فى مرة كنكة كان قاعد على القهوة وبيشرب واحد شاى فى الخمسينة ومزاجه كان راااايق اخر حاجة
مرة واحدة لقى قدام عينه شاب معدى لبسه غريب وشعره غريب
كنكة رزع كوباية الشاى على التربيزة ونادى على الشاب وقاله
...كنكة:خد ياض انت هنا ايه البلاوى السودا اللى على الصبح دى
الشاب السيس:انت بتكلمنى انا يا اْونكل
...كنكة :ايوه بكلمك انت يا حيلتها تعالى هنا لاجيبك من سلسلتك اللى انت رابط بيها رقابتك دى انت مترخص ياض ولا سايبنك ماشى كده من غير ترخيص
الشاب السيس:لا ايه ده اونكل لو سمحت راعى مشاعرى الناس اتلمت
كنكة:مشاعرك ها ها هاها(ضحكة سخرية)وهو انت لسه شفت حاجة تعالى احسنلك
الشاب السيس :بيس انا جاى بس اوعى تغلط فيا
كنكة :تعالى متخفش يا اهلا بالرجوله كلها حلو كده (عجبت لك يا زمن) اتفضل اقعد
تشرب ايه يا اْمور
الشاب السيس:يا ريت كافيه لاتيه بليز عشان اعصابى متوترة شويه
كنكة: اْلف لاباْس واد يا حنتيرة هات سحلب للكابتن
الشاب السيس : لا اونكل انا عايز كافيه لاتيه مين سحلب ده
كنكة :ما هو البتاع اللى انت بتقول عليه ده اسمه سحلب عندنا وانت ايش فهمك انت فى الحاجات دى
الشاب السيس: مرسى يا اونكل يو ار سو سويت
كنكة :يرحمكم الله بس انت بتعطس غيرنا انا بردو من اول ما شفتك وانا قلت انك مش تمام
الشاب السيس: هو حضرتك عايزنى فى ايه ؟
كنكة: ابدا يا حبيبى انا عايز ادردش معاك شويه اصلك دخلت مزاجى
الشاب السيس:مرسى يا اونكل والله انا ليا اصحاب كتير اوى بيقلولى كده
كنكة
معلش هستحمله)قولى يا حيلتها انت ايه بقى اللبس اللى انت لابسه ده اشرحهولى
الشاب السيس:ده شميز يا اونكل على الموضة انت عارف انا شفت عمرو دياب لابس زيه قلت لازم اجيبه عشان ابقى كول اخر حاجة
كنكة :يا اه يا اه عمرو دياب اهلا وايه يا حبيبى اللى انت عامله فى شعرك ده معكش فلوس تحلق ياض ولا ايه
الشاب السيس:لا يا اونكل ده استايل اتش دبور انا بموت فى الفيلم ده شفته يا اونكل
كنكة:لا حول الله يا رب الرجاله جرالها ايه (طب اتكلم معاه فى حاجة تانية يمكن يطلع راجل بجد وده لبس مش اكتر )
طب بقلك ايه يا حبيبى اخبار ال لامور ايه معاك اصل محسوبك مثقف ويعجبك اوى
الشاب السيس:انا بحب وعايش قصة حب فظيعة ومصاحب 3 بنات
كنكة
مش عارف بصولك على ايه دول)طب ويا حبيبى متجوزتش ليه اللى بتحبها
الشاب السيس: اصل انا مستنى لما تتطلق من جوزها الاول .بس عارف انا قلتها تخلعه وتخلص اصل انا بحبها اوووى
كنكة :تتطلق؟ غور ياض يا بن التيييييييييييييييييت من هنا لاعملك غرزة فى وشك دلوقتى
الشاب السيس : ليه بس كده يا اونكل ده انا فتحتلك قلبى
كنكة :قلبك طب انت اللى جبته لنفسك
واد يا حنتيرة تعالى انت والرجاله عايز الامور ده يبقى فلة احلقوله شعره ولبسوه مريلة الشغل ووقفوه على النصبة يحط فى شاااى ماشى
حنتيرة: انت تاْمر يا معلم .تعالى يا طعم يا نايتى يا بسكوتة انت
الشاب السيس: لا انا ميتعملش معايا كده انا هوديكوا فى داهية
كنكة :بتقول حاجة يااااااض(بحنجرة ما يعلم بيها الا ربنا ) هاااا سمعنى كده
الشاب السيس :لا يا اونكل قصدى يا معلم كنكة مبقلش
كنكة :اااااه بحسب
ومن ساعتها وكنكة قدر يغير شويه من الشباب السيس
نصيحة:محدش سيس يعدى من قدام قهوة كنكة تانى
منقوووووووول
السبت يونيو 02, 2012 11:40 pm
