افتكر مبارك ونظامه اقبل ماتختار وعشان متفضلش محتار

ليس من المعقول أن ينصر المظلوم من ظلمه، كما أنه ليس من المنطقي أن يخرج الظالم ويطلب ممن ظلمه دعمه وتأييده، دون أن يعتذر عما اقترفه في حق من ظلمه، ويرفع الظلم الذي وقع عليه.

لا شك ان مساوئ النظم السابق

لا ينكرها احد طبعا

ولا يستطيع ان يحصيها احد بسهوله فهي متشعبه جدا

في كل نواحي حياة المجتمع

الله لايردهم لمصر مرة اخري

شكرا علاء
................

شوف يا استاذ علاء
انا عن نفسى فى قناعتى الخاصة مش هحتااار
علشان مش هقبل ان البلد تتحرق بنار الاخوان
وحتى لو الاخوان تولوا الحكم
وحتى لو وصلت لأن يزجوا بنا فى المعتقلات اللى كانوا فيها
برضه لن نقبلهم ولن نقبل حكمهم اللا اسلامى ولا انسانى

شكرا علاء على هذا الموضوع المميز
وفعلا عباراتك متميزه وانا معاك فى كل كلمه وكمان ربنا يستر من نار الاخوان
وبكده مصر داخله على طريق مظلم ربنا واحده عارف نهايته

شكرا استاذى عبد الفتاح على ردك المقنع المتوازن وان شاء الله مش ح يجى وقت على مصر زى وقت المخلوع وحاشيته التى كانت ومازالت ليس لهم الا مصلحتهم ولا يهمهم اسم مصر العالى اسم مصر القائده مصر الاولى فى كل شى مصر الى هى اكبر دوله قائده فى الشرق الاوسط ستعود ان شاء الله

شكرا على ردك استاذه شكرا على نظرتك للمستقبل الذى ستئول اليه مصر فى حكم الاخوان من وجهة نظرك بس ان شاء الله وده من وجهة نظرى المتواضعه مصر سترتفع الى عنان السماء تحت حكم الاخوان اخوان مابعد الثوره سيعلو بشان مصر المسلمه التى ليس بها امن دولة المخلوع المشهور بذج الناس فى السجون ان شاء الله مصر اخوان مابعد الثوره سيعلو بمصر وثرواتها لانهم بيخافو على مصلحة البلد دى وان شاء الله ستعود القياده لمصر تحت حكم الاخوان والرئيس القادم الدكتور / محمد مرسى

شكرا محمد على الرد والتعليق وان شاء الله يامحمد مفيش نار ولا طريق مظلم لمصر بعد الان مصر ستنور بحكم الاخوان

يوم ما هيكون مرسى رئيس مصر القادم الله لا قدر
سننضم للثوار كلنا
وسوف يعتبروننا المارقين الخارجين على الدين ولن تكفينا معتقلاتهم
ليس لديهم وقت لهذا العبث سوف يطبقون علينا حد الله كما يترائى لهم
شكرا استاذ علاء

طيب صبركم بس شويه

لما نشوف ايه الامور هترسي علي ايه

يمكن لاده ولاده

يمكن ياجي لنا جمال بالسلامه من السجن

ويمسك البلد واهو هيتصالح مع البورصه

والامور تبقي زي الفل...انتوا هتبنوا المخول قبل ما تجيبوا ال...
.............

يا نهار اسود ومنيل
كمان جمال ؟؟؟؟
لا انا عايزه رئيس مستورد طالما البضاعة عندنا شحت كده

الصين عملت كل حاجه

بس الظاهر نسيوا يعملوا الرئيس المستورد

كنا استوردنا واحد وخلاص
.....

ان شاء الله الدكتور / محمد مرسى سيكون رئيس مصر المحروسه وستعلمون انه الاصلح لمصر العزيزه الابيه القويه واهلا بكل معارض لحكم الدكتور / محمد مرسى لاتخافو ليس عند الدكتور معتقلات ولا سجون وان وجدت ستكون لحاشية مبارك وابناءه وعز وسرور وصفوت الى غير شريف وعزمى وبقية العائله السياسات فى الحزب الواطى الغير ديمقراطى اه صح نسيت ومعاهم القائد الفريق /احمد شفيق ان شاء الله
اهلا بكم فى مصر السلام مصر العزه مصر القويه مصر العاليه مصر القائده اهلا بكم فى ام الدنيا مصرمصر الثوره مصر الشهداء مصر الازهر مصر النيل الى غير ملوث تحت حكم الدكتور / محمد مرسى ان شاء الله

من حق كل واحد يحلم طبعا
وصناديق الاقتراع هى الحمن ان شاء الله

اللهم ولي مصر خيارها ولا تولي عليها شرارها

جري ايه يا علاء

ايه مرسي مرسي مرسي

هو نبي منزل من السما ولا ايه

كام مره واحنا بنقول يا جماعه بلاش الاسماء

يراجل ميصحش كده
..........

