أيام زمان

موضوع: أيام زمان الجمعة يونيو 01, 2012 10:34 pm

قصيدة أيام زمان
للشاعر/ هشام فتحى

أيام زماااااان
كنا بنلعب جنب بتنا
نلف أيدنا
إحنا وولاد الجيرانْ
نعملْ من الهِدمة القديمة
نُصّ كورة
نجِيب قارورة
نُحطّ طوبة
وفْ نهايةِ المرمى بنحدد مكانْ
أيام زمان....
لو غبنا يوم عن بعضنا
الشُوق يزيدْ
ولا كنا نسمع
مهما كان " خلص الرصيدْ"
ترجع وشايل شنطتين
وف كل عيد
الأولى لِيك
والتانية لولاد الجيرانْ
كِيلةْ بَلح..
من فوقها عيش
وكمان قدحْ ..........
كيس برتقانْ
والبرد ييجي يلمنا
على بعضنا
خالتي أم صابر أُمُنا
بتمد أيدها تضمنا
والدار بيوسع والمكانْ
عِشْرة سنين...
مش فارقة لو كنا هِنا
أو كنا يوم متغربينْ
بنغيب ونرجع بالجيران متونسين
صدق اللي قال " الدار أمان"
أيام زمان
كُنّا بنلعب جنب سور المدرسة
شدّ الحبالْ
نضرب صاحبنا باليمين
ونداري عينُه بالشمالْ
والواد حسامْ
وف لمحة واحدة بيختفي
ونقول يا واد "اظهر وبان"
أيام زمانْ
وحاجات كتيرة بتختفي
كلمة "سماح"
درس التلات
يوعظنا فيه الشيخ صلاح
زغرودة في بلاد الملاحْ
ولا طير يغني في الصباحْ
صوت الأدانْ
دلوقت قال ...!!!!
ابن الجيران

موضوع: رد: أيام زمان السبت يونيو 02, 2012 8:31 am

طبعا ايام زمان لا تعوض

لما بها من ذكريات جميله

وصفاء نيه وطيبة نفس

بين الجيران والاحباب

شكرا للشاعر

وشكرا لزهره
.........

موضوع: رد: أيام زمان الأحد يونيو 03, 2012 12:13 pm

كااان زمان
دلوقت رغم اتساع دائرة المعارف واصبح العالم كقرية صغيرة
زاد العزوف والتقوقع ونفسى نفسى
شكرا ابو جمال