اضحك مع مرشحى الرئاسة

فرصه لن تتكرر ، رشح نفسك للرياسه و اعرف جنسيتك الحقيقيه انت و امك..و أهلك كلهم !!

***
مبارك : انتوا رشحتوا شفيق ؟؟ عال عال
و كمان سليمان .. ده ايه الحلاوة ديه
طب أنا أنزل بجمال بقي !!!!

***
من حقى أن أطالب اللواء عمر سليمان .. أن يهتم فى برنامجه الانتخابى بالمعتقلات من حيث الترميم و تحسين مستوى الخدمة و الجودة .. أنا لازم أطمن على مستقبلى بردو ..

***
حصري : حوار اوباما و المشير في موضوع جنسية حازم أبو إسماعيل

المشير : ابو حسين حبيبي محتاجلك
اوباما: خير يا باشا هو انا عمري انسالك يوم ما هربت الامريكان اامر يا كبير
المشير : والله يا حبيبي واحد اسمه ابو اسماعيل قارفني في عيشتي وشكله هيحاسب مبارك والراجل خيره مغرقنا من ساسنا لراسنا مش عارف اعمل فيه ايه دا شكله هينضف البلد
اوباما : بس كده ..غالي والطلب رخيص في ثواني المطلوب يبقي عندك
***
شعار عمر سليمان :

أدركوا المعتقلات الفارغة
سنموت كراماً
كلكم خالد سعيد .... كلكم !!

ده احنا هنشوف ايااااااام

***
من عجائب اسماء مرشحي الرئاسة :

عبد المنعم (أبوالفتوح)
حازم(أبو إسماعيل)
(أبو العز) الحريري
عمرو موسي (أبو الفلول)
عمر سليمان ( أبو أمك )
***
هام و عاجل : تمكنت الـcsci
من الحصول علي فيديو حلف والدة أبو إسماعيل لليمين !!

سري للغالية : السي اس سي اي ديه ماركة غسالات جــــــــــامدة جداااااا
***

البرنامج الإنتخابي لعمر سليمان ..
القضاء علي العشوائيات في أول 3 ساعات ( ربنا يخلي لنا النابالم يـــــــــــارب .... و كما سليمان .. إحنا نقدر برضه !!)

***

واحد بيقول: إيه ده؟؟ ده طلع حازم أبو إسماعيل راجل مش عادي .. انا كده هنتخبه .. أمه دكتورة وبتروح أمريكا ومعاها جرين كارد .. وأخته كمان هناك وجوزها دكتور ومعاهم جنسية .. امال كانوا طالعين بالبرادعي السما ليه وكانوا محسسنا إن المرشحين بالنسبة ليه سوفاج ... ده غير ان ابو اسماعيل ابوه عضو مجلس شعب وساكن في أنظف حتة فيكي يا دقي

رد عليه التاني : الله يكرمك بلاش انت تدعوا إليه لحتضيع مجهود سنه بوسترات !!!!!!!!!

***

بما إن والدة حازم مولودة سنه 1942 وماتت 2010 عن عمر يناهز الـ 68
و عمرو أديب عمل بحث بكلمة (نور) في أمريكا لقي واحده اسمها كده و مولودة سنه 1946 و ملئ الدنيا ضجيجا بالأخبار الجامده اللي توصل لها!!

إذا فالحقيقة المره اللي أديب ميعرفهاش ... إن والدة حازم لسه عايشه لحد دلوقتي !!!!!!

***

الشاطر لا يصلح للترشح لأن أصله روسى من شطاروف و هى قرية تبعد 3000 ميل من موسكو

حازم أبو إسماعيل موش مصرى أصلاً لأن أبو إسماعيل سيدنا إبراهيم من الجزيرة العربية و لم يأت إلى مصر من الأساس
أبو الفتوح من إسمه يبان إن أجداده جاؤا إلى مصر أيام الفتح الإسلامى من الجزيرة العربية

حمدين صباحى من لبنان و ينتمى لعائلة المطربة المعمرة صباح

لكن المشير طنطاوى مصرى أصيل و فلاح من طنطا !!! ^__^

تحيه كبيـــــــــــــــرة للمشير طنطاوي اللي نصفنا

***

عاجل || العثور علي مواطن مصري من أب و أم مصريين خالصين في واحة سيوة و المشير طنطاوي يمنحه وسام النيل غداً و يكرم والديه


منقوووووول