي في المدرسة

شوفلي معاك برجل

ارسم دواير نور

خلي الهموم ترحل

................

شكرا زهره

وشكرا للكاتب

ربنا يزيل الهموم ويفرج الكروب ان شاء الله
شكرا ابو جمال

» بكى القلم قبل أن تبكى عيونى
» وحى من الروح لا وحى من القلم
» القلم العجيب
» القلم..الورقه
» إذا ضاع القلم يا ولدى