بقول اسمه استاذ عبد الفتاح لانه مرشح لاعظم دوله فى الشرق الاوسط ومش عاوز اقول عليه مرشح الاخوان وبس لانه ببساطه مرشح نفسه لكل المصرين مش الاخوان وبس واحنا استاذ عبد الفتاح بنتناقش ونقول الاراء وكل واحد له راى فى مرشحه وان راى فى الدكتور / محمد مرسى انه الاصلح بكل لغات العالم لمصر على الاقل فى المرحله القادمه مرحلة الحسم لمصر مرحلة البدا والانطلاق لمصر ولا اظن غيره ينفع لهذه المرحله بعد موصلنا لالاعاده بينه وبين الفريق القائد / احمد شفيق والدكتور موئد بحزب منظم وشعب فاهم مش مؤيد من نظام اقاله الشعب بعد ثوره عظيمه ولو موضوعى عن انجازات مبارك فى 30 سنه مش عاجبه الاداره فى المنتدى انا بعتذر وممكن انزل موضوع عن اخفاقات مبارك وكوارث مبارك فى 30 سنه مش انجازات ولو انا شخصيا عند اى فرد من الاداره له تحفظ على وعلى اراى فى المنتدى بسيطه جداااااااا انسحب بهدو ن المنتدى بدل ملاقى نفسى مطرود من المنتدى وانا ان نزلت موضوع فكل موضوع نزلته عن مبارك او شفيق حقيقه لاتقبل الشك بالدليل والسنين اما الحمله التى على الاخوان فى المنتدى وملفهم فلم ارى الا ورق جرايد وليس هناك دليل وان وجد لانى لكل قاعده شواذ فده لايتعدى نسبة 5% يعنى تقريبا ولا حاجه اما شغل الجرايد المتلونه وشغل الاعلام المضلل الفاسد وشغل الناس الى ليهم مصلحه مع الحكم الفاسد حكم الحزب الواطى الغير دميقراطى فده لايعنى شى ولا يغير شى فى الحقيقه حقيقة الاخوان التى سمها الا مبارك بالمحظوره ورما اعضائها الذين يقدرو بالملاين فى السجون واخيرا انا لا أفهم معنى كل هذا التخويف والحملة الشرسة ضدهم بالمقارنة بالحزب الوطنى السابق اللى أذاقنا المر ومع ذلك لا أجد هؤلاء يهاجمونه بنفس قدر مهاجمتهم للإخوان وشكرا

احنا مش بنهاجم الحزب الوطنى البائد علشان غاااار فى داهية خلاص
احنا بنتكلم عن مستقبل
عارف يا استاذ علاء لو الدكتور مرسى وشفيق او اى مرشح تانى كانوا نازلين الاعادة بعيدا عن التيار الاخوانى
والله ما كنت هفتح بقى ولا اعلق
لكن اننا نستغل دين لدنيا فلا والف لا اعتراضى ليس على مرسى كشخص انما اعتراضى على حكم جماعة مذهبية
ولو تصفحت المنتدى هتلاقينى قليلة كلام جداا فى السياسة اى ليس مجالى
ونحن لا نحجر على الآراء ولا نطرد احد والمنتدى منتداك طبعا
الاختلاف فى الرأى لا يعنى مباغضة او عداوه
واحنا اتفقنا اتفاق قبل كده قلنا حرصا على ايجابية المنتدى وصورته بلاش نجيب سيرة المرشحين
وزى ما حذفت موضوعات تخصك حذفت لغيرك من اللى بيؤيدوا شفيق حذفت موضوعات للاستاذ دسوقى وحذفت حاجات لى انا شخصيا علشان التزم بالكلام
اما ملف الاخوان فأنا لا اعتمد فى مصادرى على كلام جرايد او اكاذيب صحفية ولو كان كده كنت غرقت المنتدى بالملفات دى
وبعدين ومضات السها يتبع الفكر الوسطى بكل ما تحمله الكلمة من معانى
ويتبع نهج الازهر ودا اكيد واضح فى كل ملفاته الدينية فما المستجد او المفاجىء اذا ؟
السها مش للخلاف السها للإفادة والمصداقية وسلامة المعلومة التى توضع بين يدى القارىء
لان كل محاسب امام الله فيما يقول او يصب فى عقول الناس
ونحن حريصون على ذلك كل الحرص
لا فائدة تعود علينا من انصار الحزب البائد ولا نخاف من احد ولا يهمنا الا ما فيه البلد من هم كبير
ولو اردت من البداية ان اعمل دعاية لمرشح بعينه لفعلتها وفيه موضوع انا كنت نزلته فى المنتدى قبل الجولة الاولى اسمه كبوات المرشحين
حضرتك بامكانك الاطلاع عليه هتلاقى شفيق من ضمن القائمة المعروضه فى الكبوات
رجاءا يا استاذ علاء اهدأ فنحن لسنا فى صراع

اتمنى من اخوتى جميعا الهدوء وعدم التعصب لاى من المرشحين

كل منا له رأيه فهناك من يؤيد شفيق وهناك من يؤيد الاخوان وكل

انسان له حريته الكاملة فى الاختيار وكنت اتمنى ان يتم التعامل

مع انتخابات الرئاسة كما تم التعامل مع انتخابات مجلس الشعب

فى ايطار من الهدوء ولنؤجل اى نقد لاى مرشح بعد انتخابات

الرئاسة فلن نجنى شىء من النقاش سوى الفرقة والتشتت رغم

ان الامر( برمته )لا يستحق . تقبلوا فائق الاحترام والمنتدى للجميع

لافرق بين عضو واخر وكلنا اخوة تجمعنا محبة مصر وكل منا

يرى صالحها من منظوره .ليتنا ننظر لاوجه الاتفاق ونبتعد تماما

عن اوجه الاختلاف والخلاف فى الرأى لا يفسد للود قضية ويبقى

الاحترام المتبادل هو المعيار الحقيقى لمعدن الانسان .شكرا استاذ

علاء على الطرح ونسأل المولى عز وجل ان يولى علينا من يصلح

واذكركم بقول المولى عز وجل ( وعسى ان تكرهوا شيئا وهو خير لكم )

وللعلم انا لست مع هذا او ذاك انا من حزب الكنبة او الممتنعين عن

المشاركة لعدم قناعتى بكلا المرشحين .